WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ

WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ - vaccine 5895477 - WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ
WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ - Untitled design - WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ

ກຸ່ມ​ພັນທະ​ມິດ​ການ​ຮ່ວມ​ມື​ດ້ານ​ວັດຕະ​ກຳ​ເພື່ອ​ຮັບ​ມື​ພະຍາດ​ລະບາດ (The Coalition for Epidemic Preparedness Innovations: CEPI) ພ້ອມ​ອົງ​ກອນ​ພັນທະ​ມິດ​ວັກ​ຊີ​ນກາ​ວີ (Gavi, the Vaccine Alliance) ​ແລະ ອົງການ​ອະນາ​ໄມ​ໂລກ (WHO) ​ໃນ​ຖານະ​ຜູ້ນຳ​ໂຄງການ​ເພື່ອ​ການ​ເຂົ້າ​ເຖິງ​ວັກ​ຊີ​ນ​ໂຄ​ວິດ-19 ຢ່າງ​ເທົ່າ​ທຽມ​ທົ່ວ​ໂລກ ຫລື COVAX ຮ່ວມ​ກັບ​ຄູ່​ຮ່ວມ​ມື​ສຳຄັນ​ໃນ​ການຈັດ​ສົ່ງ​ວັກ​ຊີ​ນຄື UNICEF ​ໄດ້​ເຜີຍ​ແຜ່​ຂໍ້​ມູນ​ເບື້ອງຕົ້ນຊຸດ​ທຳ​ອິດ​ຂອງ​ການ​ຄາດ​ຄະ​ເນ​ການ​​ແຈກ​ຢາຍ​ວັກ​ຊີ​ນ​ໂຄ​ວິດ-19 ​ໃນ​ພາກພື້ນຕ່າງໆ​ທົ່ວ​ໂລກ.

ຂໍ້​ມູນ​ດັ່ງກ່າວ ລວມທັງ​ການ​ແຈກ​ຢາຍ​ວັກ​ຊີ​ນ 240 ລ້ານ​ໂດ​ສ ຈາກ AstraZeneca/Oxford ທີ່​ໄດ້​ໃຫ້​ສິດທິ​ບັດ​ໃນ​ການ​ຜະລິດ​ແກ່​ບໍລິສັດ, ສະ​ຖາບັນ​ເຊຣຳ​ແຫ່ງ​ອິນ​ເດຍ ຫລື SII (​ເອີ້ນ​ຫຍໍ້​ວ່າ AZ/SII) ​ແລະ ວັກ​ຊີ​ນອີກ 96 ລ້ານ​ໂດ​ສ ຈາກ AstraZeneca/Oxford (​ເອີ້ນ​ຫຍໍ້​ວ່າ AZ) ທີ່​ອົງ​ກອນ​ພັນທະ​ມິດ​ວັກ​ຊີ​ນກາ​ວີ ​ເຮັດ​ຂໍ້​ຕົກລົງ​ສັ່ງ​ຊື້ລ່ວງ​ໜ້າ​ກັບ AstraZeneca ​ແລະ ມີ​ກຳນົດ​ຈັດ​ສົ່ງ​ໃນ​ໄຕ​ມາດ​ທີ 1 ​ແລະ 2 ຂອງ​ປີ​ນີ້ ​ໂດຍ​ຄາດ​ວ່າ​ຈະ​ເລີ່​ມຕົ້ນ​ໄດ້​ນັບ​ແຕ່​ເດືອນ​ກຸມພາ.

​ເຊິ່ງນອກຈາກ​ນີ້ ຍັງ​ມີ​ການ​ແຈກ​ຢາຍ​ວັກ​ຊີ​ນຊຸດ​ທຳ​ອິດ​ຈຳນວນ 1,2 ລ້ານ​ໂດ​ສ ຈາກ​ບໍລິສັດ Pfizer-BioNTech ທີ່ WHO ຂຶ້ນບັນຊີ​ອະນຸມັດ​ໃຫ້​ນຳ​ໃຊ້​ສຸກ​ເສີນ​ໄປ​ແລ້ວ ​ແລະ ຄາດ​ວ່າ​ຈະ​ຈັດ​ສົ່ງ​ໄດ້​ໃນ​ໄຕ​ມາດ​ທຳ​ອິດ​ຂອງ​ປີ​ນີ້.

​ໂດຍ​ປະ​ເທດ​ທີ່​ຄາດ​ວ່າ​ຈະ​ໄດ້​ຮັບ​ການ​ແຈກ​ຢາຍ​ວັກ​ຊີ​ນສູງ​ສຸດ ​ແບ່ງ​ເປັນ ອິນ​ເດຍ 97.164.000 ​ໂດ​ສ (AZ/SII), ປາ​ກິດ​ສະຖານ 17.160.000 ​ໂດ​ສ (AZ/SII), ​ໄນ​ຈີ​ເຣຍ 16.008.000 ​ໂດ​ສ (AZ/SII).

