ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020

- AGL banner - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020

 

- laos travel 300x159 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
ພາບປະກອບ

ກະຊວງແຜນການ ແລະ ການລົງທືນ ໃຫ້ຮູ້ວ່າ: ໃນແຜນຍຸດທະສາດການພັດທະນາເສດຖະກິດ-ສັງຄົມຂອງປະເທດນັບແຕ່ປີ 2017-2020 ລັດຖະບານໄດ້ກຳນົດໄວ້ວ່າ: ໃນດ້ານສັງຄົມຈະສູ້ຊົນຫລຸດຜ່ອນອັດຕາຄວາມທຸກຍາກໃຫ້ຫລຸດລົງຕໍ່າກວ່າ 10% ຂອງປະຊາກອນທັງໝົດ, ອັດຕາລອດເຫລືອຂອງນັກຮຽນຊັ້ນປະຖົມໃຫ້ເພີ່ມຂຶ້ນເປັນ 90%, ຫລຸດຜ່ອນອັດຕາການປະລະການຮຽນຂອງນັກຮຽນຊັ້ນປະຖົມໃຫ້ຢູ່ໃນລະດັບ 2%, ອັດຕາເຂົ້າຮຽນລວມຂອງນັກຮຽນຊັ້ນມັດທະຍົມຕອນຕົ້ນໃຫ້ໄດ້ 85%, ຕອນປາຍໃຫ້ໄດ້ 60%, ຫລຸດຜ່ອນອັດຕາສ່ວນຂອງເດັກນ້ອຍລຸ່ມ 5 ປີທີ່ມີນໍ້າໜັກຕໍ່າກວ່າມາດຕະຖານໃຫ້ໄດ້ 20%, ອັດຕາສ່ວນຂອງເດັກນ້ອຍລຸ່ມ 5 ປີທີ່ເຕ້ຍໃຫ້ໄດ້ 32%, ອັດຕາສ່ວນການຕາຍຂອງເດັກນ້ອຍລຸ່ມ 1 ປີໃຫ້ຫລຸດລົງເຫລືອ 30 ຕໍ່ພັນຄົນ, ອັດຕາການຕາຍຂອງເດັກລຸ່ມ 5 ປີໃຫ້ຫລຸດລົງເຫລືອ 40 ຕໍ່ພັນຄົນຂອງເດັກເກີດມີຊີວິດ, ອັດຕາການຊົມໃຊ້ນໍ້າສະອາດຂອງປະຊາຊົນໃຫ້ບັນລຸ 90%, ຂະຫຍາຍຂອບເຂດປົກຄຸມປະກັນສັງຄົມ ແລະ ປະກັນສຸຂະພາບໃຫ້ກວມ 80% ຂອງພົນລະເມືອງທັງໝົດ, ຈັດຫາແຮງງານໃໝ່ເຂົ້າສູ່ຕະຫລາດແຮງງານໃຫ້ໄດ້ 7 ແສນກວ່າຄົນ, ສ້າງວຽກເຮັດງານທໍາໄດ້ຫລາຍກວ່າ 5 ແສນຄົນ, ປະຕິບັດນະໂຍບາຍຕໍ່ຜູ້ມີຄຸນງາມຄວາມດີຕໍ່ປະເທດຊາດໃຫ້ໄດ້ຫລາຍກວ່າ 30 ພັນຄົນ, ການພັດທະນາສີມືແຮງງານໃຫ້ໄດ້ 658 ພັນຄົນ, ການຄຸ້ມຄອງ, ຂະຫຍາຍ ແລະ ຍົກລະດັບວຽກງານຖະແຫລງຂ່າວ ແລະ ສື່ມວນຊົນຈາກລະບົບອານາລ໋ອກໄປສູ່ລະບົບດີຈີຕອນ, ສ້າງຄອບຄົວວັດທະນາທໍາໃຫ້ກວມ 80%, ບ້ານວັດທະນາທໍາກວມ 65% ແລະ ກຸ່ມບ້ານວັດທະນາທໍາກວມ 16% ໃນທົ່ວປະເທດ, ສູ້ຊົນເອົາແຫລ່ງທ່ອງທ່ຽວທົ່ງໄຫຫີນແຂວງຊຽງຂວາງ ແລະ ພູຫີນໜາມໜໍ່ແຂວງຄໍາມ່ວນເຂົ້າເປັນມໍລະດົກໂລກ ແລະ ສູ້ຊົນດຶງດູດນັກທ່ອງທ່ຽວໃຫ້ເຂົ້າມາທ່ຽວພາຍໃນປະເທດໄດ້ຫລາຍກວ່າ 6 ລ້ານເທື່ອຄົນ. ສ່ວນຄາດໝາຍດ້ານສິ່ງແວດລ້ອມ ແມ່ນຕ້ອງສໍາຫລວດ ແລະ ຂຶ້ນທະບຽນອອກໃບຕາດິນໃນຂອບເຂດທົ່ວປະເທດໃຫ້ໄດ້ 4 ແສນຕອນ, ສູ້ຊົນຈັດສັນ, ກໍານົດເຂດ,ຟືນຟູ ແລະ ຂະຫຍາຍເນື້ອທີ່ປ່າໄມ້ໃຫ້ໄດ້ 70% ຂອງເນື້ອທີ່ທົ່ວປະເທດ, ປັບປຸງສະຖານີເຕືອນໄພແຜ່ນດິນໄຫວ 2 ແຫ່ງ ແລະ ສ້າງໃໝ່ອີກ 5 ແຫ່ງຢູ່ພາກເໜືອ, ສ້າງຈຸດຕິດຕາມກວດກາຄຸນນະພາບນໍ້າໃຫ້ໄດ້ 200 ຈຸດ, ສ້າງແຜນຄຸ້ມຄອງສິ່ງແວດລ້ອມແບບຮອບດ້ານຢູ່ຂັ້ນແຂວງ ແລະ ເມືອງໃຫ້ໄດ້ຢ່າງໜ້ອຍ 50% ຂອງ ແຂວງ ທີ່ໄດ້ຮັບຮອງແລ້ວ,ເພື່ອເຮັດໄດ້ແນວນັ້ນທຸກຂະແໜງຕ້ອໄດ້ຕ້ອງໜ້າບຸກບຶນ,ສຸມໃສຈັດຕັ້ງປຕິບັດວຽກງານຂອງຂະແໜງການຕົນໃຫ້ບັນລຸຕາມລະດັບຄາດໝາຍ,ພ້ອມມີການປະສານສົມທົບທີ່ດີເພື່ອຫາຈຸດບົກຜ່ອງໃນໜ້າບ່ອງ ແລະ ນຳມາແກ້ໄຂໃຫ້ມີປະສິດທິຜົນ,ເພື່ອສາມາດບັນລຸຕາມລະດັບຄາດໝາຍທີ່ວາງໄວ້.

- Wave100S AD to Website 2020 0 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
- WhatsApp Image 2020 05 27 at 5 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
- WhatsApp Image 2020 05 27 at 5 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
- WhatsApp Image 2020 05 27 at 5 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
- WhatsApp Image 2020 05 27 at 5 - ລາວຈະສູ້ຊົນໃຫ້ບັນລຸເປົ້າໝາຍການພັດທະນາສັງຄົມປີ 2020
error: Alert: Content is protected !!