ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ

ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ - 94102800 233859081298056 4773828159202131968 o - ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ
ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ - Untitled design - ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ

ພວກເຮົາໄດ້ຍິນເລື້ອຍໆວ່າ ກຸ້ມຕົນເອງ, ເພິ່ງຕົນ ແລະ ສ້າງຄວາມເຂັ້ມແຂງ ດ້ວຍຕົນເອງ ເຊິ່ງເປັນເລື່ອງ ທີ່ໜ້າຊົມເຊີຍ ແລະຍົກຍ້ອງທີ່ສຸດ ແຕ່ພວກເຮົາ ມີຄວາມເດັດດ່ຽວພໍລະບໍ່?

ໃນຫົວໜ່ວຍຄອບຄົວນັ້ນ ການສ້າງຄວາມເຂັ້ມແຂງທາງດ້ານເສດຖະກິດ ແມ່ນເລີ່ມຈາກການຄົນພາຍໃນຄອບຄົວ ທີ່ຕ້ອງ ເລີ່ມຈາກ ການວາງແຜນ ແລະ ເປົ້າໝາຍ ຂອງຄອບຄົວ ໂດຍມີການຊ່ວຍເຫຼືອເຊິ່ງກັນ ແລະກັນຂອງຄົນໃນຄອບຄົວ, ພາກັນດຸໝັ່ນ, ອົດທົນ ແລະ ປະຢັດມັດທະຍັດ ສິ່ງສຳຄັນ ຫົວໜ້າຄອບຄົວ ເປັນແບບຢ່າງທີ່ດີ ມີຄາມຊື່ສັດ ຕໍ່ຄອບຄົວ ເພື່ອບຸກບືນສ້າງເສດຖະກິດ ໂດຍບໍ່ຫວັງ ເພິ່ງຈາກທາງອື່ນ ໂດຍສເພາະ ພີ່ນ້ອງ, ພໍ່ແມ່ ໃຫ້ການຊ່ວຍເຫຼືອ, ບຸກບືນດ້ວຍຕົນເອງ ຈຶ່ງສະມາດສ້າງຄວາມເຂັ້ມແຂງດ້ວຍຕົນເອງ, ສ້າງຄວາມພູມໃຈໄດ້ ດ້ວຍຕົນເອງ ທີ່ເປັນຄວາມສຸກຍາວນານ ແລະ ໝັ້ນຄົງ.

ການພັດທະນາເສດຖະກິດ-ສັງຄົມຂອງຊາດ ກໍດັ່ງດຽວກັນ, ພວກເຮົາມີເພື່ອນມິດທີ່ຄອຍຊ່ວຍເຫຼືອໃນຍາມ ຈຳເປັນ ແລະສຸກເສີນ ແຕ່ບໍ່ພວກເຮົາບໍ່ຄວນສ້າງຄວາມອ່ອນແອພາຍໃນໂດຍການ ຄອງຄອຍຄວາມຊ່ວຍເຫຼືອ ຈາກການພາຍນອກ.

ອັດຕາການຕາຍຂອງເດັກເກີດໃໝ່ ທີ່ສູງນັ້ນ ສະແດງໃຫ້ເຫັນເຖິງ ຕາໜ່າງສາທາລະນະສຸກໃນ ໃຫ້ບໍລິການ ຮັກສາສຸຂະພາບຂອງພວກເຮົາຍັງບໍ່ເຂັ້ມແຂງ, ຍັງບໍ່ມີຄຸນນະພາບ ແລະ ທົ່ວເຖິງ, ອັດຕາການ ການຮູ້ໜັງສືຍັງຕໍ່າ ແລະ ອັດຕາການປະລະການຮຽນຍັງສູງນັ້ນ  ກໍແມ່ນຜົນພອຍຈາກ ລະບົບການສຶກສາ ທີ່ເປັນຂອດສຳຄັນໃນການ ສ້າງຊັບພະຍາກອນມະນຸດ ຂອງຊາດນັ້ນ ຍັງບໍ່ມີຄຸນນະພາບ ແລະ ທົ່ວເຖິງ ລວມທັງ ປັດໄຈ ອື່ນທີ່ກ່ຽວຂ້ອງ.

