ອໍານວຍ​ການ​ໂຮງໝໍ​ແຂວງ​ເຊ​ກອງ​ຍ​ອມຮັບ​ຄວາມ​ຜິດພາດ​ຜ່າຕັດລືມ​ຜ້າ​ບັງ​ໃນ​ທ້ອງ​ຄົນ​ເຈັບ

- advert banner 728 90 728x90 - ອໍານວຍ​ການ​ໂຮງໝໍ​ແຂວງ​ເຊ​ກອງ​ຍ​ອມຮັບ​ຄວາມ​ຜິດພາດ​ຜ່າຕັດລືມ​ຜ້າ​ບັງ​ໃນ​ທ້ອງ​ຄົນ​ເຈັບ

​​ເມື່ອ​ສອງ​ສາມ​ວັນ​ຜ່ານ​ມານີ້, ພາຍ​ຫລັງ​ສື່​ສັງຄົມ​ອອນ​ລາຍ​ໄດ້​​ໂພດຮູບ​ພາບ, ຄິບວີ​ດີ​ໂອຍິງ​ສາວ​ຜູ້ໜຶ່ງຢູ່​ແຂວງ​ເຊ​ກອງ​ໄດ້​ໄປ​ຜ່າຕັດ​ປິ່ນປົວ​ພະຍາດ​ຢູ່​ໂຮງໝໍ​ແຂວງ​ດັ່ງກ່າວ, ​ແຕ່​ທ່ານໝໍຜ່າຕັດ​ໄດ້ລືມ​ຜ້າ​ບັງ​ຢູ່​ໃນ​ທ້ອງ​ຜູ້ກ່ຽວຈົນ​ເປັນ​ກະ​ແສ​ສັງຄົມສະ​ແດງ​ຄວາມ​ຄິດ​ເຫັນ​ຕ່າງໆ​ນາໆອອກ​ມາ​ຜ່ານ​ສື່​ສັງຄົມ​ອອນ​ລາຍ, ​ຕໍ່ກັບ​ສະພາບ​ດັ່ງກ່າວ, ທ່ານ​ຜູ້ອຳນວຍການ​ໂຮງໝໍ​ແຂວງ​ເຊ​ກອງກໍ​ໄດ້​ອອກ​ມາຍ​ອມຮັບ​ວ່າ: ​ເຫດການ​ດັ່ງກ່າວ​ແມ່ນ​ມີ​ຄວາມ​ຈິງ ​ແລະສະ​ແດງ​ຄວາມ​ເສຍ​​ໃຈ​ນຳ​ຄອບຄົວ​ຜູ້​ຖືກ​ເຄາະ​ຮ້າຍ ​ແລະຂໍ​ໂທດ​ຕໍ່ສັງຄົມ​ຕໍ່​ເລື່ອງ​ທີ່​ເກີດ​ຂຶ້ນ ​ແລະຈະ​ໄດ້​ສຸມ​ໃສ່​ຊ່ວຍ​ເຫລືອ​ເບິ່ງ​ແຍງ​ຜູ້ກ່ຽວ​ໃຫ້ຫາ​ຍ​ເຊົາ​ເປັນ​ປົກະຕິ ​ແລະ ​ໃນ​ນາມ​ໂຮງໝໍ​ແຂວງ​ຂໍ​ສະ​ແດງ​ຄວາມ​ຮັບຜິດຊອບ​ຕໍ່​ເຫດການ​ທີ່​ເກີດ​ຂຶ້ນ, ສ່ວນ​ການຜ່າຕັດ​ທີ່​ຜິດພາດ​ທາງ​ອຳນວຍ​ການຈະ​ໄດ້​ກວດ​ສອບ ​ແລະປະຕິບັດ​ວິ​ໃນ​ຜູ້​ກະທຳ​ຜິດ​ຕາມ​ຄວາມ​ເຫມາະ​ສົມ.

- lattana 1 - ອໍານວຍ​ການ​ໂຮງໝໍ​ແຂວງ​ເຊ​ກອງ​ຍ​ອມຮັບ​ຄວາມ​ຜິດພາດ​ຜ່າຕັດລືມ​ຜ້າ​ບັງ​ໃນ​ທ້ອງ​ຄົນ​ເຈັບ
- 49667029 348956059261828 6305706838927081472 n - ອໍານວຍ​ການ​ໂຮງໝໍ​ແຂວງ​ເຊ​ກອງ​ຍ​ອມຮັບ​ຄວາມ​ຜິດພາດ​ຜ່າຕັດລືມ​ຜ້າ​ບັງ​ໃນ​ທ້ອງ​ຄົນ​ເຈັບ