ສ່ວນ​ພາກພື້ນອາຊີ​ຕາ​ເວັນ​ອອກສຽງ​ໃຕ້ ຫລື ອາ​ຊຽນ ມີ​ຫລາຍ​ປະ​ເທດ​ທີ່​ຄາດ​ວ່າ​ຈະ​ໄດ້​ຮັບ​ການ​ແຈກ​ຢາຍ​ວັກ​ຊີ​ນຈາກ​ໂຄງການ COVAX (ຍົກ​ເວັ້ນ​ໄທ​ທີ່​ບໍ່​ປາກົດ​ໃນ​ຂໍ້​ມູນ​ການ​ຄາດ​ຄະ​ເນ) ​ໄດ້​ແກ່:

ບຣູ​ໄນ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 100.800 ​ໂດ​ສ

ກຳປູ​ເຈຍ: ​ໄດ້​ຮັບ​ວັກ​ຊີ​ນຈາກ AZ/SII ຈຳນວນ 1.296.000 ​ໂດ​ສ

ສປປ ລາວ: ​ໄດ້​ຮັບ​ວັກ​ຊີ​ນຈາກ AZ/SII ຈຳນວນ 564.000 ​ໂດ​ສ

ມາ​ເລ​ເຊຍ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 1.624.800 ​ໂດ​ສ

WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ - Wave100S AD to Website 2020 0 - WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ

ອິນ​ໂດ​ເນ​ເຊຍ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 13.708.800 ​ໂດ​ສ

ມຽນມາ: ​ໄດ້​ຮັບ​ວັກ​ຊີ​ນຈາກ AZ/SII ຈຳນວນ 4.224.000 ​ໂດ​ສ

ຟີ​ລິບ​ປິນ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 5.500.800 ​ໂດ​ສ ​ແລະ Pfizer-BioNTech 117.000 ​ໂດ​ສ

ສິງກະ​ໂປ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 288.000 ​ໂດ​ສ

ຫວຽດນາມ: ​ໄດ້​ຮັບ​ວັກ​ຊີ​ນຈາກ AZ ຈຳນວນ 4.886.400 ​ໂດ​ສ

ທັງ​ນີ້, ປະລິມານ​ວັກ​ຊີ​ນທີ່ຄາດ​ວ່າ​ຈະ​ແຈກ​ຢາຍ​ທັງ​ໝົດ ປະມານ 3,3% ຂອງ​ປະຊາກອນ​ໃນ 145 ປະ​ເທດ​ທີ່​ເຂົ້າຮ່ວມ. ຂະນະ​ທີ່​ຂໍ້​ມູນ​ທັງ​ໝົດ ອ້າງ​ອີງ​ຈາກ​ການ​ຄາດ​ຄະ​ເນ​ປະລິມານ​ວັກ​ຊີ​ນ​ໂຄ​ວິດ-19 ທົ່ວ​ໂລກ​ທີ່​ເຜີຍ​ແຜ່​ກ່ອນ​ໜ້າ​ນີ້ ​ເຊິ່ງປະກາດ​ຫລ້າ​ສຸດ​ນີ້ ມີ​ຂຶ້ນບໍ່​ຮອດ​ສອງ​ອາທິດ​ຫລັງ​ການ​ປະກາດ​ຂໍ້​ຕົກລົງ​ສັ່ງ​ຊື້ວັກ​ຊີ​ນລ່ວງ​ໜ້າ​ກັບ Pfizer / BioNTech ​ແລະ ໜ້ອຍ​ກວ່າ​ໜຶ່ງ​ເດືອນ​ຫລັງ​ວັກ​ຊີ​ນ​ໂຄ​ວິດ-19 ຊະນິດ​ທຳ​ອິດ​ໄດ້ຮັບ​ການ​ອະນຸມັດ​ຈາກ​ອົງການ​ອະນາ​ໄມ​ໂລກ​ພາກພື້ນ​ເອີຣົບ (WHO/Europe).

WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ - WhatsApp Image 2020 05 27 at 5 - WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ
WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ - WhatsApp Image 2020 05 27 at 5 - WHO ຄາດການແຈກຢາຍວັກຊີນໂຄວິດ-19 ໂຄງການ COVAX ຊຸດທຳອິດ ອາຊຽນໄດ້ຮັບເກືອບຄົບທຸກປະເທດ ຍົກເວັ້ນໄທ
error: Alert: ເນື້ອຫາຂ່າວມີລິຂະສິດ !!