ຮອນດ້າ HR-V ໃໝ່ລາຄາບໍ່ແພງ
ບໍລິສັດ ນິວຈິບເຊັງ ຈຳກັດ, ໄດ້ຈັດພິທີນຳສະເໜີລົດ HR-V ໃໝ່ລ່າສຸດ, ຂຶ້ນໃນວັນທີ 26 ພຶດສະພານີ້, ທີ່ນະຄອນຫລວງວຽງຈັນ, ເພື່ອໃຫ້ມວນຊົນຜູ້ທີ່ສົນໃຈໄດ້ເຂົ້າໄປສຳພັດກັບລົດດ້ວຍຕົນເອງ ແລະ ສາມາດຈັບຈອງໄດ້ ເພື່ອຮັບສ່ວນຫລຸດຕ່າງໆ.
ທ່ານ ສະເໜີ ຈຸນລະມະນີ ຮອງປະທານບໍລິສັດ ນິວຈິບເຊັງ ຈຳກັດ ກ່າວວ່າ: ລົດຮອນດ້າ ຮຸ່ນ HR-V ເປັນລົດຮຸ່ນໃໝ່ ທີ່ຖືກອອກແບບມາເໝາະກັບທຸກສະພາບບໍ່ວ່າຈະນໍາໃຊ້ແບບຄອບຄົວ ແລະ ດ້ວຍຕົວເອງໄດ້ຢ່າງສະດວກສະບາຍ, ຊຶ່ງລົດຮຸ່ນນີ້ ເປັນລົດອະເນກປະສົງທີ່ມີຄວາມສູງ ແລະ ຂັບຂີ່ນີ້ມນວນມີລະບົບຊ່ວງລ່າງແຂງແຮງ ເຮັດໃຫ້ການຊົງຕົວດີເລີດ. ລາຄາຂາຍຢູ່ທີ່ 255.163.000 ກີບ.
ຂະນະດຽວກັນ ລົດຮອນດາ Civic ກໍເປັນລົດຮຸ່ນໃໝ່ເຊັນກັນ, ທີ່ມາພ້ອມກັບຄວາມງົດງາມຫລູຫລາ, ລ້ຳໜ້າທັນສະໄໝໃນທຸກໆດ້ານ, ໂດຍຖືກອອກແບບໃຫ້ເປັນລົດຫລູຫລາ ແຂງແກ່ນ, ໄຟຕາທ້າຍເປັນ LED ຮູບໂຕ C, ໄຟໜ້າມາພ້ອມຊຸດໄຟທີ່ລ້ຳເລີດ, ສ່ວນ ກຸນແຈລົດ ແມ່ນນຳໃຊ້ລະບົບອັດສະລິຍະ, ສາມາດສະຕາດລົດໄດ້ ໂດຍບໍ່ຈຳເປັນຕ້ອງຂຶ້ນໄປນັ່ງຢູ່ລົດ, ພ້ອມນີ້ ຍັງສາມາດປ່ຽນເກຍ Paddle Shift ທີ່ພວງມະໄລໄດ້ເລີຍ, ລາຄາຂາຍຢູ່ທີ່ 305.359.000 ກີບ.