ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ

- advert banner 728 90 728x90 - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ

- 104573478 RTX3AI9F trump putin - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ

ປະທານາທິບໍດີຣັດ​ເຊຍ​ເບິ່ງ​ວ່າ​ເລີ່​ມມີ​ຄວາມ​ເປັນ​ໄປ​ໄດ້​ໃນ​ການ​ຟື້ນຟູ​ການ​ພົວພັນ​ກັບ​ອາ​ເມ​ລິ​ກາ, ພາຍຫລັງ​ການ​ພົບ​ປະ​ຫາລື​ເປັນ​ເທື່ອ​ທຳ​ອິດ​ກັບ​ປະທານາທິບໍດີ ​ໂດ​ນັນ ທຣຳ ລະຫວ່າງ​ກອງ​ປະຊຸມ​ສຸດ​ຍອດ​ຜູ້ນຳ G20 ຢູ່​ເຢຍລະ​ມັນ.

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ເມືອງ​ຮຳ​ບົວ ປະ​ເທດ​ເຢຍລະ​ມັນ ​ໃນ​ວັນ​ທີ 9 ກໍລະກົດ​ນີ້​ວ່າ: ປະທານາທິບໍດີ ວະ​ລາ​ດິ​ເມຍ ປູ​ຕິນ ກ່າວ​ພາຍຫລັງ​ສຳ​ເລັດ​ການ​ເຂົ້າຮ່ວມ​ປະຊຸມ​ສຸດ​ຍອດ​ກຸ່ມ​ປະ​ເທດ​ເສດຖະກິດຂະໜາດ​ໃຫຍ່ (G20) ຢູ່​ເມືອງ​ຮຳ​ບົວ ທາງ​ຕອນ​ເໜືອ​ຂອງ​ເຢຍລະ​ມັນ ​ໃນ​ວັນ​ທີ 8 ກໍລະກົດ ​ແລະ ກ່ອນ​ໜ້ານັ້ນ ​ໄດ້​ພົບ​ປະ​ຫາລື​ກັບ​ປະທານາທິບໍດີ ​ໂດ​ນັນ ທຣຳ ວ່າ: ຖ້າຣັດ​ເຊຍ​ກັບ​ອາ​ເມ​ລິ​ກາສາ​ມາດ​ສານ​ຕໍ່​ການ​ພົວພັນ​ໄດ້​ໃນ​ແບບ​ດຽວ​ກັບ​ທີ່​ມີ​ການ​ສົນທະນາ​ກັນ ​ໃນ​ວັນ​ທີ 7 ກໍລະກົດ ຢ່າງ​ໜ້ອຍ​ການ​ພົວພັນ ​ແລະ ການ​ຮ່ວມ​ມື​ໃນ​ບາງ​ສ່ວນ​ອາດ​ຈະ​ໄດ້​ຮັບ​ການ​ຟື້ນຟູ​ກັບ​ຄືນ​ສູ່​ລະດັບ​ການ​ຮ່ວມ​ມື​ທີ່​ທັງ​ສອງ​ຝ່າຍ​ຕ້ອງການ.

- trump putin - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ

- lattana 1 - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ
- 1 1 - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ

