ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ

- 5 7 2017 1 - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ
- AGL banner - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ

ຄອບຄົວທ່ານ ສີຍົນ ບ້ານ ບັງແບດ, ຄອບຄົວທ່ານ ອຸດົມ ທອງຊົມພູ ບ້ານຄຳພູ, ເຂດຈຸດ ສຸມໂນນມີໄຊ ແລະ ຄອບຄົວທ່ານ ບຸນຍົງ ບ້ານໂພນແພງ ເຂດຈຸດ ສຸມໂພນງາມ, ເມືອງອາດສະພອນ, ແຂວງສະຫວັນນະເຂດໄດ້ດໍາເນີນການປູກພືດແບບປະ ສົມປະສານໃນເນື້ອທີ່ການຜະ ລິດຂອງຕົນເພື່ອເປັນສີນຄ້າ, ຊຶ່ງສາມາດສ້າງ ລາຍຮັບມາສູ່ຄອບ ຄົວເປັນຢ່າງດີ.

 

 

- 5 7 2017 3 1024x683 - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ
(ທ້າວ ອຸດົມ ທອງຊົມພູ ບ້ານຄຳພູ ແຂວງສະຫວັນນະເຂດ)

 

 

ການປູກພືດລະດູແລ້ງປີນີ້ລື່ນແຜນການ

+ການຜະລິດກະສິກຳເປັນສິນຄ້າຢູ່ນະຄອນຫລວງມີການຂະຫຍາຍຕົວສູງ

+ ປີນີ້ເສດຖະກິດນະຄອນຫລວງຈະຂະຫຍາຍຕົວໃນລະດັບ 10,3%

 

 

ພວກເພີ່ນໄດ້ໃຫ້ສໍາພາດຕໍ່ນັກຂ່າວວ່າ: ເມື່ອກ່ອນຄອບຄົວພວກຕົນແມ່ນມີຄວາມທຸກຍາກ, ການດຳລົງຊີວິດ ຫລື ທຳມາຫາກິນກໍອາໄສແຕ່ທຳມະຊາດ ເປັນຕົ້ນແມ່ນການຫາໜໍ່ ໄມ້, ເຫັດ, ສັດປ່າ ແລະ ເຄື່ອງປ່າຂອງດົງຕ່າງໆມາຂາຍຕາມ ທ້ອງຕະຫລາດເພື່ອເປັນລາຍ ຮັບຂອງຄອບຄົວ, ແຕ່ເຫັນວ່າ ລາຍຮັບທີ່ໄດ້ມານັ້ນກໍບໍ່ພໍໃຊ້ຈ່າຍ ໃນຊີວິດປະຈຳວັນ ແລະ ບໍ່ກຸ້ມກິນ.

- Wave100S AD to Website 2020 0 - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ

ຈາກນັ້ນທາງໂຄງການຄໍ້າປະກັນສະບຽງອາຫານຂອງສະມາຄົມເພື່ອການສະໜັບສະໜູນ ແລະ ປັບປຸງຊົນນະບົດປະຈຳເມືອງ ອາດສະພອນກໍໄດ້ເຂົ້າມາຊ່ວຍ ຄອບຄົວພວກຕົນ ເພື່ອສ້າງເປັນຄອບຄົວຕົວແບບໃນການປູກພືດແບບປະສົມປະສານ, ຊຶ່ງໄດ້ໃຫ້ການຊ່ວຍເຫລືອໃນດ້ານເຕັກ ນິກວິຊາການ, ທັງນໍາພາໄປແຕ່ລະຄອບຄົວທີ່ເຂົ້າຮ່ວມໂຄງການໄປ ທັດ ສະນະສຶກສາຢູ່ບັນດາຕ່າງແຂວງ ເພື່ອຮຽນຮູ້ ວິທີການຜະລິດກະສິກໍາເປັນສິນຄ້າ ແລະ ມອບເຄື່ອງມື, ອຸປະກອນການຜະລິດ, ແນວພັນພືດ ແລະ ເບ້ຍໄມ້ໃຫ້ໝາກຕ່າງໆ ເພື່ອປູກ.