ພ້ອມນັ້ນ ຈຳນວນປະຊາຊົນ ທີ່ຍັງບໍ່ທັນໄດ້ເຂົ້າເຖິງເສັ້ນທາງ, ໄຟຟ້າ, ນໍ້າສະອາດ, ສຸຂະອະນາໄມ, ອັດຕາ ເດັກນ້ອຍ ແລະ ຜູ້ໃຫຍ່ ຂາດສານອາຫານຊໍາເຮື້ອ (33% ຈາກການສຳຫຼວດ ຕົວຊີ້ວັດທາງສັງຄົມຄັ້ງທີ II 2017) ໄປເຖິງລະບົບ ການປົກປ້ອງທາງສັງຄົມທີ່ຍັງອ່ອນນ້ອຍ ນັ້ນ ກໍລ້ວນແລ້ວແຕ່ ແມ່ນຕົວຊີ້ວັດທາງສັງຄົມ ທີ່ຍັງທ້າທາຍຂອງ ປະເທດເຮົາ ເຖິງວ່າຫຼາຍປີຜ່ານມາ ຈະມີການປັບປຸງດີຂຶ້ນເກືອບໃນທຸກດ້ານກໍຕາມ.

ອັດຕາຄວາມທຸກຍາກ ຂອງປະຊາຊົນ ບໍ່ວ່າຢູ່ໃນເມືອງ ແລະ ຊົນນະບົດຍັງຂ້ອນຂ້າງສູງ ແລະ ບອບບາງ ທີ່ຜູ້ຖືວ່າຫຼຸດພົ້ນຈາກຄວາມທຸກຍາກ ກໍຍັງຈະສາມາດ ກັບມາທຸກອີກໄດ້ງ່າຍໆ ແຕ່ທັງໝົດທີ່ ກ່າວມານີ້ ເຊື່ອວ່າ ພວກເຮົາຄົນລາວ ສາມາດກ້າວໄປຫາຈຸດທີ່ດີກວ່ານີ້ໄດ້ ດ້ວຍຄວາມສາມາດ ຂອງພວກເຮົາ ໂດຍ ບໍ່ເອື່ອຍອີງການຊ່ວຍເຫຼືອຈາກທາງອື່ນ ຖ້າພວກເຮົາ ເດັດດ່ຽວພຽງພໍ.

ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ - Wave100S AD to Website 2020 0 - ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ

“ຕ້ອງຖືເອົາການແກ້ໄຂຄວາມທຸກຍາກຂອງປະຊາຊົນເປັນໜ້າທີ່ຈຸດສຸມ ບົນພື້ນຖານການປຸກສະຕິຕື່ນຕົວເພິ່ນຕົນເອງ, ເປັນເຈົ້າຕົນເອງ ບືນຕົວຂຶ້ນສ້າງຄວາມເຂັ້ມແຂງດ້ວຍຕົນເອງ, ເດັດດ່ຽວຕີຖອຍແນວຄິດເອື່ອຍອີງໃສ່ການຊ່ວຍເຫຼືອ ແລະຄວາມບໍ່ເປັນເຈົ້າການ ໃນການບືນຕົວຂຶ້ນດ້ວຍເຫື່ອແຮງ ແລະສະຕິປັນຍາຂອງຕົນ” ກ່າວໂດຍ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປລາວ  ໃນວາລະການດຳເນີນກອງປະຊຸມ ໃຫຍ່ຂອງພັກປະຊາຊົນປະຕິວັດລາວ ຄັ້ງທີ XI ທີ່ໄຂຂຶ້ນ ໃນວັນທີ 13 ມັງກອນ 2021​ ທີ່ຜ່ານມາ.

ຄຳກ່າວອັນນີ້ ແມ່ນມີຄວາມອັນເລິກເຊິ່ງທີ່ສຸດບໍ່ສະເພາະ ແຕ່ສະມາຊິກພັກ ແຕ່ຍັງສາມາດ ໄປຜັນຂະຫຍາຍ ທົ່ວປວງຊົນ ໃນບາດກ້າວການພັດທະນາເສດຖະກິດ-ສັງຄົມ ຂອງຊາດ, ບໍ່ວ່າການແກ້ໄຂຄວາມທຸກຍາກ ຂອງຊຸມຊົນ ໝູ່ບ້ານ ຕ່າງໆ ກໍສາມາດເຮັດໄດ້ ຖ້າເອົາແນວຄິດການເພິ່ງຕົນເອງເປັນກົກ.

 

 

 

ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ - WhatsApp Image 2020 05 27 at 5 - ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ
ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ - WhatsApp Image 2020 05 27 at 5 - ຕີຖອຍ ແນວຄິດເອື່ອຍອີງຕໍ່ການຊ່ວຍເຫຼືອ
error: Alert: ເນື້ອຫາຂ່າວມີລິຂະສິດ !!