ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ

ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ - 5b3407379801fd2b008b45a7 960 480 - ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ
ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ - Untitled design - ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ

ສຳນັກ​ຂ່າວ BBC ລາຍ​ງານ​ວ່າ: ກະຊວງ​ສຶກສາ​ທິການ​ຈີນ​ໄດ້​ອອກ​ຄຳ​ສັ່ງ​ຫ້າມ​ນັກຮຽນ​ເອົາ​ໂທລະສັບ​ມື​ຖື​ມາ​ໂຮງຮຽນ ຖ້າ​ບໍ່ມີ​ໜັງສື​ຂໍອະນຸຍາດ​ກ່ອນ ​ເຊິ່ງທາງ​ໂຮງຮຽນ​ໄດ້​ສະ​ເໜີ​ວິທີ​ການ​ອື່ນໆ ​ເພື່ອ​ໃຫ້​ເດັກ​ສື່ສານ​ກັບ​ຜູ້​ປົກຄອງ​ໄດ້ ​ເນື່ອງ​ຈາກ​ທາງ​ກະຊວງ​ບອກ​ວ່າ: ຕ້ອງການ​ຈະ​ປົກ​ປ້ອງ​ສາຍຕາ​ຂອງ​ເດັກ​ຈາກ​ແສງ​ອຸປະສັກ​ເອ​ເລັກ​ໂຕຣນິກ ລວມທັງ​ຈະ​ຊ່ວຍ​ໃຫ້​ນັກຮຽນ​ສາມາດ​ມີ​ສະມາທິ ​ແລະ ​​ເຊົາການ​ຕິດ​ອິນ​ເຕີ​ເນັດ​ໄດ້.

ໜັງສືພິມ​ເດ​ລີ​ໄຊ​ນາ ສະບັບ​ໜຶ່ງ​ມີ​ການ​ເວົ້າ​ເຖິງ ​ແລະ ຖົກ​ຖຽງ​ກັນ​ໃນ​ບັນຫາ​ນີ້​ວ່າ: ການ​ອອກ​ຄຳ​ສັ່ງ​​ລັກສະນະ​ນີ້​ຈະ​ສາມາດ​ປະຕິບັດ​ໄດ້​ແທ້ ຫລື ບໍ່ ​ເພາະ​ຈາກ​ສະຖິຕິ​ເດັກ ​ແລະ ​ໄວ​ລຸ້ນ​ຢູ່​ຈີນ​ທີ່​ອາຍຸ​ຕໍ່າ​ກວ່າ 18 ປີ ​ເຂົ້າ​ເຖິງ​ອິນ​ເຕີ​ເນັດ​ຜ່ານ​ທາງ​ສະມາດ​ໂຟນກວ່າ 74% ຕາມ​ຂໍ້​ມູນ​ຂອງ​ສຳນັກ​ວິ​ໄຈ​ໃນ​ເຄືອ​ລັດຖະບານ​ຈີນ.

ຈາກ​ຫລາຍ​ປີຜ່ານມາ ປະຊາຊົນ​ຈີນ​ພົບ​ບັນຫາ​ສາຍຕາ​ສັ້ນ​ໃນ​ລະດັບ​ສູງ​ຂຶ້ນ ຈົນ​ໃນ​ປີ 2018 ທາງ​ການ​ໄດ້​ອອກ​ປະກາດ​ແຜນ​ການ​ຄວບ​ຄຸມ​ອຸດສາຫະກຳ​ເກ​ມ ​ເພາະ​ກັງວົນ​ວ່າ​ຈະ​ເຮັດ​ໃຫ້​ບັນຫາ​ສາຍຕາ​ນີ້​ເພີ່ມ​ສູງ​ຂຶ້ນ ​ແລະ ອ້າງ​ວ່າການ​ຕິ​ດ​ເກ​ມຈະ​ເຮັດ​ໃຫ້​ສົ່ງ​ຜົນ​ຕໍ່​ສຸຂະພາບ​ຈິດ​ນຳ​ອີກ. ​ໃນ​ຕອນ​ນັ້ນຫລາຍ​ຝ່າຍ​​ໄດ້​ອອກ​ມາ​ຕຳ​ໜິກ່ຽວ​ກັບ​ການ​ແກ້​ໄຂ​ເລື່ອງ​ນີ້, ​ແຕ່​ໃນ​ປີ​ຕໍ່​ມາ ທາງ​ການ​ໄດ້​ອອກ​ຄຳ​ສັ່ງ​ໃຫ້​ເດັກ​ອາຍຸ​ຕໍ່າ​ກວ່າ 18 ປີ ຫລິ້ນ​ເກ​ມ​ໄດ້​ພຽງ 90 ນາທີ ​ໃນ​ມື້ທຳ​ມະ​ດາ, ສ່ວນ​ມື້ພັກສາມາດ​ຫລິ້ນ​ໄດ້ 3 ຊົ່ວ​ໂມງ​ຕໍ່​ວັນ.

ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ - Wave100S AD to Website 2020 0 - ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ

ນີ້​ບໍ່​ແມ່ນ​ຄັ້ງທຳ​ອິດ​ທີ່​ຈີ​ນອອກ​ມາ​ປະກາດ, ​ແຕ່​ຢູ່​ຫລາຍ​ໂຮງຮຽນ​ຂອງ​ຈີນ​ໄດ້​ເລີ່​ມ​ໃຊ້​ກົດ​ນີ້​ແລ້ວ, ບາງ​ໂຮງຮຽນ​ເຂັ້ມງວດ​ເຖິງ​ຂັ້ນຖ້າ​ນັກຮຽນ​ເຮັດ​ຜິດ​ກົດ​ຈະ​ທຸບ​ໂທລະສັບ​ມື​ຖື​ຕໍ່ໜ້າ ​ເຮັດ​ໃຫ້​ບັນຫາ​ນີ້​ຍັງ​ເປັນ​ບັນຫາ​ທີ່​ຖົກ​ຖຽງ​ກັນ​ຢູ່​ໃນ​ເວັບ​ໄຊ ​ແລະ ​ໂຊ​ຊຽວມີ​ເດຍ​ເວ່ຍ​ປໍ​ຂອງ​ຈີນ​ວ່າ: ການ​ອອກ​ຄຳ​ສັ່ງ​ແບບ​ນີ້​ດີ​ແລ້ວ ຫລື ບໍ່ ​ແລະ ​ໄດ້​ມີ​ການ​ຕັ້ງ​ໂພ​ລສຳ​ຫລວດ​ກວ່າ 27.000 ຄົນ ສຽງ​ສ່ວນ​ຫລາຍ​ເບິ່ງ​ວ່າ​ບໍ່​ຈຳ​ເປັນ​ຈະ​ຕ້ອງຕັ້ງກົດ​ອອກ​ມາ​ໃໝ່ ​ເພາະ​ຕອນ​ນີ້​ເອງ​ຫລາຍ​ໂຮງຮຽນກໍ​ປະຕິບັດ​ແບບ​ນີ້​ໃນ​ການ​ຫ້າມ​ນັກຮຽນ​ຫລິ້ນ​ໂທລະສັບ​ແລ້ວ ​ເຊິ່ງມີ​ຄູ​ທ່ານ​ໜຶ່ງ​ໃຫ້​ສຳພາດ​ຕໍ່ CCTV ຂອງ​ລັດ ບອກ​ວ່າ: ກໍລະນີ​ທີ່​ເດັກ​ນັກຮຽນ​ບໍ່​ສາມາດ​ໃຊ້​ໂທລະສັບ​ໄດ້​ຄື​ກັບ​ທີ່​ເຄີຍ​ໃຊ້ ຈະ​ເຮັດ​ໃຫ້ການ​ເຮັດ​ວຽກບ້ານ​ສົ່ງຕ້ອງ​ໃຊ້​ເວລາ​ດົນ​ກວ່​າ​ເກົ່າ.

ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ - WhatsApp Image 2020 05 27 at 5 - ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ
ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ - WhatsApp Image 2020 05 27 at 5 - ຈີນ ສັ່ງຫ້າມນັກຮຽນໃຊ້ໂທລະສັບມືຖືໃນໂຮງຮຽນ
error: Alert: ເນື້ອຫາຂ່າວມີລິຂະສິດ !!