 

 

- isiisw 1024x696 - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ
(ທ້າວ ບຸນຍົງ ບ້ານໂພນແພງ ແຂວງສະຫວັນນະເຂດ)

 

 

ປັດຈຸບັນສໍາລັບຄອບຄົວ ທ່ານ ສີຍົນ ແມ່ນມີເນື້ອທີ່ການຜະລິດ 3 ເຮັກຕາມີແຮງງານ ຕົ້ນຕໍ 2 ຄົນ. ນອກຈາກເຮັດນາ ແລ້ວ, ກໍໄດ້ປູກພືດແບບປະສົມປະສານຄື: ປູກສາລີ, ກ້ວຍ, ໝາກນັດ, ຫວາຍໃນເນື້ອທີ່ປູກ 3 ໄລ່ ແລະ ລ້ຽງໄກ່ອີກ 60 ກວ່າ ໂຕ. ສ່ວນຄອບຄົວທ່ານ ອຸດົມ ທອງຊົມພູ ມີເນື້ອທີ່ທຳການຜະລິດ 2 ເຮັກຕາ, ໂດຍໄດ້ມີ ການປູກເຂົ້າ, ກ້ວຍ, ໝາກນັດ, ຫວາຍ, ກ້າເບ້ຍໄມ້ຂາຍ ແລະ ຄອບຄົວທ່ານ ບຸນຍົງ ມີເນື້ອທີ່ ການຜະລິດປະມານ 0,4 ເຮັກ ຕາ, ໄດ້ເຮັດໜອງປາ 1 ໜອງ, ປູກເຂົ້າ, ກ້ວຍ, ສາລີ, ໝາກຖົ່ວ, ໝາກແຕງ, ໝາກຮຸ່ງ, ລ້ຽງໝູ, ລ້ຽງເປັດ, ລ້ຽງໄກ່ ເພື່ອຂາຍ ຕາມທ້ອງຕະຫລາດໃນເມືອງ ແລະ ເຫັນວ່າແຕ່ລະຄອບຄົວ ໄດ້ ມີລາຍຮັບທີ່ດີ ແລະ ໝັ້ນຄົງ, ສະ ເລ່ຍແຕ່ 2-4,5 ລ້ານກີບຕໍ່ປີ.

ທ່ານນາງ ແສງຈັນ ຜູ້ປະ ສານງານໂຄງການດັ່ງກ່າວໃຫ້ຮູ້ວ່າ: ໂຄງການໄດ້ເລີ່ມຈັດຕັ້ງ ປະຕິບັດມາແຕ່ປີ 2011 ແລະ ມາຮອດປັດຈຸບັນເຫັນວ່າສາ ມາດສ້າງຄອບຄົວຕົວແບບໃນ ການປູກພືດແບບປະສົມປະ ສານໄດ້ແລ້ວ 222 ຄອບຄົວຢູ່ ໃນ 8 ບ້ານ ແລະ ແຕ່ລະຄອບ ຄົວທີ່ໄດ້ຮ່ວມໂຄງການເຫັນວ່າສາມາດຫລຸດພົ້ນອອກຈາກ ຄວາມທຸກຍາກແລ້ວ ແລະ ຈະ ສືບຕໍ່ຈັດຕັ້ງປະຕິບັດໃນການ ສ້າງຄອບຄົວໃນກຸ່ມເປົ້າໝາຍ ຂອງໂຄງການໃຫ້ຮູ້ຈັກການຜະລິດກະສິກໍາເພື່ອເປັນສີນຄ້າ ຫລາຍຂຶ້ນ ເພື່ອສ້າງລາຍຮັບມາ ພັດທະນາຄອບຄົວ ແລະ ຫລຸດ ພົ້ນອອກຈາກຄວາມທຸກຍາກ ຕາມແນວທາງນະໂຍບາຍຂອງພັກ ແລະ ລັດຖະບານວາງໄວ້.

 

- lattana 1 - ປູກພືດແບບປະສົມປະສານພາຄອບຄົວມີລາຍຮັບດີຂຶ້ນ
error: Alert: Content is protected !!