ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ

ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ - 2ea9f6ccafdb884b6e98067e71772a7d - ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ
ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ - Untitled design - ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ

ຜູ້​ຊ່ຽວຊານ​ອົງການອະນາ​ໄມ​ໂລກ ລົງພື້ນທີ່​ກວດ​ສອບ​ສະ​ຖາ​ບັນ​ໄວຣັສວິທະຍາ​ໃນ​ເມືອງ​ອູ່​ຮັ່ນຂອງ​ຈີນ ​ເຊິ່ງຖືກ​ອະດີດ​ລັດຖະບານ​ອາ​ເມ​ລິ​ກາ ກ່າວ​ຫາ​ເປັນຕົ້ນຕໍ​ແຜ່​ໄວຣັສ​​ໂຄ​ວິດ-19 ​ໂດຍ​ທີ​ມຜູ້​ຊ່ຽວຊານ​ຊີ້​ມີ​ຫລາຍ​ຄຳ​ຖາມ​ທີ່​ໜ້າ​ສົນ​ໃຈ.

ວັນ​ທີ 3 ກຸມພາ 2021, ສຳນັກ​ຂ່າວຣອຍ​ເຕີ​ລາຍ​ງານ​ວ່າ: ຜູ້​ຊ່ຽວຊານ​ອິດ​ສະລະ​ຈາກ​ອົງການ​ອະນາ​ໄມ​ໂລກ ​ເຊິ່ງ​ເດີນທາງ​ລົງພື້ນທີ່​ເມືອງ​ອູ່​ຮັ່ນຂອງ​ຈີນ ​ເພື່ອ​ສຳ​ຫລວດ​ຕົ້ນຕໍ​ການລະບາດ​ຂອງ​ພະຍາດ​ໂຄ​ວິດ-19 ​ໄດ້​ເດີນທາງ​ໄປ​ກວດ​ສອບ​ສະ​ຖາ​ບັນ​ໄວຣັສວິທະຍາ​ໃນ​ເມືອງ​ອູ່​ຮັ່ນ ສະຖານ​ທີ່​ທີ່ຫລາຍ​ຝ່າຍ ​ໂດຍ​ສະ​ເພາະ​ທ່ານ ​ໂດ​ນັລ ທຣຳ ອະດີດ​ປະທານາທິບໍດີ​ອາ​ເມ​ລິ​ກາ ກ່າວ​ຫາ​ວ່າ: ​ໄວຣັສ​ໂຄ​ວິດ-19 ອາດ​ຈະ​ຫລຸດ​ມາ​ຈາກ​ຫ້ອງ​ແລັບ​ຂອງ​ສະ​ຖາ​ບັນ​ດັ່ງກ່າວ.

ລາຍ​ງານ​ລະບຸ​ວ່າ: ທີ​ມຜູ້​ຊ່ຽວຊານ​ຂອງ​ອົງການ​ອະນາ​ໄມ​ໂລກ​ໃຊ້​ເວລາ​ລົງພື້ນທີ່​ພາຍ​ໃນ​ສະ​ຖາ​ບັນ​ດັ່ງກ່າວ​ເປັນ​ເວລາ 3 ຊົ່ວ​ໂມງ​ເຄິ່ງ ​ໂດຍ​ຫລັງ​ຈາກ​ການ​ສຳ​ຫລວດ​ສຳ​ເລັດ, ທ່ານ ​ເທຍຟິສ​ເຊີ ໜຶ່ງ​ໃນ​ຜູ້​ຊ່ຽວຊານ​ເປີດ​ເຜີຍ​ວ່າ: ມີ​ຫລາຍ​ຢ່າງ​ທີ່​ໜ້າ​ສົນ​ໃຈ ​ແລະ ມີ​ຄຳ​ຖາມຈຳນວນ​ຫລາຍ ຫລັງ​ຈາກ​ຖືກນັກ​ຂ່າວ​ຖາມ​ວ່າ: ຄົ້ນພົບ​ຫຍັງ​​ພາຍ​ໃນ​ສະ​ຖາ​ບັນ​ໄວຣັສວິທະຍາ​ແຫ່ງ​ນີ້ ຫລື ບໍ່.

