ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ

ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ - vietjetair scaled 1 - ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ
ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ - Untitled design - ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ

Vietjet Air ສາຍ​ການບິນລາຄາ​ປະຢັດ​ຂອງ​ຫວຽດນາມ ລາຍ​ງານ​ຜົນ​ປະກອບ​ການ​ຫລ້າ​ສຸດ​​ໃນ​ວັນ​ທີ 31 ມັງກອນ ລະບຸ​ວ່າ: ​ໃນ​ປີ 2020 ຜ່ານ​ມາ ບໍລິສັດ​ມີ​ກຳ​ໄລ​ຫລັງ​ຫັກ​ພາສີ​ແລ້ວ​ເຖິງ 3 ລ້ານ​ໂດ​ລາ​ສະຫະລັດ ​ແລະ ​ເປັນ​ສາຍ​ການບິນ​ພຽງ​ບໍ່​ເທົ່​າ​ໃດ​ແຫ່ງ​ໃນ​ໂລກ​ທີ່​ບໍ່​ໄດ້​ຫລຸດ​ພະນັກງານ ​ເຖິງ​ວ່າ​ໃນ​ຊ່ວງ​ທີ່​ເກີດ​ວິ​ກິດ​ການ​ແຜ່​ລະບາດ​ຂອງ​ພະຍາດ​ໂຄ​ວິດ-19.

Vietjet Air ກ່າວ​ວ່າ: ​ໃນ​ປີຜ່ານມາ ​ໄດ້​ໃຫ້​ບໍລິການ​ຖ້ຽວ​ບິນ​ທັງ​ໝົດ 78.462 ຖ້ຽວ ​ເຊິ່ງຫລຸດ​ລົງ​ຈາກ​ປີ 2019 ທີ່​ໃຫ້​ບໍລິການ 139.000 ຖ້ຽວ ​ເນື່ອງ​ຈາກ​ການ​ແຜ່​ລະບາດ​ຂອງ​ໄວຣັສ. ​ເຖິງ​ຢ່າງ​ໃດ​ກໍ​ຕາມ, Vietjet Air ຍັງ​ສ້າງ​ກຳ​ໄລ​ໄດ້​ເຖິງ 3 ລ້ານ​ໂດ​ລາ​ສະຫະລັດ. ຂະນະ​ທີ່​ສາຍ​ການບິນ​ອື່ນໆ​ຕົກ​ຢູ່​ໃນ​ສະພາບ​ຂາດທຶນ ຫລື ຕ້ອງ​ປິດ​ກິດຈະການ.

ກຸນ​ແຈ​ສຳຄັນ ຄື​ການ​ຫາ​ລາຍ​ໄດ້​ເພີ່ມ ​ເຊິ່ງ​ໃນ​ປີຜ່ານມາ ລາຍ​ໄດ້​ເພີ່ມ​ຂອງ Vietjet Air ​ຄິດ​ເປັນ​ເກືອບ​ເຄິ່ງໜຶ່ງ​ຂອງ​ລາຍ​ໄດ້​ທັງ​ໝົດ “Vietjet Air ພະຍາຍາມ​ສົ່ງ​ເສີມ​ບໍລິການ​ເສີມ ​ເພື່ອ​ທົດ​ແທນ​ລາຍ​ໄດ້​ຈາກ​ການ​ໃຊ້​ບໍລິການ​ເຮືອບິນ​ທີ່​ຫລຸດ​ລົງ” ຖະ​ແຫລ​ງການ​ຂອງ​ສາຍ​ການບິນ​ລະບຸ.

ຍົກ​ຕົວຢ່າງ​: ການ​ເພີ່ມ​ຈຳນວນ​ຖ້ຽວ​ບິນ​ຂົນ​ສົ່ງ​ສິນຄ້າ ​ໂດຍ​ໃນ​ປີ 2020 ປະລິມານ​ສິນຄ້າ​ຂອງ​ສາຍ​ການບິນ​ເພີ່ມ​ຂຶ້ນ 16% ​ເມື່ອ​ທຽບ​ໃສ່​ປີກ່ອນໜ້າ ​ແລະ ​ໄຕ​ມາດ​ຜ່ານ​ມາ ລາຍ​ໄດ້​ຈາກ​ການ​ຂົນ​ສົ່ງ​ສິນຄ້າ​ກໍ​ເພີ່ມ​ຂຶ້ນ​ເຖິງ 75% ​ເມື່ອ​ທຽບ​ໃສ່​ໄລຍະ​ເວລາ​ດຽວ​ກັນ​ໃນ​ປີ 2019.

