ທົ່ວປະເທດປັກດໍາເຂົ້ານາແຊງສໍາເລັດແລ້ວ 19%

- advert banner 728 90 728x90 - ທົ່ວປະເທດປັກດໍາເຂົ້ານາແຊງສໍາເລັດແລ້ວ 19%

      ກະຊວງກະສິກໍາ ແລະ ປ່າໄມ້ ໃຫ້ຮູ້ວ່າ: ການຜະລິດເຂົ້ານາແຊງຂອງກະສິກອນແຂວງຕ່າງໆ ໃນປີນີ້ເຫັນວ່າເປັນຂະບວນຟົດຟື້ນດີ, ຊຶ່ງມາຮອດປັດຈຸບັນທົ່ວປະເທດ ຕົກກ້າສໍາເລັດແລ້ວ 82% ແລະ ສາມາດປັກດໍາສໍາເລັດແລ້ວ 18 ພັນກວ່າເຮັກຕາ ເທົ່າກັບ 19% ຂອງເນື້ອທີ່ແຜນການ 1 ແສນເຮັກຕາ, ເພື່ອໃຫ້ສາມາດເກັບກູ້ຜົນຜະລິດໄດ້ຢ່າງໜ້ອຍ 525.300 ໂຕນ, ຊຶ່ງປັດຈຸບັນຂະແໜງການກ່ຽວຂ້ອງໄດ້ລົງຊຸກຍູ້ສົ່ງເສີມ ເພື່ອຍົກສະມັດຕະພາບການຜະລິດໃຫ້ໄດ້ຕາມຄາດໝາຍ.

- lattana 1 - ທົ່ວປະເທດປັກດໍາເຂົ້ານາແຊງສໍາເລັດແລ້ວ 19%

ກະຊວງກະສິກໍາ ແລະ ປ່າໄມ້ ໃຫ້ຮູ້ອີກວ່າ: ໃນໜຶ່ງເດືອນຜ່ານມານີ້, ໜ່ວຍງານຂອງຕົນສາມາດຢຶດໄມ້ທີ່ຜິດຕໍ່ລະບຽບກົດໝາຍ ຢູ່ແຂວງສາລະວັນ ໄດ້ທັງໝົດ 12.400 ກ່າວແມັດກ້ອນ (ໄມ້ຄຸ້ມຄອງ 1,2,3) ແລະ ຢູ່ອຸດົມໄຊ, ນະຄອນຫຼວງ, ສະຫວັນນະເຂດ ແລະ ອັດຕະປື ໄດ້ຫຼາຍກ່າວ 23 ແມັດກ້ອນ, ສາມາດຢຶດລົດໄດ້ 1 ຄັນ ແລະ ໄດ້ສືບສວນ-ສອບສວນຜູ້ຕ້ອງຫາທັງໝົດ 29 ຄະດີ (ຄະດີກ່ຽວກັບໄມ້ 18 ຄະດີ ແລະ ສັດປ່າ 11 ຄະດີ) ໃນນັ້ນ, ໄດ້ຊັດມ້ຽນ 5 ຄະດີ, ເຮັດບົດບັນທຶກກ່າວເຕືອນ 3 ຄະດີ ແລະ ສຶກສາອົບຮົມ 6 ຄະດີ. ນອກນີ້, ຍັງສາມາດຢຶດສັດປ່າໄດ້ 134 ກິໂລ ແລະ ເຄື່ອງປ່າຂອງດົງອີກຈໍານວນໜຶ່ງ, ສ່ວນຜູ້ກະທໍາຜິດແມ່ນໄດ້ກ່າວເຕືອນສຶກສາອົບຮົມ ແລະ ປັບໃໝຕາມລະບຽບກົໝາຍ.