ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ

- WhatsApp Image 2017 07 12 at 9 - ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ

- by9r44wn - ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ

- lattana 1 - ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ

​ເຈນີວາ 19 ມິຖຸນາ: ອົງການ​ສະຫະ​ປະຊາ​ຊາດ ຫລື ສປຊ ​ເປີດ​ເຜີຍ​ວ່າ: ​ເຫດ​ຄວາມ​ຂັດ​ແຍ່ງ ​ແລະ ຄວາມ​ຮຸນ​ແຮງ​ໃນ​ຫລາຍ​ພື້ນທີ່ ສົ່ງ​ຜົນ​ໃຫ້​ມີ​ຈຳນວນ​ຜູ້​ພັດ​ຖິ່ນ​ທົ່ວ​ໂລກ ​ໃນ​ປີ 2016 ​ສູງ​ເຖິງ 65,6 ລ້ານ​ຄົນ ຖື​ວ່າ​ສູງ​ສຸດ​ເປັນ​ປະຫວັດສາດ.

- fdi6ozvn - ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ

ສຳນັກງານ​ຂ້າ​ຫລວງ​ໃຫຍ່​ຜູ້​ລີ້​ໄພ​ແຫ່ງ​ສະຫະ​ປະຊາ​ຊາດ ຫລື UNHCR ​​ເຜີຍ​ແຜ່​ລາຍ​ງານ​ລະບຸ​ວ່າ: ຈຳນວນ​ຜູ້​ພັດ​ຖິ່ນ​ເພີ່ມ​ຂຶ້ນ 300.000 ຄົນ​ຈາກ​ປີ 2015 ​ເພີ່ມ​ສູງ​ຂຶ້ນກວ່າ 6 ລ້ານ​ຄົນ​ຈາກ​ປີ 2014 ຖື​ວ່າ​ມີ​ຈຳນວນ​ສູງ​ທີ່​ສຸດ​ແບບ​ບໍ່​ເຄີຍ​​ເກີດ​ຂຶ້ນມາ​ກ່ອນ. ທ່ານ ຟິລິບ​ໂປ ກຣັນດີ ຂ້າ​ຫລວງ​ໃຫຍ່ UNHCR ກ່າວ​ວ່າ: ​ເປັນ​ສິ່ງ​ທີ່​ຮັບ​ບໍ່​ໄດ້ ​ໂດຍ​ທຸກ​ຝ່າຍ​ຕ້ອງຮ່ວມ​ມື​ກັນ​ປ້ອງ​ກັນ ​ແລະ ​ແກ້​ໄຂ​ວິ​ກິດ​ການ​ທີ່​ເກີດ​ຂຶ້ນ.

ລາຍ​ງານ​ລະບຸ​ວ່າ: ​​ໃນ​ປີຜ່ານມາ​ພຽງ​ປີ​ດຽວ ມີ​ຈຳນວນ​ຜູ້​ພັດ​ຖິ່ນ​ສູງ​ເຖິງ 10,3 ລ້ານ​ຄົນ ​ໃນ​ຈຳນວນ​ນີ້​ມີ 3,4 ລ້ານ​ຄົນ​ທີ່​ເດີນທາງ​ຂ້າມ​ຊາຍ​ແດນ​ໃນ​ຖານະ​ຜູ້​ລີ້​ໄພ ​ເທົ່າ​ກັບ​ວ່າ​ໃນ​ປັດຈຸບັນ​ນີ້​ທຸກໆ 3 ວິນາທີ​ຈະ​ຕ້ອງ​ມີ​ຜູ້​ພັດ​ຖິ່ນ​ເກີດ​ຂຶ້ນຢ່າງ​ໜ້ອຍ 1 ຄົນ.

- 8659mx37 - ສປຊ ເຜີຍຕົວເລກຜູ້ພັດຖິ່ນທົ່ວໂລກເພີ່ມຂຶ້ນເກີນ 65 ລ້ານຄົນ
ທ່ານ ຟີລິບໂປ ກຣານດີ ຂ້າຫລວງໃຫຍ່ UNHCR (ຄົນກາງ)

​ເຫດ​ຄວາມ​ຂັດ​ແຍ່ງ​ຕໍ່​ເນື່ອງ​ຍາວ​ນານ 6 ປີ​ຢູ່​ຊີຣີ ​ສົ່ງ​ຜົນ​ໃຫ້​ມີ​ປະຊາຊົນ​ກວ່າ 5,5 ລ້ານ​ຄົນ​ລີ້​ໄພ​ໄປ​ປະ​ເທດ​ອື່ນ​ແລ້ວ ​ໂດຍ​ໃນ​ປີຜ່ານມາ​ພຽງ​ປີ​ດຽວ ມີ​ຜູ້​ອົບ​ພະຍົບທັງ​ໝົດ 825.000 ຄົນ ກາຍ​ເປັນ​ປະ​ເທດ​ທີ່​ມີ​ຜູ້​ລີ້​ໄພ​ເດີນທາງ​ອອກ​ນອກ​ປະ​ເທດ​ຫລາຍ​ທີ່​ສຸດ​ໃນ​ໂລກ. ນອກ​ຈາກ​ນີ້ ຍັງ​ມີ​ຜູ້​ພັດ​ຖິ່ນ​ພາຍ​ໃນ​ປະ​ເທດ​ຕົວ​ເອງ​ອີກ 6,3 ລ້ານ​ຄົນ ​ເທົ່າ​ກັບ​ວ່າ​ພົນລະ​ເມືອງ​ຊາວ​ຊີຣີ​ເກືອບ 2 ​ໃນ 3 ​ໄດ້​ຮັບ​ຜົນ​ກະທົບ​ກາຍ​ເປັນ​ຜູ້​ພັດ​ຖິ່ນ. ນອກຈາກ​ຊີຣີ​ແລ້ວ, ທ່ານ ກຣັນດີ ຍັງ​ສະ​ແດງ​ຄວາມ​ກັງວົນ​ກ່ຽວ​ກັບ​ສະຖານະ​ການ​ຮຸນ​ແຮງ​ຢູ່​ຊູ​ດັງ​ໃຕ້ ທີ່​ຊ້ຳຕື່ມ​ວິ​ກິດ​ຜູ້​ລີ້​​ໄພ ​ແລະ ຜູ້​ພັດ​ຖິ່ນ​ໃນ​ປັດຈຸບັນ​ນີ້.