Vietjet ບໍ່​ມີ​ເຮືອບິນ​ບັນທຸກ​ສິນຄ້າ​ເປັນ​ຂອງ​ຕົນ​ເອງ ຈຶ່ງ​ຕ້ອງ​ດັດ​ແປງ​ເຮືອບິນ​ໂດຍສານ​ເພື່ອ​ຮອງ​ຮັບ​ການ​ຂົນ​ສົ່ງ​ສິນຄ້າ ​ໂດຍ​ການ​ຖອນ​ບ່ອນ​ນັ່ງ ​ແລະ ຍຶດສິນຄ້າ​ດ້ວຍ​ຕາ​ຂ່າຍ. ນອກຈາກ​ນີ້ ຍັງ​ໄດ້​ເຮັດ​ຂໍ້​ຕົກລົງ​ຮ່ວມ​ກັບ​ບໍລິສັດ​ອື່ນໆ ​ເຮັດ​ໃຫ້​ສາມາດ​ຂະຫຍາຍ​ເຄືອ​ຂ່າຍ​ການ​ຂົນ​ສົ່ງ​ສິນຄ້າ​ໄປ​ເອີຣົບ ​ແລະ ອາ​ເມ​ລິ​ກາ​ເຊັ່ນ: ບໍລິສັດ​ຂົນ​ສົ່ງ​ສິນຄ້າ​ຢູພີ​ເອັສ.

ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ - Wave100S AD to Website 2020 0 - ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ

ນອກຈາກ​ນີ້​ ລາຍ​ໄດ້​ເພີ່ມ​ຍັງ​ມາ​ຈາກ​ການ​ເປີດ​ສູນ​ບໍລິການ​ພິ​ເສດ​ພາກພື້ນດິນ​ຢູ່​ສະໜາມ​ບິນ​ນາໆ​ຊາດ​ໂໜຍບາຍ ​ໃນ​ຮ່າ​ໂນ້ຍ ນອກຈາກ​ຈະ​ຊ່ວຍ​ເພີ່ມ​ລາຍ​ໄດ້​ແລ້ວ ຍັງ​ຊ່ວຍ​ໃຫ້​ສາຍ​ການບິນ​ຈັດການ​ຕົ້ນທຶນ​ການ​ດຳ​ເນີນ​ງານ​ໄດ້​ດີ​ຂຶ້ນ ຕະຫລອດ​ຈົນ​ເຮັດ​​ໃຫ້​ລູກ​ຄ້າ​ຈື່​ຈຳ​ຍີ່​ຫໍ້ ​ແລະ ປັບປຸງ​ຄຸນ​ນະພາ​ບການ​ບໍລິການ.

ອີກ​ທັງ​ຍັງ​ລະບຸ​ວ່າ: ສາຍ​ການບິນ​ບໍ່​ຈຳ​ເປັນ​ຕ້ອງ​ຫລຸດ​ພະນັກງານ ​ແຕ່​ສາມາດ​ຫລຸດ​ຄ່າ​ໃຊ້​ຈ່າຍ​ໃນ​ດ້ານ​ອື່ນໆ​ໄດ້​ເຊັ່ນ: ຄ່າ​ໃຊ້​ຈ່າຍ​ໃນ​ການ​ໃຊ້​ຍານພາຫະນະ ​ແລະ ຄ່າ​ໃຊ້​ຈ່າຍ​ໃນ​ການ​ດຳ​ເນີນ​ການ​ລາຍ​ວັນ​ກໍ​ຫລຸດ​ລົງ 10%.

ປັດ​ໄຈ​ສະໜັບສະໜູນ​ອີກ​ຢ່າງ​ໜຶ່ງ ຄື​ຫວຽດນາມ​ມີ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ຂ້ອນ​ຂ້າງ​ໜ້ອຍ ​ເຮັດ​ໃຫ້​ບໍ່​ມີ​ມາດ​ຕະການ​ທີ່​ຂັດຂວາງ​ການ​ເດີນທາງ​ໂດຍ​ເຮືອບິນ​ພາຍ​ໃນ​ປະ​ເທດ ລວມທັງ​ໄດ້​ຮັບ​ການ​ສະໜັບສະໜູນ​ຈາກ​ລັດຖະບານ​ດ້ວຍ​ການ​ຫລຸດ​ພາສີ, ຂະຫຍາຍ​ໄລຍະ​ເວລາ​ຊຳລະ​ພາສີ, ຫລຸດ​ຄ່າ​ທຳນຽມ​ການ​ຂຶ້ນ-ລົງ​ເຮືອບິນ ​ແລະ ຄ່າ​ທຳນຽມ​ອື່ນໆ ຕະຫລອດ​ຈົນ​ໄດ້​ຮັບ​ການ​ພິຈາລະນາ​ຂໍ້​ສະ​ເໜີ​ຊ່ວຍ​ເຫລືອ​ທາງ​ການ​ເງິນ​ຂອງ​ລັດຖະບານ​ສຳລັບ​ສາຍ​ການບິນ​ທ້ອງ​ຖິ່ນ.

ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ - WhatsApp Image 2020 05 27 at 5 - ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ
ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ - WhatsApp Image 2020 05 27 at 5 - ເປັນຫຍັງ Vietjet Air ຍັງມີກຳໄລ ເຖິງວ່າໃນຊ່ວງໂຄວິດລະບາດ
error: Alert: ເນື້ອຫາຂ່າວມີລິຂະສິດ !!