ຂະນະ​ທີ່​ທ່ານ ປີ​ເຕີ ​ແດ​ສ​ແຊກ ຜູ້​ຊ່ຽວຊານ​ອີກ​ຄົນ​ໜຶ່ງ​ລະບຸ​ວ່າ: ທີ​ມຜູ້​ຊ່ຽວຊານ​ຄາດ​ຫວັງ​ໃນ​ການ​ລົງພື້ນທີ່​ໃນ​ມື້ຕໍ່​ໆ​ໄປ ​ເພື່ອ​ພົບ​ກັບ​ຜູ້​ຄົນ ​ແລະ ສອບ​ຖາມ​ຄຳ​ຖາມ​ສຳຄັນ​ຫລາຍ​ຂໍ້​ທີ່​ຕ້ອງການ​ຄຳ​ຕອບ.

ສ່ວນ​ສະຖານີ​ໂທລະພາບ CGTN ສື່​ຂອງ​ຈີນ​ລາຍ​ງານ​ການ​ລົງພື້ນທີ່​ໃນ​ຄັ້ງນີ້​ວ່າ: ທີ​ມຜູ້​ຊ່ຽວຊານ​ໄດ້​ແລກປ່ຽນ​ຄຳ​ຄິດ​ເຫັນ​ກັບ​ຜູ້​ຊ່ຽວຊານ​ພາຍ​ໃນ​ສະ​ຖາ​ບັນ​ໄວຣັສວິທະຍາ​ກ່ຽວ​ກັບ​ການ​ເຮັດ​ວຽກ​ໃນ​ແຕ່​ລະ​ວັນ ລວມທັງ​ການ​ຮ່ວມ​ມື​ລະຫວ່າງ​ສະ​ຖາ​ບັນ​ກັບ​ອົງການ​ນາໆ​ຊາດ.

ສຳລັບ​ສະ​ຖາ​ບັນ​ໄວຣັສວິທະຍາ​ໃນ​ເມືອງ​ອູ່​ຮັ່ນຂອງ​ຈີນ​ແຫ່ງ​ນີ້ ຖື​ເປັນ​ສະ​ຖາ​ບັນ​ວິ​ໄຈ​ດ້ານ​ໄວຣັສທີ່​ມີ​ລະບົບ​ຄວາມ​ປອດ​ໄພ​ສູງ​ສຸດ ມີ​ຈຸດປະສົງ​ໃນ​ການ​ສ້າງຕັ້ງ​ເພື່ອ​ສຶກສາ​ໄວຣັສ ຫລັງ​ເກີດ​ການລະບາດ​ຂອງ​ພະຍາດ SARS ​ໃນ​ອາຊີ ​ໄລຍະ​ປີ 2002-2003.

ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ - Wave100S AD to Website 2020 0 - ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ

​ເຖິງ​ວ່າ​ຈະ​ມີ​ນັກວິທະຍາສາດ​ຫລາຍ​ຄົນ​ເຊື່ອ​ວ່າ: ຈຸດ​ເລີ່​ມຕົ້ນການລະບາດ​ໃນ​ມະນຸດ​ຂອງ​ໄວຣັສ​ໂຄ​ວິດ-19 ອາດ​ຈະ​ມາ​ຈາກ​ສັດ, ​ແຕ່​ລັດຖະບານ​ອາ​ເມ​ລິ​ກາ​ ​ໃນ​ສະ​ໄໝ​ອະດີດ​ປະທານາທິບໍດີ ​ໂດ​ນັລ ທຣຳ ກ່າວ​ຫາ​ສະ​ຖາ​ບັນ​ໄວຣັສວິທະຍາ​ໃນ​ເມືອງ​ອູ່​ຮັ່ນວ່າ: ​ເປັນຕົ້ນຕໍ​ການລະບາດ​ຂອງ​ພະຍາດ​ໂຄ​ວິດ-19 ຜ່ານ​ການ​ທີ່​ໄວຣັສຫລຸດ​ອອກ​ມາ​ຈາກ​ຫ້ອງ​ທົດ​ລອງ.

