UN ເຜີຍເດັກຜູ້ລີ້ໄພ 3,5 ລ້ານຄົນ ບໍ່ມີໂອກາດໄປໂຮງຮຽນ

- WhatsApp Image 2017 07 12 at 9 - UN ເຜີຍເດັກຜູ້ລີ້ໄພ 3,5 ລ້ານຄົນ ບໍ່ມີໂອກາດໄປໂຮງຮຽນ

ສຳນັກງານຂ້າຫລວງໃຫຍ່ຜູ້ລີ້ໄພແຫ່ງສະຫະປະຊາຊາດ (UNHCR) ເປີດເຜີຍໃນວັນທີ 12 ກັນຍານີ້ວ່າ: ເດັກນ້ອຍຜູ້ລີ້ໄພກວ່າ ເຄິ່ງທົ່ວໂລກ ຫຼື ປະມານ 3,5 ລ້ານຄົນຂາດໂອກາດທາງດ້ານການສຶກສາໃນໂຮງຮຽນ.

- lattana 1 - UN ເຜີຍເດັກຜູ້ລີ້ໄພ 3,5 ລ້ານຄົນ ບໍ່ມີໂອກາດໄປໂຮງຮຽນ

UNHCR ເຜີຍແຜ່ລາຍງານກ່ຽວກັບວິກິດດ້ານການສຶກສາຂອງບັນດາຜູ້ລີ້ໄພ (Left Behind: Refugee Education in Crisis) ລະບຸວ່າ: ເດັກນ້ອຍຜູ້ລີ້ໄພ ເຊິ່ງມີອາຍຸລະຫວ່າງ 5-17 ປີ ແລະ ຢູ່ພາຍໃຕ້ການເບິ່ງແຍງຂອງ UNHCR ປະມານ 3,5 ລ້ານຄົນ ຈາກ ທັງໝົດ 6,4 ລ້ານຄົນ ບໍ່ມີໂອກາດໄປໂຮງຮຽນໃນປີຜ່ານມາ, ຕົວເລກດັ່ງກ່າວຫລຸດລົງພຽງເລັກໜ້ອຍຈາກ 3,7 ລ້ານຄົນໃນປີ ກ່ອນໜ້າ. UNHCR ຈຶ່ງຂໍຮຽກຮ້ອງໃຫ້ລັດຖະບານປະເທດຕ່າງໆ ເພີ່ມການລົງທຶນ ແລະ ໃຫ້ເງິນສະໜັບສະໜູນດ້ານການສຶກ ສາໃຫ້ແກ່ບັນດາຜູ້ລີ້ໄພຢ່າງຮີບດ່ວນ.

ທ່ານ ຟິລິບໂປ ກຣານດີ ຂ້າຫຼວງໃຫຍ່ຜູ້ລີ້ໄພແຫ່ງສະຫະປະຊາຊາດ ກ່າວວ່າ: UNHCR ເບິ່ງແຍງຜູ້ລີ້ໄພທັງໝົດ 17,2 ລ້ານຄົນ ເຄິ່ງໜຶ່ງເປັນເດັກນ້ອຍ, ໂອກາດດ້ານການສຶກສາຂອງເດັກນ້ອຍຜູ້ລີ້ໄພກັບເດັກນ້ອຍອື່ນໆທົ່ວໂລກມີຊ່ອງຫວ່າງເພີ່ມຂຶ້ນ, ເດັກ ນ້ອຍທົ່ວໂລກ 91% ມີໂອກາດເຂົ້າຮັບການສຶກສາໃນໂຮງຮຽນປະຖົມ, ແຕ່ເດັກນ້ອຍຜູ້ລີ້ໄພພຽງ 61% ມີໂອກາດເຂົ້າຮັບການສຶກ ສາໃນລະດັບດຽວກັນ. ເດັກນ້ອຍທົ່ວໂລກ 84% ມີໂອກາດໄດ້ຮຽນໃນລະດັບມັດທະຍົມ, ແຕ່ເດັກນ້ອຍຜູ້ລີ້ໄພມີໂອກາດນີ້ພຽງ 23% ເທົ່ານັ້ນ. ນອກຈາກນີ້ ເດັກນ້ອຍຜູ້ລີ້ໄພຈຳນວນ 1 ໃນ 3 ອາໄສຢູ່ໃນປະເທດລາຍຮັບຕໍ່າ ເຊິ່ງມີໂອກາດດ້ານການສຶກສາຕໍ່າ ກວ່າເດັກນ້ອຍອື່ນທົ່ວໂລກເຖິງ 6 ເທົ່າ.

- dao e1499999169791 - UN ເຜີຍເດັກຜູ້ລີ້ໄພ 3,5 ລ້ານຄົນ ບໍ່ມີໂອກາດໄປໂຮງຮຽນ