ທ່ານ ປູ​ຕິນ ກ່າວ​ອີກ​ວ່າ: ຂ່າວ​ລື​ກ່ຽວ​ກັບ​ກໍລະນີຣັດ​ເຊຍ​ແຊກ​ແຊງ​ການ​ເລືອກ​ຕັ້ງປະທານາທິບໍດີ​ອາ​ເມ​ລິ​ກາ​ໃນ​ປີຜ່ານມາ ​ເປັນ​ໜຶ່ງ​ໃນ​ບັນຫາ​ສຳຄັນ​ທີ່​ທ່ານ ທຣຳ ຍົກ​ຂຶ້ນມາ​ຫາລື ​ໂດຍ​ຜູ​້ນຳ​ອາ​ເມ​ລິ​ກາ​ພະຍາຍາມ​ຖາມ​ຫລາຍ​ເທື່ອ ​ເຊິ່ງທ່ານ​ພະຍາຍາມ​ຕອບ​ອີກ​ຝ່າຍ​ເທົ່າ​ທີ່​ຈະ​ເປັນ​ໄປ​ໄດ້ ​ແລະ ​ເນັ້ນວ່າ: ບໍ່​ມີ​ເຫດຜົນ​ທີ່​ຈະ​ຕ້ອງ​ເຊື່ອ​ວ່າຣັດ​ເຊຍ​​ແຊກ​ແຊງ​ກິ​ດຈະ​ການ​ພາຍ​ໃນ​ຂອງ​ອາ​ເມ​ລິ​ກາ​ໃນ​ປີຜ່ານມາ.

- GETTY Trump Putin Meet July 7 2017 1499431264636 3713142 ver1 - ທ່ານ ປູຕິນ ເບິ່ງການຟື້ນການພົວພັນກັບອາເມລິກາ ເລີ່ມເປັນໄປໄດ້ຫລັງພົບກັບທ່ານ ທຣຳ
Generated by IJG JPEG Library

ຂະນະ​ດຽວ​ກັນ, ທ່ານ ປູ​ຕິນ ກ່າວ​ເຖິງ​ບຸກຄະ​ລິກພາບ​ຂອງ​ທ່ານ ທຣຳ ວ່າ: ​ແຕກ​ຕ່າງ​ຈາກ​ໃນ​ໂທລະພາບ ​ແລະ ຍ້ອງຍໍ​ວ່າ​ຜູ້ນຳ​ອາ​ເມ​ລິ​ກາ​ເປັນ​ຕົວຢ່າງ​ຂອງ​ການ​ເປັນ​ຄູ່​ສົນທະນາ​ທີ່​ດີ ​ໂດຍ​ໃຫ້​ຄວາມ​ສຳຄັນ​ຕໍ່​ທຸກ​ຄຳ​ເວົ້າຂອງ​ຄູ່​ສົນທະນາ ​ແລະ ມີ​ການ​ປະມວນ​ຜົນ​ຄຳ​ຕອບ​ແບບ​ວ່ອງ​ໄວ ສົ່ງ​ຜົນ​ໃຫ້​ຄຳ​ຕອບ​ທີ່​ອອກ​ມາ​ມີ​ປະສິດທິພາບ. ນອກຈາກ​ນີ້ ຜູ້ນຳຣັດ​ເຊຍ​ຍັງ​ກ່າວ​ເຖິງ​ນະ​ໂຍບາຍ ​ແລະ ຈຸດ​ຢືນ​ເລື່ອງ​ຊີຣີຂອງ​ລັດຖະບານ ທຣຳ ວ່າ: ມີ​ຄວາມ​ເປັນ​ໄປ​ໄດ້​ໃນ​ທາງ​ປະຕິບັດ​ຫລາຍ​ກວ່າ​ລັດຖະບານ​ວໍ​ຊິງ​ຕັນ​ໃນ​ຍຸກ​ຂອງ​ປະທານາທິບໍດີ ບາຣັກ ​ໂອ​ບາ​ມາ ​ໂດຍ​ຜູ້ນຳຣັດ​ເຊຍ​ກ່າວ​ວ່າ: ກໍລະນີ​ທີ່​ອາ​ເມ​ລິ​ກາ ​ແລະ ຣັດ​ເຊຍ​ສາມາດ​ບັນລຸ​ຂໍ້​ຕົກລົງ​ຢຸດ​ຍິງ​ໃນ​ພາກ​ຕາ​ເວັນ​ຕົກ​ຂອງ​ຊີຣີ ຖື​ເປັນ​ສັນຍານ​ເລີ່​ມຕົ້ນທີ່​ດີ.

error: Content is protected !!