ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - IMG 7111 1 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ
ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - Untitled design - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ພິທີຖະແຫລງຂ່າວງານເທດສະການອາຫານລາວ 2021 ໄດ້ມີຂຶ້ນໃນວັນທີ 5 ກຸມພານີ້ ທີ່ນະຄອນຫລວງວຽງຈັນ, ໂດຍການເຂົ້າຮ່ວມຂອງທ່ານ ນາງ ບົວຈັນ ສີຫານາດ ຮອງປະທານຄະນະບໍລິຫານງານ ສູນກາງສະຫະພັນແມ່ຍິງລາວ ແລະ ພາກສ່ວນກ່ຽວຂ້ອງ.  ເພື່ອເປັນການບົ່ງບອກໃຫ້ມວນຊົນລາວໃນປັດຈຸບັນໄດ້ເຫັນພາບການຄ້າຂາຍແລກປ່ຽນສິນ ຄ້າກ່ຽວກັບອາຫານລາວເຊິ່ງກັນ ແລະ ກັນແບບລາວໆຂອງສະໄໝກ່ອນ, ເຊິ່ງໃນປີນີ້ ສະມາຄົມນັກທຸລະກິດຍິງ ຈຶ່ງຈະຈັດງານເທດສະການອາຫານຂຶ້ນພາຍໃຕ້ຄໍາຂວັນ: “ກິນ, ຢູ່, ຮຽນຮູ້ວິຖີລາວ”.

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - LPN 300x300 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ໃນໂອກາດນີ້, ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ (ສທຍ) ໃຫ້ຮູ້ວ່າ: ອີງໃສ່ສະພາບການຂອງສັງຄົມໃນປັດຈຸບັນ ທີ່ຍັງມີການແຜ່ລະບາດພະຍາດ Covid-19 ໃນທົ່ວໂລກ, ສທຍ ໄດ້ຂັດຈ້ອນເລືອກເຟັ້ນ, ເອົາຮ້ານອາຫານລາວ ເປັນຕົ້ນຕໍເພື່ອມາວາງຂາຍໃນງານເທດສະການອາຫານ, ຈາກ 200 ຮ້ານໃນປີຜ່ານມາ, ໃຫ້ຍັງເຫລືອພຽງ 120 ຮ້ານເທົ່ານັ້ນ ເພື່ອຮັກສາໄລຍະຫ່າງ, ໃນນັ້ນມີຮ້ານອາຫານ ລາວ 104 ຮ້ານ ຈາກຕົວແທນທົ່ວປະເທດ, ຂາຍເຄື່ອງຫັດຖະກໍາແລະກະສິກໍາ 16 ຮ້ານ ແລະມີຮ້ານຈາກບັນດາສະຖານທູດບັນດາປະເທດອາຊຽນຕ່າງໆປະຈໍາ ສປປລາວທັງ 9 ປະເທດເຊັ່ນ: ສະຖານທູດ ຫວຽດນາມ, ກໍາປູເຈຍ, ອິນໂດເນເຊຍ, ມາເລເຊຍ, ມຽນມາ, ຟີລິບປິນ, ໄທ, ສິງກະໂປ ແລະ ບູໄນ.

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - LPN 1 300x300 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - Wave100S AD to Website 2020 0 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ເພື່ອສ້າງໃຫ້ຮູ້ເຖິງແນວຄວາມຄິດ ແລະ ບັນຍາກາດອັນໃໝ່ໃນການອະນຸລັກ: ອາຫານ, ການກິນຢູ່, ດໍາລົງຊີວິດໃຫ້ເປັນແບບວັດທະນະທໍາ, ຮີດຄອງປະເພນີດັ້ງເດີມ ແລະ ປັບໃຫ້ເຂົ້າກັບຍຸກສະໄໝຂອງຄົນລາວພວກເຮົາ,  ເພື່ອເສີມສ້າງໃຫ້ເປັນບັນຍາກາດແບບສັງຄົມພື້ນເມືອງລາວ ທີ່ເຄີຍມີມາສືບຕໍ່ຊຸກຍູ້, ສົ່ງເສີມແມ່ຍິງຜູ້ຜະລິດ, ຜູ້ປູກຝັງ, ລ້ຽງສັດ ທີ່ປຸງແຕ່ງໃນຮ້ານອາຫານ, ໂຮງແຮມ, ຮ້ານຂາຍຍ່ອຍ ຈາກທ້ອງຖິ່ນຕ່າງໆ ແລະ ຈາກນະຄອນຫລວງວຽງຈັນໄດ້ມາວາງສະ​ແດງ ​ແລະ ຄ້າຂາຍແລກປ່ຽນນໍາກັນ. ພ້ອມທັງປຸກລະດົມເຊີນຊວນຜູ້ປະກອບການ​ແມ່ຍິງ ໃນການ​ຜະ​ລິດ​ເປັນ​ສິນຄ້າ ໃຫ້ສາມາດສ້າງເຄືອຂ່າຍການຄ້າຢ່າງກວ້າງຂວາງໃນຂອບເຂດທົ່ວປະເທດ ແລະ ພາກພື້ນ ສົ່ງເສີມນະໂຍບາຍ ລາວທ່ຽວລາວ ແລະ ເພື່ອສາມາດຕອບສະໜອງສິນຄ້າຢ່າງພຽງພໍໃຫ້ແກ່ຜູ້ມາທ່ຽວຊົມໄດ້ຈັບຈ່າຍຊື້ຂາຍຢ່າງສະດວກສະບາຍ. ນອກນີ້, ກໍເພື່ອໂຄສະນາເຜີຍແຜ່ການຫລຸດຜ່ອນພາວະໃຊ້ຖົງຢາງພາສຕິກ, ຫັນມານິຍົມຊົມໃຊ້ວັດຖຸທໍາມະຊາດ, ບໍລິໂພກອາຫານພື້ນເມືອງລາວ ຈາກຜະລິດຕະພັນປອດສານພິດທີ່ດີຕໍ່ສຸຂະພາບ.

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - IMG 7111 1 300x200 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ

ເຊິ່ງພິທີເປີດງານເທດສະການອາຫານລາວຢ່າງເປັນທາງການແມ່ນວັນທີ 23- 27 ກຸມພານີ້ ຢູ່ທີ່ສວນເຈົ້າອານຸວົງແຄມຂອງ ແລະ ພາຍໃນງານຈະມີການປະກວດຕົບແຕ່ງຮ້ານ, ຈັດວາງພາຊະນະໃສ່ອາຫານ, ວາງສະແດງເຄື່ອງຂາຍແບບລາວໆ, ໂດຍມີການມອບລາງວັນໃຫ້ຮ້ານທີ່ຊະນະການປະກວດໃນປີນີ້. ສົ່ງເສີມການຮັກສາສິ່ງແວດລ້ອມ, ຫລຸດຜ່ອນການໃຊ້ວັດຖຸທີ່ມີສານເຄມີ ດ້ວຍການໃຊ້ພາຊະນະຜະລິດຈາກທໍາມະຊາດ. ນອກນີ້ຍັງກິດຈະກຳ ໂຄສະນາປຸກລະດົມຜູ້ມາວາງຂາຍເຄື່ອງໃຫ້ນຸ່ງຖືແບບລາວບູຮານ, ວັດແທກອຸນຫະພູມ, ມີເຈວໃຫ້ຜູ້ເຂົ້າຮ່ວມງານລ້າງມື, ແຈກຜ້າອະນາໄມປ້ອງກັນພະຍາດ ຟຣີ, ຈັດໃຫ້ມີມູມຂາຍອາຫານລາວເດີມ, ຈັດໂຕະເປັນມູມແບບລາວເດີມ, ແຂກທ່ຽວງານສາມາດຖ່າຍຮູບໄດ້, ຈັດໃຫ້ມີການສາທິດປຸງແຕ່ງອາຫານພື້ນເມືອງລາວ: ຈາກຮ້ານອາຫານ ຊື່ດັງ ຮ້ານອາຫານຄົວລາວ”, ຮ້ານ ເລີປາແດກ ພ້ອມທັງກວດສຸຂະພາບຟຣີ (ຕະຫລອດວັນ) ຈາກ ດຣ.ສີວິໄຊ ທັມມະລັງສີ, LAO INTER CLINIC, ບໍລິການ ກວດສຸຂະພາບຟຣີ 35 ລາຍການ ດ້ວຍ Computer ທີ່ທັນສະໄໝ, ວ່ອງໄວ, ທັນໃຈ, ຮູ້ຜົນກວດທັນທີ ແລະ ມີວົງດົນຕີລາວເດີມບັນເລງທຸກໆມຶື້ ແຕ່ 18-20 ໂມງ.

ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - WhatsApp Image 2020 05 27 at 5 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ
ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ - WhatsApp Image 2020 05 27 at 5 - ເທດສະການອາຫານລາວປີນີ້ຈະຈັດຂຶ້ນ 23-27 ກຸມພາ ຢູ່ທີ່ສວນເຈົ້າອານຸວົງ
error: Alert: ເນື້ອຫາຂ່າວມີລິຂະສິດ !!