ອາເມ່ຍ ຄານ ຕົກລົງຊົກກັບ ຄໍຣຟ໋ອດ ຜູ້ໄຮ້ປະລາໄຊ ໃນເດືອນເມສາປີນີ້

- advert banner 728 90 728x90 - ອາເມ່ຍ ຄານ ຕົກລົງຊົກກັບ ຄໍຣຟ໋ອດ ຜູ້ໄຮ້ປະລາໄຊ ໃນເດືອນເມສາປີນີ້

     ອາ​ເມ່ຍ ຄານ ນັກ​ມວຍ​ດັງ​ຊາວ​ອັງກິດ ​ເຊື້ອສາຍ​ປາ​ກິດ​ສະຖານ ​ໄວ 32 ປີ ຕົກລົງ​ຈະ​ຊົກ​ກັບ ​ເຕ​ເຣັນ ຄໍຣຟ໋ອດ ນັກ​ມວຍ​ຊາວ​ອາ​ເມ​ລິ​ກາ ​ໄວ 31 ປີ ຜູ້​ມີ​ສະຖິຕິ​ໄຮ້​ປະລາ​ໄຊ ​ໃນ​ວັນ​ທີ 20 ​ເມສາ​ປີ​ນີ້ ທີ່​ນະຄອນ​ນິວຢອກ ສະຫະລັດ​ອາ​ເມ​ລິ​ກາ ​ໂດຍ ອາ​ເມ່ຍ ຄານ ຂໍ​ຊີງ​ສາຍ​ແອວ​​ແຊ້ມ WBO ອົງການ​ມວຍ​ໂລກ ລຸ້ນ Welterweight ຂອງ ​ເຕ​ເຣັນ ຄໍ​ຣຟ໋ອດ ນັດ​ນີ້ ຄາດ​ວ່າ ອາ​ເມ່ຍ ຄານ ຈະ​ໄດ້​ຮັບ​ບໍ່​ຕໍ່າ​ກວ່າ 5 ລ້ານ​ໂດ​ລາ, ສ່ວນ ​ເຕ​ເຣັນ ຄໍຣຟ໋ອດ ຈະ​ໄດ້​ຮັບບໍ່​ຫລຸດ 3 ລ້ານ​ໂດ​ລາ ຈາກ​ຝ່າຍ​ຈັດການ​ແຂ່ງຂັນ.

- lattana 1 - ອາເມ່ຍ ຄານ ຕົກລົງຊົກກັບ ຄໍຣຟ໋ອດ ຜູ້ໄຮ້ປະລາໄຊ ໃນເດືອນເມສາປີນີ້

      ຄູ່​ນີ້​ບໍ່​ເຄີຍ​ພົບ​ກັນ​ມາ​ກ່ອນ ​ເປັນ​ມວຍ​ທີ່​ໃກ້​ຄຽງ​ສູສີ. ສະຖິຕິ​ການ​ຊົກ​ຂອງ ອາ​ເມ່ຍ ຄານ ຊົກ 37 ຄັ້ງ ຊະນະ 33 ​ເສຍ 4 ນັອກຄູ່​ແຂ່ງ 20. ຂະນະ​ທີ່ ​ເຕ​ເຣັນ ຄໍຣຟ໋ອດ ຊົກ 34 ຄັ້ງ ຊະນະ​ໝົດ ນັອກຄູ່​ແຂ່ງ 25 ຄັ້ງ, ທັງ​ສອງ​ຊົກ​ຄັ້ງຫລ້າ​ສຸດ​ໃນ​ເດືອນ​ກັນຍາ ​ແລະ ​ເດືອນ​ຕຸລາ​ປີຜ່ານມາ, ​ເຕ​ເຣັນ ຄໍຣຟ໋ອດ ນັອກຄູ່​ແຂ່ງ 5 ນັດ​ຫລັງ​ສຸດ, ສ່ວນ ອາ​ເມ່ຍ ຄານ ຊະນະ​ຄະ​ແນນ​ນັກ​ມວຍ​ໃນ​ນັດ​ຫລ້າ​ສຸດ. ຄວາມ​ສູງ​ທັງ​ສອງ​ລື່ນ​ກັນ​ພຽງ 1 ຊັງ​ຕີ​ແມັດ, ອາ​ເມ່ຍຄານ 174 cm, ​ເຕ​ເຣັນ ຄໍຣຟ໋ອດ 173 cm.