HUAWEI ລົ້ມ APPLE ຂຶ້ນເປັນຍີ່​ຫໍ້ໂທລະສັບມືຖືລາຍໃຫຍ່ອັນດັບ 2 ຂອງໂລກ

- WhatsApp Image 2017 07 12 at 9 - HUAWEI ລົ້ມ APPLE ຂຶ້ນເປັນຍີ່​ຫໍ້ໂທລະສັບມືຖືລາຍໃຫຍ່ອັນດັບ 2 ຂອງໂລກ

ມີການປ່ຽນແປງເກີດຂຶ້ນກັບຕໍາແໜ່ງຍີ່​ຫໍ້ຜູ້ຜະລິດໂທລະສັບມືຖືລາຍໃຫຍ່ຂອງໂລກທີ່ຕົກເປັນຂອງ  Samsung ແລະ Apple ມາຢ່າງຍາວນານ. ເມື່ອຫລ້າສຸດມີລາຍງານສະບັບໃຫມ່ຈາກ Counterpoint Research ທີ່ລະບຸວ່າ: HUAWEI ຍີ່​ຫໍ້​ຈາກ​ຈີນ ສາມາດບຽດຄ້າຍໝາກໄມ້ຂຶ້ນເປັນອັນດັບ 2 ຂອງໂລກໄດ້ເປັນທີ່ຮຽບຮ້ອຍແລ້ວ.

- lattana 1 - HUAWEI ລົ້ມ APPLE ຂຶ້ນເປັນຍີ່​ຫໍ້ໂທລະສັບມືຖືລາຍໃຫຍ່ອັນດັບ 2 ຂອງໂລກ

ຜົນສໍາເລັດຂອງ HUAWEI ຕ້ອງຍົກໃຫ້ຍອດຂາຍທີ່ເຮັດໄດ້ແຮງຢ່າງຕໍ່ເນື່ອງໃນ​ໄລຍະເດືອນມິຖຸນາ ຜ່ານມາ ​ເຊິ່ງ Peter Richardson ຜູ້ອໍານວຍການຝ່າຍວິໄຈຂອງ Counterpoint Research ໄດ້ລະບຸວ່າ: “ນີ້ຄືກ້າວສໍາຄັນຂອງ HUAWEI ຍີ່​ຫໍ້ໂທລະສັບມືຖືໃຫຍ່ທີ່ສຸດຂອງຈີນ ໃນການເຕີບ​ໃຫຍ່ຢ່າງຕໍ່ເນື່ອງໃນລະດັບໂລກ ສິ່ງທີ່ເຮັດໃຫ້ HUAWEI ປະສົບຜົນສໍາເລັດໄດ້ເປັນເພາະການລົງທຶນດ້ານ R&D ແລະ ການຜະລິດຢ່າງຕໍ່ເນື່ອງ ຄຽງຄູ່ໄປກັບການຂະຫຍາຍຕະຫຼາດທາງ​ບຸກ ແລະ ເພີ່ມຊ່ອງທາງການຂາຍ”.

ແນວໃດກໍຕາມ ເຖິງວ່າຕົວເລກຂອງ Counterpoint Research ຈະເປັນສິ່ງທີ່ຍອມຮັບກັນໄດ້ ແຕ່ອາດຈະເປັນວຽກໜັກຂອງ HUAWEI ບໍ່ໜ້ອຍທີ່ຈະຕ້ອງພະຍາຍາມຮັກສາອັນດັບ 2 ຂອງຕົວເອງເອົາໄວ້ ຫຼັງຈາກ Apple ເປີດຕົວ iPhone ຮຸ່ນໃຫມ່ໃນ​ໄລຍະທ້າຍປີນີ້.

ນອກຈາກນີ້ ຕາມການລາຍງານໃນສະບັບດຽວກັນຍັງໄດ້ເປີດເຜີຍວ່າ: iPhone 7 ແລະ iPhone 7 Plus ຂອງ Apple ຍັງຄົງເປັນໂທລະສັບທີ່ມີຍອດຂາຍສູງທີ່ສຸດໃນເດືອນກໍລະກົດ ໂດຍ Galaxy S8 ຂອງ Samsung ຢູ່ໃນອັນດັບທີ 5.  ຂະນະທີ່ OPPO R11 ແລະ A57 ຢູ່ໃນອັນດັບທີ 3 ແລະ 4.

 

 

- dao e1499999169791 - HUAWEI ລົ້ມ APPLE ຂຶ້ນເປັນຍີ່​ຫໍ້ໂທລະສັບມືຖືລາຍໃຫຍ່ອັນດັບ 2 ຂອງໂລກ