​ໂດຍ​ກ່ອນ​ລັດຖະບານ ທຣຳ ຈະ​ໝົດ​ວາລະ, ກະຊວງ​ຕ່າງປະ​ເທດ​ອາ​ເມ​ລິ​ກາ ອອກ​ຖະ​ແຫລ​ງການ​ຊີ້​ວ່າ: ​ໄວຣັສ​ໂຄ​ວິດ-19 ອາດ​ມີ​ຈຸດ​ເລີ່​ມຕົ້ນຈາກ​ສັດ​ກ່ອນ​ແຜ່​ເຊື້ອສູ່​ມະນຸດ​ຕາມ​ທີ່​ຫລາຍ​ຝ່າຍ​ຕັ້ງສົມມຸດ​ໄວ້​ກ່ອນ​ໜ້າ​ນີ້, ​ແຕ່​ຖ້າ​ເກີດ​ກໍລະນີ​ທີ່​ເຊື່ອ​ໄວຣັສ​ໂຄ​ວິດ-19 ຫລຸດ​ອອກ​ມາ​ຈາກ​ຫ້ອງ​ທົດ​ລອງ ​ແລ້ວ​ມີ​ນັກວິ​ໄຈ​ຕິດ​ເຊື້ອ​ໂດຍ​ບໍ່​ສະ​ແດງ​ອາການ ການ​ແຜ່​ລະບາດ​ອາດ​ມີ​ສ່ວນ​ຄື​ກັບ​ພະຍາດ​ລະບາດ​ທີ່​ເກີດ​ຂຶ້ນຕາມ​ທຳ​ມະ​ຊາດ​ເຊັ່ນ​ກັນ.

ຜ່ານ​ມາ​ລັດຖະບານ​ຈີນ​ຖືກ​ຫລາຍ​ຝ່າຍ​ໂຈມ​ຕີ​ວ່າ: ​ໄຮ້​ປະສິດທິພາບ​ໃນ​ການ​ຄວບ​ຄຸມພະ​ຍາດ​ລະບາດ ລວມທັງ​ປົກ​ປິດ​ຂໍ້​ມູນ​ການລະບາດ ຈົນ​ເຮັດ​ໃຫ້​ພະຍາດ​ໂຄ​ວິດ-19 ​ແຜ່​ກະຈາຍ​ເປັນ​ພະຍາດ​ລະບາດ​ໄປ​ທົ່ວ​ໂລກ. ​ເຖິງ​ຢ່າງ​ໃດ​ກໍ​ຕາມ, ອົງການ​ອະນາ​ໄມ​ໂລກ​ຢືນຢັນ​ວ່າ: ການ​ສົ່ງ​ເທີ​ມຜູ້​ຊ່ຽວຊານ​ລົງພື້ນທີ່​ເມືອງ​ອູ່​ຮັ່ນ​ໃນ​ຄັ້ງນີ້ ບໍ່​ໄດ້​ມີ​ເປົ້າໝາຍ​ເພື່ອ​ກ່າວ​ໂທດ​ໃຜ, ​ແຕ່​ຕ້ອງການ​ສ້າງ​ຄວາມ​ເຂົ້າ​ໃຈ​ພະຍາດ​ໂຄ​ວິດ-19 ສຳລັບ​ເປັນ​ບົດຮຽນ​ຮັບ​ມື​ສະພາບ​ພະຍາດ​ລະບາດ​ໃນ​ອະນາຄົດ.

ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ - WhatsApp Image 2020 05 27 at 5 - ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ
ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ - WhatsApp Image 2020 05 27 at 5 - ຜູ້ຊ່ຽວຊານອົງການອະນາໄມໂລກ ລົງພື້ນທີ່ສະຖາບັນໄວຣັສວິທະຍາອູ່ຮັ່ນ
error: Alert: ເນື້ອຫາຂ່າວມີລິຂະສິດ !!