ກະຊວງພະລັງງານ ແລະ ບໍ່ແຮ່ ເປີດບັ້ນດຳເນີນຊີວິດການເມືອງປັບປຸງປົວແປງພັກ

- WhatsApp Image 2017 07 12 at 9 - ກະຊວງພະລັງງານ ແລະ ບໍ່ແຮ່ ເປີດບັ້ນດຳເນີນຊີວິດການເມືອງປັບປຸງປົວແປງພັກ

ໃນວັນທີ 15 ມິຖຸນານີ້ ກະຊວງພະລັງງານ ແລະ ບໍ່ແຮ່ ໄດ້ເປີດບັ້ນດຳເນີນຊີວິດການເມືອງປັບປຸງປົວແປງພັກຂຶ້ນທີ່ ທີ່ຫ້ອງປະຊຸມໃຫຍ່ ລັດວິສາຫະກິດໄຟຟ້າລາວ ໂດຍການເປັນປະທານຂອງ ສະຫາຍ ຈັນສີ ໂພສີຄຳ ກຳມະການກົມການເມືອງສູນກາງພັກ, ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ, ສະຫາຍ ຄຳມະນີ ອິນທິລາດ ກຳມະການສູນກາງພັກ, ເລຂາຄະນະພັກ, ລັດຖະມົນຕີ ກະຊວງພະລັງງານ ແລະ ບໍ່ແຮ່ ພ້ອມດ້ວຍຄະນະພັກ-ຄະນະນຳ, ສະມາຊິກພັກ-ພະນັກງານຫຼັກແຫຼ່ງ ອ້ອມຂ້າງ  ກະຊວງພະລັງງານ ແລະ ບໍ່ແຮ່ ເຂົ້າຮ່ວມ  741 ສະຫາຍ.

- lattana 1 - ກະຊວງພະລັງງານ ແລະ ບໍ່ແຮ່ ເປີດບັ້ນດຳເນີນຊີວິດການເມືອງປັບປຸງປົວແປງພັກ

ເພື່ອເຮັດໃຫ້ເນື້ອໃນຈິດໃຈຄຳສັ່ງເລກທີ 01/ກມສພ, ວ່າດ້ວຍການດຳເນີນຊີວິດປັບປຸງປົວແປງທົ່ວພັກໃຫ້ເລິກເຊິ່ງ ແລະ ເຖິງຖອງ ຕາມ 5 ຫຼັກການ ແລະ 3 ທິດຊີ້ນຳທີ່ໄດ້ກຳນົດໄວ້ຢູ່ໃນກົດລະບຽບຂອງພັກປະຊາຊົນ ປະຕິວັດລາວ ສະໄໝທີ X ໃນການຈັດຕັ້ງຄົ້ນຄວ້າ ເຊື່ອມຊືມ ເຜີຍແຜ່ເອກະສານສຳຄັນຄື: “ເດັດດ່ຽວ ປັບປຸງປົວແປງພັກ ໃຫ້ປອດໃສ, ເຂັ້ມແຂງ ແລະ ໜັກແໜ້ນ” ຊຶ່ງເອກະສານດັ່ງກ່າວປະກອບມີ 4 ບັນຫາໃຫຍ່ ຄື: 1) ຕັ້ງໜ້າຝຶກຝົນຫຼໍ່ຫຼອມຄຸນທາດການເມືອງ ແລະ ຄຸນສົມບັດສິນທຳປະຕິວັດ. 2) ຕັ້ງໜ້າປັບປຸງແບບແຜນວິທີນຳພາ ແລະ ວິທີເຮັດວຽກຂອງພັກ ໃຫ້ເຂັ້ມງວດ ແລະ ສັກສິດ. 3) ແກ້ໄຂພະຍາດອາດຍາສິດ, ສະກັດກັ້ນ ແລະ ຕ້ານການສໍ້ລາດບັງຫຼວງ. 4) ມາດຕະການ ແລະ ວິທີການຈັດຕັ້ງປະຕິບັດ.

ກອງປະຊຸມດຳເນີນຊີວິດການເມືອງປົວແປງປັບປຸງພາຍໃນພັກເທື່ອນີ້, ພວກເຮົາຈະໄດ້ພ້ອມກັນ ຄົ້ນຄວ້າ, ເຊື່ອມຊືມ ເພື່ອກຳແໜ້ນ ແລະ ຈັດຕັ້ງປະຕິບັດ ບັນດາເນື້ອໃນ ແລະ ວຽກງານທີ່ສຳຄັນຈຳນວນໜື່ງຄື:

  1. ພ້ອມກັນຄົ້ນຄວ້າເພື່ອເຊື່ອມຊືມ, ກຳແໜ້ນ ເນື້ອໃນຈິດໃຈຂອງເອກະສານ “ ເດັດດ່ຽວປັບປຸງປົວແປງພັກໃຫ້ປອດໃສ,ເຂັ້ມແຂງ ແລະ ໜັກແໜ້ນ”
  2. ດໍາເນີນການສະຫຼຸບຕີລາຄາຄວາມຮັບຜິດຊອບຂອງຄະນະພັກໃນການຊີ້ນໍາ-ນຳພາຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ມະຕິກອງປະຊຸມໃຫຍ່ຄັ້ງທີ II ຂອງອົງຄະນະພັກກະຊວງພະລັງງານ ແລະ ບໍ່ແຮ່.
  3. ຜ່ານບົດສໍາຫຼວດບຸກຄົນພາຍໃນຄະນະພັກ ແລະ ສະມາຊິກພັກ ຕິດພັນກັບການຕິຊົມຕົນເອງ ແລະ ຕິຊົມກັນຢ່າງເລິກເຊິ່ງ, ໜັກແໜ້ນ ແລະ ເຂັ້ມງວດ. ພ້ອມດຽວກັນນີ້, ກໍ່ປຶກສາຫາລືວິທີການ, ມາດຕະການເພື່ອແກ້ໄຂ, ກຳຈັດຈຸດອ່ອນ ແລະ ຂໍ້ຂາດຕົກບົກຜ່ອງດ້ານຕ່າງໆ. ກອງປະຊຸມໃນຄັ້ງນີ້ຈະດຳເນີນໄປເປັນໄລຍະເວລາ 7ວັນ ນັບຕັ້ງແຕ່ວັນທີ 15-22 ມິຖູນານີ້.