    ​ໃນ​ກອງ​ປະຊຸມ​ສະ​ໄໝ​ສາມັນ​ເທື່ອ​ທີ IV ຂອງ​ສະພາ​ແຫ່ງຊາດຊຸດ​ທີ VIII ​​ເມື່ອ​ບໍ່ດົນ​ມານີ້, ທ່ານ ບຸນ​ກອງ ສີ​ຫາ​ວົງ ລັດຖະມົນຕີ​ກະຊວງ​ສາທາລະນະ​ສຸກ ​ໄດ້​ອອກ​ມາ​ຢືນຢັນ​ຕໍ່​ສະມາຊິກ​ສະພາ​ແຫ່ງ​ຊາດ​ວ່າ: ຂະ​ແໜງ​ການ​ຂອງ​ຕົນ​ຈະ​ເລັ່ງປັບປຸງ​ຄຸນ​ນະພາ​ບການ​ບໍລິການ​ປິ່ນປົວ​ສຸຂະພາບ​ຂອງ​ປະຊາຊົນ​ໃຫ້​ດີກ​ວ່າ​ເກົ່າ ບົນ​ຈິດ​ໃຈ​ຖື​ເອົາ​ນະ​ໂຍບາຍ 5 ດີ ​ແລະ 1 ພໍ​ໃຈ ​ເປັນ​ຂໍ້​ແຂ່ງຂັນ​ຮັກ​ຊາດ ​ແລະ ພັດທະນາ​ຄື: 1. ການ​ຕ້ອນ​ຮັບ​ດີ, 2. ຄວາມ​ສະອາດ​ດີ, 3. ຄວາມ​ສະດວກ​ດີ, 4. ການ​ບົ່ງມະຕິ​ພະຍາດ​ຊັດ​ເຈນ​ດີ, 5. ການ​ປິ່ນປົວ​ດີ​ໄວ, ສ່ວນ 1 ພໍ​ໃຈ​ແມ່ນ​ເຮັດ​ໃຫ້​ຄົນ​ເຈັບ​ເພິ່ງ​ພໍ​ໃຈ.ທ່ານ​ລັດຖະມົນຕີ ​ເນັ້ນວ່າ: ​ໄປ​ຄຽງ​ຄູ່​ກັບ​ຂໍ້​ແຂ່ງຂັນ​ດັ່ງກ່າວ, ທາງ​ກະຊວງ​ໄດ້​ເລັ່ງກວດກາ​ສະຖານ​ທີ່​ບໍລິການ​ດ້ານ​ສາທາລະນະ​ສຸກ​ຫລາຍ​ແຫ່ງ​ທີ່​ບໍ່​ປະຕິບັດ​ຕາມ​ລະບຽບ​ກົດໝາຍ​ຢູ່​ນະຄອນຫລວງ​ວຽງ​ຈັນ ​ໂດຍ​​ໄດ້​ສັ່ງ​ປິດ​ການ​ບໍລິການ​ໜຶ່ງ​ແຫ່ງ, ສ່ວນ​ອີກ 195 ​ແຫ່ງ​ແມ່ນ​ບໍ່​ອະນຸຍາດ​ໃຫ້​ຕໍ່​ທະບຽນ​ດຳ​ເນີນ​ກິດຈະການ​ອີກ, ພ້ອມ​ນັ້ນກໍ​ໄດ້​ເລັ່ງ​ເຝິກອົບຮົມ​ດ້ານ​ວິຊາ​ການ​ໃຫ້​ພະນັກງານ​ແພດ​ໝໍ​ລະດັບ​ຕ່າງໆ​ມີ​ຄວາມ​ຊຳນານ​ງານ, ມີ​ຈັນ​ຍາ​ບັນ, ຈັນຍາທຳ​ຂອງ​ແພດໝໍ, ​ແນະນຳ​ໃຫ້​ແຕ່ລະ​ໂຮງໝໍ​ມີ​ຕູ້​ຮັບ​ຄຳ​ສົ່ງ​ຂ່າວ, ມີ​ເບີ​ໂທລະສັບ​ເພື່ອ​ຮັບ​ຄຳ​ຄິດ​ເຫັນ​ຂອງ​ປະຊາຊົນ, ມີ​ລະບອບ​ການ​ກວດກາ​ເວນຍາມ, ການ​ປະຊຸມ​ສ່ອງ​ແສງ​ທຸກໆ​ຕ້ອນ​ເຊົ້າ ​ເພື່ອ​ແກ້​ໄຂ​ແຕ່​ລະ​ກໍລະນີ​ຂອງ​ຄົນ​ເຈັບ​ໜັກ ​ແລະ ມີ​ການ​ທົບ​ທວນ​ສາ​ເຫດ​ຂອງ​ການ​ເສຍ​ຊີວິດ​ທຸກໆ​ກໍລະນີ, ພ້ອມ​ເລັ່ງຈຳກັດ​ການ​ໂຄສະນາ​ເກີນ​ເຫດ​ຂອງ​ບາງ​ຜະລິດ​ຕະພັນ​ການ​ແພດ ​ແລະ ບາງ​ສະຖານ​ທີ່​ບໍລິການ​ສາທາລະນະ​ສຸກ, ​ເລັ່ງຈຳກັດ​ອາຫານ ​ແລະ ຢາ​ບໍ່​ມີ​ຄຸນ​ນະພາ​ບ, ສົ່ງ​ເສີມ​ໃຫ້​ປະຊາຊົນ​ລາວ​ທຸກ​ຊັ້ນຄົນ​ໄດ້​ເຂົ້າ​ເຖິງ​ການ​ບໍລິການ​ຮັກສາ​ສຸຂະພາບ​ໃຫ້​ດີ​ຂຶ້ນກວ່າ​ເກົ່າ.