ອາທິດຜ່ານມາ, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນ 18 ກໍລະນີ ເສຍຊີວິດ 3 ຄົນ

- WhatsApp Image 2017 07 12 at 9 - ອາທິດຜ່ານມາ, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນ 18 ກໍລະນີ ເສຍຊີວິດ 3 ຄົນ

ພະແນກຕຳຫລວດຈະລາຈອນ ນະຄອນຫລວງວຽງຈັນ ໃຫ້ຮູ້ວ່າ: ນັບແຕ່ວັນທີ 12-18 ມີຖຸນານີ້, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນ 18 ກໍລະນີ, ສົ່ງຜົນໃຫ້ມີຜູ້ເສຍຊີວິດ 3 ຄົນ, ໃນນັ້ນ ມີພາຫະນະເປ່ເພ 36 ຄັນ ແລະ ມີຜູ້ໄດ້ຮັບບາດເຈັບ 31 ຄົນ ລວມມູນຄ່າເສຍຫາຍຫລາຍກວ່າ 300 ລ້ານກີບຄື: ເວລາປະມານ 15:30 ຂອງວັນທີ 13, ໄດ້ມີລົດໃຫຍ່ຕຳກັບລົດຈັກຢ່າງແຮງ, ຢູ່ເຂດບ້ານຫ້ວຍຫ້ອມ, ເມືອງຫາດຊາຍຟອງ, ສົ່ງຜົນໃຫ້ຜູ້ຂັບຂີ່ລົດຈັກຊື່ນາງ ດາວ, ອາຍຸ 22 ປີ, ຢູ່ບ້ານອ່າງໄຫຍ່, ເມືອງສີໂຄດຕະບອງ ເສຍຊີວິດ, ທ່ຽງຄືນຂອງວັນດຽວກັນ, ໄດ້ມີລົດໃຫຍ່ຕຳລົດ ຈັກຢ່າງແຮງ ຢູ່ເຂດບ້ານໜອງບຶກ, ເມືອງໄຊທານີ, ສົ່ງຜົນໃຫ້ຄົນຂັບລົດຈັກເສຍຊີວິດຄາທີ ແລະ ເວລາປະມານ 17:30 ຂອງວັນທີ 18 ມີຖຸນານີ້, ໄດ້ມີລົດຈັກຕຳກັບລົດຈັກ ຢູ່ເຂດບ້ານທາດຫລວງ, ເມືອງໄຊເສດຖາ, ສົ່ງຜົນໃຫ້ຜູ້ຊ້ອນທ້າຍຊື່ທ້າວ ສີລາສະຫວັນ ອາຍຸ 12 ປີ, ຢູ່ບ້ານຫົວຂົວ, ເມືອງໄຊເສດຖາ ເສຍຊີວິດຄາທີ່.

- lattana 1 - ອາທິດຜ່ານມາ, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນ 18 ກໍລະນີ ເສຍຊີວິດ 3 ຄົນ

ປັດຈຸບັນ ອຸປະຕິເຫດຍັງສືບຕໍ່ແມ່ນເກີດຂຶ້ນຢ່າງແພ່ຫລາຍ ໂດຍສ່ວນໃຫຍ່ແມ່ນເກີດຈາກການລະເມີດລະບຽບຈະລາຈອນ ແລະ ໜິ່ນປະໝາດໃນການຂັບຂີ່ ອັນໄດ້ສົ່ງຜົນໃຫ້ເກີດຄວາມເສຍຫາຍຢ່າງມະຫາສານ.