ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021

ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - IMG 4285 1 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021
ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - Untitled design - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021

ໃນວັນທີ 4 ກຸມພານີ້, ກະຊວງແຜນການແລະ ການລົງທຶນ ໄດ້ຈັດກອງປະຊຸມສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ທິດທາງປີ 2021 ຂຶ້ນຢູ່ນະຄອນຫລວງວຽງຈັນ, ໂດຍການເປັນປະທານຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ລັດຖະມົນຕີກະຊວງແຜນການ ແລະ ການລົງທຶນ, ພ້ອມທັງຂະແໜງ ແຜນການ ແລະ ການລົງທຶນທົ່ວປະເທດເຂົ້າຮ່ວມ.​ ເພື່ອສະຫລຸບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ 5 ຄັ້ງທີ VIII (2016-2020), ທິດທາງແຜນການ 5 ປີ ຄັ້ງທີ IX (2021-2025) ແລະ ກຳນົດວຽກງານຈຸດສຸມໃນປີ 2021.

ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - LPN 14 300x300 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021

ໃນພິທີ, ທ່ານ ສອນໄຊ ສີພັນດອນ ໄດ້ກ່າວວ່າ: ກອງປະຊຸມໄດ້ຕີລາຄາ ການພັດທະນາ ເສດຖະກິດ-ສັງຄົມແຫ່ງຊາດ ໃນໄລຍະຜ່ານມາໄດ້ປະເຊີນກັບສະພາບການທີ່ບໍ່ເອື້ອອໍານວຍເທົ່າທີ່ຄວນ, ເນື່ອງມາຈາກສະພາບຂອງສາກົນມີການປ່ຽນແປງໄປຢ່າງສັບສົນ ແລະ ຄາດຄະເນໄດ້ຍາກ ປະກອບກັບສະພາບພາຍໃນປະເທດທີ່ຍັງມີຄວາມຫຍຸ້ງຍາກຫລາຍປະການ ເປັນຕົ້ນ ບັນຫາຄວາມຫຍຸ້ງຍາກທາງດ້ານເສດຖະກິດ, ໄພພິບັດທຳມະຊາດ ແລະ ການລະບາດຂອງພະຍາດໂຄວິດ-19 ເຊິ່ງໄດ້ກາຍເປັນບັນຫາໃຫຍ່ຂອງໂລກທີ່ກະທົບເສດຖະກິດ ແລະ ຊີວິດຂອງປະຊາຊົນ ຂອງເກືອບທຸກປະເທດໃນໂລກ ລວມທັງ ປະເທດລາວເຮົາ.

ເຖິງຢ່າງໃດກໍ່ຕາມ,​ ພາຍໃຕ້ການຊີ້ນໍາ-ນໍາພາຢ່າງໃກ້ຊິດຂອງພັກ ແລະ ລັດຖະບານ, ລວມທັງການຕັດສິນໃຈສູງ ຂອງບັນດາຂະແໜງການທັງໃນຂັ້ນສູນກາງ ແລະ ທ້ອງຖິ່ນ ໃນຂອບເຂດທົ່ວປະເທດ ເຮັດໃຫ້ການຈັດຕັ້ງ​ປະຕິບັດ ແຜນພັດທະນາເສດຖະກິດ-ສັງຄົມ​​ໃນ ​​ປີ 2020 ໄດ້ມີຄວາມຄືບໜ້າດີພໍສົມຄວນ ໂດຍສະເພາະ ປະເທດສືບຕໍ່ມີສະຖຽນລະພາບທາງດ້ານການເມືອງຢ່າງໜັກແໜ້ນ, ສັງຄົມມີຄວາມສະຫງົບໂດຍພື້ນຖານ ສ້າງເງື່ອນໄຂອັນດີໃຫ້ແກ່ການພັດທະນາປະເທດຊາດ. ເສດຖະກິດແຫ່ງຊາດຍັງມີການເຕີບໂຕ ເຖິງແມ່ນວ່າຈະບໍ່ສູງຄືປີຜ່ານມາ ແລະ ຕໍ່າກວ່າທີ່ໄດ້ວາງແຜນໄວ້. ລັດຖະບານໄດ້ມີຄວາມພະຍາຍາມສູງໃນການນຳໃຊ້ງົບປະມານລົງທຶນຂອງລັດທີ່ມີຈຳກັດນັ້ນ ໃຫ້ເກີດຜົນປະໂຫຍດສູງສຸດ. ການລົງທຶນຂອງເອກະຊົນ ພາຍໃນ ແລະ ຕ່າງປະເທດ ແລະ ການຊ່ວຍເຫລືອທາງການເພື່ອການພັດທະນາ ສືບຕໍ່ປະກອບສ່ວນເປັນແຫລ່ງທຶນທີ່ສຳຄັນໃຫ້ແກ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ.

ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - Wave100S AD to Website 2020 0 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021

ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - IMG 6934 300x200 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021

ນອກນີ້, ການພັດທະນາບັນດາໂຄງການຂະໜາດໃຫຍ່ໄດ້ມີຄວາມຄືບໜ້າດີ ເປັນຕົ້ນ ໂຄງການກໍ່ສ້າງທາງ ດ່ວນ ໄລຍະ ນະຄອນຫລວງວຽງຈັນ-ວັງວຽງ ໄດ້ສຳເລັດ ແລະ ເປີດນຳໃຊ້ຢ່າງເປັນທາງການ, ໂຄງການທາງລົດໄຟລາວ-ຈີນມີຄວາມຄືບໜ້າດີ,  ໂຄງການ Smart City ຢູ່ແຂວງຫລວງນໍ້າທາ ແລະ ອຸດົມໄຊ ກໍຢູ່ໃນຂັ້ນຕອນການເຈລະຈາສັນຍາສຸດທ້າຍ ເພື່ອກ້າວເຂົ້າສູ່ຂັ້ນຕອນສຳປະທານການພັດທະນາໂຄງການ. ການພັດທະນາດ້ານວັດທະນະທໍາ-ສັງຄົມ ກໍມີຄວາມຄືບໜ້າເປັນກ້າວໆ. ສຳຄັນ ແມ່ນລັດຖະບານໄດ້ໃຫ້ຄວາມເອົາໃຈໃສ່ໃນການອອກຫລາຍມາດຕະການ ແລະ ນະໂຍບາຍເພື່ອຫລຸດຜ່ອນຜົນກະທົບຂອງການລະບາດພະຍາດ ໂຄວິດ-19 ຕໍ່ກັບ ປະຊາຊົນ, ແຮງງານ ແລະ ພາກທຸລະກິດ ແລະ ອີກຜົນສໍາເລັດອັນພົ້ນເດັ່ນອັນໜຶ່ງໃນປີ 2020 ແມ່ນໄດ້ສຸ່ມໃສ່ສ້າງ ແລະ ປັບປຸງນິຕິກຳ ແລະ ຜັນຂະຫຍາຍນິຕິກຳໃຕ້ກົດໝາຍຂອງຕົນ ເພຶ່ອເປັນບ່ອນອິງທີ່ສຳຄັນໜັກແໜ້ນໃນການຈັດຕັ້ງປະຕິບັດວຽກງານ ແລະ ຫັນເຂົ້າສູ່ກົດໝາຍ ໃຫ້ຫລາຍຂຶ້ນກວ່າເກົ່າ.

ພ້ອມທັງຮຽກຮ້ອງໃຫ້ ບັນດາຂະແໜງການ ທັງຂັ້ນສູງກາງ ແລະ ທ້ອງຖິ່ນ ສຸມທຸກເຮື່ອແຮງສະຕິປັນຍາ ເພື່ອສູ້ຊົນຈັດຕັ້ງປະຕິບັດບັນດາຄາດໝາຍອື່ນໆທີ່ໄດ້ກໍານົດໄວ້ໃນແຜນພັດທະນາເສດຖະກິດ-ສັງຄົມແຫ່ງຊາດ ປະຈໍາປີ 2021.

ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - WhatsApp Image 2020 05 27 at 5 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021
ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021 - WhatsApp Image 2020 05 27 at 5 - ສະຫລຸບວຽກງານ ແຜນການ ແລະ ການລົງທຶນ ທົ່ວປະເທດ ປະຈຳປີ 2020 ແລະ ວາງທິດທາງແຜນການປີ 2021
error: Alert: ເນື້ອຫາຂ່າວມີລິຂະສິດ !!