UN ກັງວົນສະຖານະພາບ ຜູ້ນຳຝ່າຍຄ້ານກຳປູເຈຍ

- WhatsApp Image 2017 07 12 at 9 - UN ກັງວົນສະຖານະພາບ ຜູ້ນຳຝ່າຍຄ້ານກຳປູເຈຍ

- s2 - UN ກັງວົນສະຖານະພາບ ຜູ້ນຳຝ່າຍຄ້ານກຳປູເຈຍ

- lattana 1 - UN ກັງວົນສະຖານະພາບ ຜູ້ນຳຝ່າຍຄ້ານກຳປູເຈຍ

ສຳນັກງານ​ສິດທິ​ມະນຸດ​ແຫ່ງ​ສະຫະ​ປະຊາ​ຊາດ​ສະ​ແດງ​ຄວາມ​ກັງວົນ​ຕໍ່​ສະຖານະ​ພາບ​ຂອງ​ຜູ້ນຳ​ຝ່າຍ​ຄ້ານ​ກຳປູ​ເຈຍ​ວ່າ: ອາດ​ບໍ່​ໄດ້​ຮັບ​ຄວາມ​ເປັນ​ທຳ​ທາງ​ກົດ​ໝາຍ ຫລັງ​ຖືກ​ຈັບ​ກຸມ​ໃນ​ຂໍ້​ຫາ​ເປັນ​ກະບົດ ​ແລະ ລັດຖະບານ​ເຊື່ອ​ວ່າ​ອາ​ເມ​ລິ​ກາ​ມີ​ສ່ວນ​ກ່ຽວຂ້ອງ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ພະນົມ​ເປັນ ປະ​ເທດ​ກຳປູ​ເຈຍ ​ໃນ​ວັນ​ທີ 5 ກັນຍາ​ວ່າ: ສືບ​ເນື່ອງ​ຈາກ​ກໍລະນີ​ທີ່​ຕຳຫລວດ​ກຳປູ​ເຈຍ​ຈັບ​ກຸມ​ທ່ານ ​ເກິມ ສຸພາ ຜູ້ນຳ​ຝ່າຍ​ຄ້ານ​ຈາກ​ພັກ​ກູ້​ຊາດ​ກຳປູ​ເຈຍ (CNRP) ​ໃນ​ຂໍ້​ຫາ​ເປັນ​ກະບົດ​ດ້ວຍ​ການ​ສົມຮູ້​ຮ່ວມ​ຄິດ​ກັບ​ກຸ່ມ​ຄົນ​ຕ່າງປະ​ເທດ​ເພື່ອ​ວາງ​ແຜນ​ໂຄ່ນ​ລົ້ມອຳນາດ​ລັດຖະບານ​ຂອງ​ທ່ານ ຮຸນ​ເຊ​ນ. ສຳນັກງານ​ສິດທິ​ມະນຸດ​ແຫ່​ງສະຫະ​ປະຊາ​ຊາດ (OHCHR) ​ເປີດ​ເຜີຍ​ຖະ​ແຫລ​ງການ​ຂອງ​ເຈົ້າຊາຍ​ເຊ​ອິດ ຣາອັດ ​ເຊ​ອິດ ອັດ​ຮຸນ​ເຊ​ນ ​ແຫ່ງ​ຊອກ​ດາ​ນີ ຂ້າ​ຫລວງ​ໃຫຍ່​ຂອງ OHCHR ສະ​ແດງ​ຄວາມ​ກັງວົນ​ຕໍ່​ສະຖານະ​ການ​ທີ່​ເກີດ​ຂຶ້ນວ່າ: ອາດ​ເປັນ​ການ​ດຳ​ເນີນ​ການ​ໂດຍ​ຂາດ​ຂະ​ບວນການ​ຮັບຮອງ​ຕາມ​ກົດໝາຍ​ໃນ​ຫລາຍ​ດ້ານ ລວມທັງ​ສິດ​ຄຸ້ມ​ຄອງ​ຂອງ​ທ່ານ ​ເກິມ ສຸພາ ​ໃນ​ຖານະ​ສະມາຊິກ​ລັດຖະສະພາ.

ຂະນະ​ທີ່​ທ່ານ​ນາງ ​ເກິມ ມະ​ໂນ​ວິທະຍາ ລູກ​ຂອງ​ທ່ານ ​ເກິມ ສຸພາ ກ່າວ​ວ່າ: ຕຳຫລວດ 100-200 ຄົນ ບຸກ​ເຂົ້າມາ​ຄວບ​ຄຸມ​ຕົວ​ບິດາ​ຂອງ​ນາງ​ໄປ​ຈາກ​ເຮືອນ​ພັກ​ຢູ່​ນະຄອນຫລວງ​ພະນົມ​ເປັນ ​ໃນ​ຄືນ​ວັນ​ທີ 2 ກັນຍາ ​ແລະ ມາ​ຮອດ​ປັດຈຸບັນ ທ່ານ ​ເກິມ ສຸພາ ຍັງ​ບໍ່​ມີ​ໂອກາດ​ໄດ້​ພົບ​ກັບ​ທະນາຍຄວາມ ​ເພື່ອ​ກຽມ​ການ​ຕໍ່ສູ້​ຕາມ​ຂະ​ບວນການ​ທາງ​ກົດໝາຍ ​ເຊິ່ງ​ເຈົ້າຊາຍ​ເຊ​ອິດ​ ກ່າວ​ໃນ​ບັນຫາ​ນີ້​ອີກ​ວ່າ: ທ່ານ ​ເກິມ ສຸພາ ອາດ​ບໍ່​ໄດ້​ຮັບ​ຄວາມ​ເປັນ​ທຳ​ໃນ​ການ​ສືບສວນ. ທັງ​ນີ້ ຖ້າ​ສານ​ພິພາກ​ສາ​ວ່າ​ມີ​ຄວາມ​ຜິດ​ແທ້, ທ່ານ ​ເກິມ ສຸພາ ອາດ​ຕ້ອງ​ຮັບ​ໂທດ​ຈຳ​ຄຸກ​ສູງ​ສຸດ​ເຖິງ 30 ປີ.

- dao e1499999169791 - UN ກັງວົນສະຖານະພາບ ຜູ້ນຳຝ່າຍຄ້ານກຳປູເຈຍ