ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ

ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - 006 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ
ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - Untitled design - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ

ຫົວໜ້າພະແນກກະສິກຳ ແລະ ປ່າໄມ້ແຂວງສະຫວັນນະເຂດ ໄດ້ໃຫ້ຮູ້ໃນວັນທີ 3 ກຸມພາ 2021 ນີ້ວ່າ: ພາຍຫລັງທີ່ພະແນກກະສິກຳ ແລະ ປ່າໄມ້ແຂວງຂອງພວກເຮົາໄດ້ເຊັນບົດບັນທຶກຄວາມເຂົ້າໃຈກັບອົງການກອງທຶນອະນຸລັກທໍາມະຊາດໂລກ ປະຈໍາ ສປປ ລາວ ກ່ຽວກັບໂຄງການສົ່ງເສີມການຈັດການວຽກງານການປະມົງຢູ່ລຽບຕາມແຄມແມ່ນໍ້າຂອງ ເຊິ່ງພວກເຮົາກໍໄດ້ກະກຽມລົງສຳຫລວດກຸ່ມບ້ານເປົ້າໝາຍຢູ່ 10 ບ້ານ ຂອງເມືອງໄຊບູລີ ແລະ ເມືອງໄຊພູທອງ ທີ່ອາໄສຢູ່ລຽບຕາມແຄມແມ່ນໍ້າຂອງ.

ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - 005 300x200 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ

ຫົວໜ້າ​ພະ​ແນ​ກກະສິກຳ ແຈ້ງໃຫ້ຮູ້ວ່າ: ແຂວງສະຫວັນນະເຂດເປັນແຂວງທີ່ໃຫຍ່ ແລະ ມີປະ ຊາກອນຫລາຍທີ່ສຸດໃນ ສປປ ລາວ ເຊິ່ງໄດ້ເລີ່ມຈັດຕັ້ງປະຕິບັດການສ້າງວັງສະຫງວນມາແຕ່ປີ 1990 ມາຮອດປັດຈຸບັນ ມີວັງສະຫງວນ 100 ກວ່າວັງ, ແຕ່ເປັນວັງທີ່ສ້າງຢູ່ຕາມແມ່ນ້ຳສາຂາເທົ່ານັ້ນ. ສຳລັບໂຄງການນີ້ ແມ່ນເປັນໂຄງການທຳອິດທີ່ຈະມີການສ້າງວັງສະຫງວນຢູ່ລຽບຕາມແຄມຝັ່ງແມ່ນ້ຳຂອງ ໂດຍມີບ້ານປາກເຊບັ້ງໄຟ, ສີວິໄລ, ແກ້ງກະເບົາໃຕ້ ແລະ ບ້ານສະຫວ່າງ ເມືອງໄຊບູລີ. ສ່ວນເມືອງໄຊພູທອງ ມີບ້ານທ່າໂພ, ນາພານ, ຄັນທ່າຈານ, ເວີນຄູນ, ເຫລົາໝາກຫູດ ແລະ ບ້ານເຮືອນຫີນ ເຊິ່ງໂຄງການດັ່ງກ່າວເພື່ອແນໃສ່ການຄຸ້ມຄອງການປະມົງແບບມີສ່ວນຮ່ວມ, ການຫາປາແບບຍືນຍົງ ແລະ ເພີ່ມປະຊາກອນສັດນໍ້າໃນແມ່ນໍ້າຂອງ ເພື່ອຄວາມອຸດົມສົມບູນທາງທໍາມະຊາດໃຫ້ຢູ່ຄຽງຄູ່ກັບຊີວິດການເປັນຢູ່ຂອງຊຸມຊົນ. ຊາວບ້ານພ້ອມທັງອຳນາດການປົກຄອງທ້ອງຖິ່ນ ຂັ້ນເມືອງ ແລະ ແຂວງ ແມ່ນໄດ້ເຫັນດີຈະຈັດຕັ້ງປະຕິບັດໃນການສ້າງວັງສະຫງວນດັ່ງກ່າວ ພ້ອມທັງບັນດາກິດຈະກຳ ແລະ ບັນດາຄວາມຮັບຜິດຊອບອື່ນໆ ທີ່ທາງໂຄງການວາງອອກຫລັກໆກໍແມ່ນ ຂັ້ນເມືອງ ແລະ ບ້ານທີ່ຈະຕ້ອງເປັນເຈົ້າການໃນການຈັດຕັ້ງປະຕິບັດ, ສ່ວນກຳມະການຂັ້ນແຂວງ ຈະເປັນຜູ້ຕິດຕາມກວດກາໃນການຈັດຕັ້ງປະຕິບັດຂອງພາກສ່ວນໃນບ້ານ, ແຕ່ສິ່ງທ້າທາຍໃນຕໍ່ໜ້າ ຄາດວ່າມີຫລາຍ ເນື່ອງຈາກວ່າວຽກງານໂຄງການນີ້ແມ່ນວຽກຂອງຊຸມຊົນເປັນຜູ້ຈັດຕັ້ງປະຕິບັດໂດຍກົງ ແລະ ກໍເປັນຄັ້ງທຳອິດທີ່ພວກເຮົາຈະສ້າງວັງສະຫງວນຢູ່ຕາມແຄມແມ່ນ້ຳຂອງ ທີ່ເປັນສາຍນ້ຳຍຸດທະສາດ ຂອງລາວ. ພ້ອມນີ້, ພວກເຮົາຍັງຕ້ອງໄດ້ປະສານງານຮ່ວມກັບເຈົ້າໜ້າທີ່ ປກສ ແລະ ປກຊ ໂດຍສະເພາະທະຫານຊາຍແດນຈັດຕັ້ງປະຕິບັດຄຸ້ມຄອງການເຄື່ອນໄຫວນຳກັນ.

ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - 007 300x200 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ

ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - Wave100S AD to Website 2020 0 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ

ໃນໄລຍະຜ່ານມາ, ວັງສະຫງວນທຳອິດທີ່ພວກເຮົາໄດ້ສ້າງ ແລະ ຕິດພັນກັບການທ່ອງທ່ຽວ ແມ່ນຢູ່ບ້ານບຶງຊ້າງ ເມືອງຊົນນະບູລີ ປັດຈຸບັນໄດ້ກາຍເປັນແຫລ່ງທ່ອງທ່ຽວຂອງເມືອງ ກໍຄືຂອງແຂວງ ເຊິ່ງມັນໄດ້ສ້າງຄວາມສົນໃຈ ແລະ ດຶງດູດນັກທ່ອງທ່ຽວມາທ່ຽວຊົມໄດ້ຫລາຍສົມຄວນ. ໃນອະນາຄົດ ພວກເຮົາກຳລັງສຶກສາຄົ້ນຄວ້າ ເພື່ອຈະສ້າງວັງສະຫງວນທີ່ຕິດພັນກັບການທ່ອງທ່ຽວເພີ່ມ ແລະ ຍັງມີຫລາຍເມືອງທີ່ມີເງື່ອນໄຂທີ່ເໝາະສົມ. ພ້ອມນີ້, ສິ່ງທີ່ພວກເຮົາພາກພູມໃຈ ກໍຄືພວກເຮົາຈະສ້າງເປັນແຫລ່ງທ່ອງທ່ຽວທີ່ຕິດພັນກັບການອະນຸຮັກໃນຂອບເຂດຂອງບ້ານດັ່ງກ່າວ.

ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - WhatsApp Image 2020 05 27 at 5 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ
ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ - WhatsApp Image 2020 05 27 at 5 - ສະຫວັນນະເຂດ ຈະສ້າງວັງສະຫງວນ ຕື່ມອີກ ຢູ່ລຽບຕາມແຄມນ້ຳຂອງ
error: Alert: ເນື້ອຫາຂ່າວມີລິຂະສິດ !!