ກະຕໍ້ລາວ ຕັ້ງເປົ້າຄວ້າຫຼຽນໃດໜຶ່ງໃນການກິລານັກຮຽນອາຊຽນ ຄັ້ງທີ 9 ທີ່ສິງກະໂປ

- WhatsApp Image 2017 07 12 at 9 - ກະຕໍ້ລາວ ຕັ້ງເປົ້າຄວ້າຫຼຽນໃດໜຶ່ງໃນການກິລານັກຮຽນອາຊຽນ ຄັ້ງທີ 9 ທີ່ສິງກະໂປ

- 1280 300x200 - ກະຕໍ້ລາວ ຕັ້ງເປົ້າຄວ້າຫຼຽນໃດໜຶ່ງໃນການກິລານັກຮຽນອາຊຽນ ຄັ້ງທີ 9 ທີ່ສິງກະໂປສະຫະພັນກິລາກະຕໍ້ແຫ່ງ ຊາດລາວ ກຽມສົ່ງນັກກິລາຊາຍ ຈຳນວນ 12 ຄົນ ເຂົ້າຮ່ວມຊີງໄຊ 3 ລາຍການໃນການແຂ່ງຂັນກິ ລາກະຕໍ້ ງານມະຫະກຳກິລານັກ ຮຽນ ຄັ້ງທີ 9 ທີ່ປະເທດສິງກະໂປ ເປັນເຈົ້າພາບໃນກາງເດືອນກໍລະກົດນີ້ ພ້ອມຕັ້ງເປົ້າຈະພະຍາຍາມ ສູ້ຊົນຍາດໃຫ້ໄດ້ຫຼຽນໃດຫຼຽນ ໜຶ່ງ.
ໃນວັນທີ 30 ມິຖຸນາຜ່ານ ມາ ກິລາໃນຮົ່ມ ໂອແລປາເຊຍ (ວິທະຍາເຂດດົງໂດກ) ນະ ຄອນຫຼວງວຽງຈັນ ຄະນະຮັບຜິດ ຊອບນຳທັບນັກກິລານັກຮຽນ ລາວ ເຂົ້າ ຮ່ວມແຂ່ງຂັນໃນງານ ມະຫະກຳກິລານັກຮຽນອາຊຽນ ຄັ້ງທີ 9, ນຳໂດຍ ທ່ານ ຄຳພັນ ອ່ອນພັນ ຮອງຫົວໜ້າກົມພະລະ ແລະ ສິລະປະສຶກສາກະຊວງສຶກ ສາທິການ ແລະ ກິລາ ທັງເປັນຄະ ນະຮັບຜິດຊອບກິລານັກຮຽນ ລາວ ພ້ອມດ້ວຍຄະນະໄດ້ລົງຕິດ ຕາມໃຫ້ກຳລັງໃຈ ແລະ ມອບ ເຄື່ອງດື່ມບຳລຸງສຸຂະພາບໃຫ້ທັບນັກກິລາກະຕໍ້ ນັກຮຽນຈຳນວນ 12 ຄົນ ທີ່ເກັບໂຕເຝິກຊ້ອມ ເພື່ອ ກຽມເຂົ້າຮ່ວມງານດັ່ງກ່າວ.
ໂອກາດນີ້ ທ່ານ ສົມໃຈ ແກ້ວປະເສີດ ຫົວໜ້າຄູເຝິກກິລາ ກະຕໍ້ ນັກຮຽນລາວ ໄດ້ລາຍງານ ໃຫ້ຮູ້ວ່າ: ສຳລັບການເຂົ້າຮ່ວມ ແຂ່ງຂັນງານມະຫະກຳກິລານັກຮຽນອາຊຽນ ຄັ້ງທີ 9 ທີ່ປະເທດ ສິງປະໂປ ເປັນເຈົ້າພາບລະ ຫວ່າງວັນທີ 13-21 ກໍລະກົດ 2017. ກິລາກະຕໍ້ແຫ່ງຊາດລາວ ຈິສົ່ງທັບນັກກິລາກະຕໍ້ນັກຮຽນ ລາວ ເຂົ້າຮ່ວມທັງໝົດ 12 ຄົນ ເປັນປະເພດຊາຍໝົດ ເຊິ່ງຈະລົງ ແຂ່ງຂັນໃນ 3 ລາຍການປະ ກອບມີ: ປະເພດທີມຄູ່, ທີມດ່ຽວ ແລະ ທີມຊຸດ. ທັງນີ້ສຳລັບນັກກິ ລາຈຳນວນດັ່ງກ່່າວແມ່ນໄດ້ເລີມເຂົ້າສູນເຝິກຊ້ອມມາແຕ່ກາງ ເດືອນພຶດສະພານັບມາຮອດປັດຈຸບັນເຫັນວ່ານັກກິລາມີຄວາມພ້ອມເຕັມຮ້ອຍເປີເຊັນບໍ່ວ່າຈະເປັນ ທາງດ້ານຮ່າງກາຍ, ຈິດໃຈ, ພະ ລະກຳລັງ ແລະ ເຕັກນິກຕ່າງໆ ພ້ອມຕັ້ງເປົ້າຈະພະຍາຍາມສູ້ຊົນຍາດໃຫ້ໄດ້ຫຼຽນໃດຫຼຽນໜຶ່ງ. ແນວກໍຕາມໃນການເຂົ້າຮ່ວມ ງານມະຫະກຳກິລານັກຮຽນອາຊຽນ ຄັ້ງທີ 8 ທີ່ແຂວງຊຽງໃໝ່ ປະເທດໄທ ເປັນເຈົ້າ ເມື່ອປີ 2016 ຜ່ານມາ ທັບນັກກິລາກະ ຕໍ້ນັກຮຽນລາວ ເຮົາສາມາດຍາດ ໄດ້ພຽງ 1 ຫຼຽນເງິນ ແລະ 1 ຫຼຽນທອງເທົ່ານັ້ນ.
ຂະນະດຽວກັນ ທ່ານ ຄຳ ພັນ ອ່ອນພັນ ໄດ້ກ່າວສະແດງ ຄວາມຍ້ອງຍໍຊົມເຊີຍຕໍ່ຄະນະນຳ, ຄູເຝິກ ແລະ ນັກກິລາ ທີ່ມອບກະ ກຽມ ແລະ ເຝິກຊ້ອມຢ່າງເປັນຂະ ບວນຟົດຟື້ນຫ້າວຫັນເອົາຈິງເອົາຈັງດ້ວຍດ້ວຍຄວາມຮັບຜິດຊອບທຸ່ມເທເຫື່ອແຮງ ແລະ ສະຕິປັນ ຍາ ເພື່ອຄວາມມຸ່ງຫວັງຍາດ ເອົາຫຼຽນແຫ່ງໄຊຊະນະມາໃຫ້ ປະເທດຊາດ ສຳລັບການເຂົ້າ ຮ່ວມແຂ່ງຂັນກິລາໃນຄັ້ງນີ້ກໍເພື່ອແນ່ໃສ່ຊຸກຍູ້ສົ່ງເສີມຄົນຮຸ່ນໜຸ່ມໃຫ້ມີການພັດທະນາທາງດ້ານຮ່າງ ກາຍ, ສະຕິປັນຍາ,ຈິດໃຈ ແລະ ສັງຄົມ ຕິດພັນກັບການຮຽນ ການສອນວິຊາພະລະສຶກສາ ແລະ ກິລາ ໃນໂຮງຮຽນໃຫ້ມີ ວະຕິຕໍ່ການຈັດຕັ້ງ, ມີລະບຽບ ວິໄນ, ຄຸນສົມບັດ, ມີຈິດໃຈອົງ ອາດກ້າຫານ, ມີຄວາມສາມັກຄີ ມິດຕະພາບ ແລະ ສພຫງວນມັກ ຕໍ່ການຫຼິ້ນກິລາ ເພື່ອພັດທະນາ ສຸຂະພາບໃຫ້ແຂງແຮງກໍຄືການ ພັດທະນານັກຮຽນສາມັນລາວ ໃຫ້ເຕີບໃຫຍ່ຂະຫຍາຍຕົວ, ມີ ການເຄືອນໄຫວກວ້າງຂວາງທັງພາຍໃນ ແລະ ຕ່າງປະເທດ ໂດຍ ສະເພາະແມ່ນຢູ່ພາກພື້ນ ແລະ ຂົງ ເຂດອາຊຽນ.
ນອກຈາກນີ້ ຄະນະດັ່ງ ກ່າວກໍໄດ້ມອບເຄື່ອງບຳລຸງສຸຂະພາບຈຳນວນໜຶ່ງໃຫ້ແກ່ຄູເຝິກ ແລະ ນັກກິລາ ເພື່ອເປັນກຳລັງໃຈ ທັງເປັນສິ່ງບຳລຸງຮ່າງກາຍໃຫ້ມີກຳລັງແຮງໃນການເຝິກຊ້ອມໃນການກະກຽມ ແລະ ເຂົ້າຮ່ວມ ແຂ່ງຂັນຢ່າງມີຜົນສຳເລັດເປັນ ກ້າວ.
ຂ່າວຈາກ:laosportnews.com

- lattana 1 - ກະຕໍ້ລາວ ຕັ້ງເປົ້າຄວ້າຫຼຽນໃດໜຶ່ງໃນການກິລານັກຮຽນອາຊຽນ ຄັ້ງທີ 9 ທີ່ສິງກະໂປ