ລາວ-ຍີ່ປຸ່ນ ເສີມຂະຫຍາຍສາຍພົວພັນຮ່ວມມື

- advert banner 728 90 728x90 - ລາວ-ຍີ່ປຸ່ນ ເສີມຂະຫຍາຍສາຍພົວພັນຮ່ວມມື

ໃນວັນທີ 10 ມັງກອນນີ້, ທ່ານ ສຸພັນ ແກ້ວມີໄຊ ລັດຖະມົນຕີກະຊວງແຜນການ ແລະ ການລົງທຶນ ໄດ້ຕ້ອນຮັບການເຂົ້າພົບປະຂອງ ທ່ານ Shigeki IWAI ຜູ້ແທນສະພາສູງຍີ່ປຸ່ນ ພ້ອມດ້ວຍຄະນະ ໃນໂອກາດຢ້ຽມຢາມລາວ. ສອງຝ່າຍໄດ້ຕີລາຄາສູງຕໍ່ສາຍພົວພັນຮ່ວມມືສອງຝ່າຍລາວ-ຍີ່ປຸ່ນ ທີ່ໄດ້ສືບຕໍ່ຂະຫຍາຍຕົວຢ່າງຕໍ່ເນື່ອງ ແລະ ກ້າວສູ່ລວງເລິກ ທັງສອງຝ່າຍໄດ້ມີການແລກປ່ຽນຢ້ຽມຢາມຂອງບັນດາການນໍາຂັ້ນສູງ ແລະ ຄະນະຜູ້ແທນຂະແໜງການຕ່າງໆໃນທຸກລະດັບ ແລະ ເປັນອີກນິມິດໝາຍສໍາຄັນຢ່າງຍິ່ງທີ່ລັດຖະບານສອງປະເທດ ໄດ້ປະກາດເປັນຄູ່ຮ່ວມພັດທະນາທີ່ແໜ້ນແຟ້ນ ແລະ ຄຽງຄູ່ກັນນັ້ນກໍໄດ້ຮອງຮັບເອົາແບບແຜນການຊ່ວຍເຫຼືອຈາກລັດຖະບານຍີ່ປຸ່ນ ໃນຮູບແບບໃໝ່ ໂດຍເນັ້ນໃສ່ກອບອາຊຽນເປັນຫຼັກ. ປະຈຸບັນການຊ່ວຍເຫຼືອຂອງຍີ່ປຸ່ນໂດຍສະເລ່ຍແລ້ວມີມູນຄ່າປະມານ 80-90 ລ້ານໂດລາສະຫະລັດຕໍ່ປີ ໂດຍໄດ້ສຸມໃສ່ຂະແໜງຕ່າງໆເຊັ່ນ: ສຶກສາທິການ, ສາທາລະນະສຸກ, ພັດທະນາພື້ນຖານໂຄງລ່າງ ແລະ  ວຽກງານພັດທະນາຊົນນະບົດອື່ນໆອີກ. ນອກນີ້, ທ່ານລັດຖະມົນຕີ ຍັງໄດ້ສະເໜີໃຫ້ລັດຖະບານຍີ່ປຸ່ນ ສືບຕໍ່ໃຫ້ການຊ່ວຍເຫຼືອຕາມແຜນງານໂຄງການບູລິມະສິດຂອງລັດຖະບານ ແລະ ສະເໜີໃຫ້ລັດຖະບານຍີ່ປຸ່ນ ຊຸກຍູ້ນັກລົງທຶນເຂົ້າມາລົງທຶນໃນລາວເພີ່ມຂຶ້ນ.

- lattana 1 - ລາວ-ຍີ່ປຸ່ນ ເສີມຂະຫຍາຍສາຍພົວພັນຮ່ວມມື