ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME

ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - 031401 2021 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME
ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - Untitled design - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME

ປີກາຍນີ້ຫລາຍບໍລິສັດຕ້ອງພະເຊີນກັບການປັບໂຕຄັ້ງໃຫຍ່ ໂດຍການປັບປ່ຽນການເຮັດວຽກມາເປັນ Remote Work ຫລື Work from Home, ແຕ່ສຳລັບປີນີ້ ເບິ່ງຄືວ່າຫລາຍບໍລິສັດຈະຮັບມືກັບການໃຫ້ພະນັກງານເຮັດວຽກຢູ່ເຮືອນໄດ້ຢ່າງມີປະສົບການຫລາຍຂຶ້ນ ເມື່ອສະຖານະການໂຄວິດ – 19 ທີ່ເບິ່ງຄືວ່າຍັງຈະບໍ່ສິ້ນສຸດລົງງ່າຍໆ. ແນວໃດກໍຕາມ, ຕ້ອງຍອມຮັບວ່າເຕັກໂນໂລຊີທີ່ມີຢູ່ໃນປັດຈຸບັນມັນເອື້ອອຳນວຍຕໍ່ການເຮັດວຽກແບບ Work from Home ຫລາຍຂຶ້ນ ເຖິງວ່າຈະຢູ່ກັນຄົນລະບ່ອນ ແຕ່ຍັງຄົງຕິດຕໍ່ສື່ສານຜ່ານຊ່ອງທາງຕ່າງໆໄດ້ຢ່າງໄຮ້ຂີດຈຳກັດ ບໍ່ວ່າຈະເປັນການປະຊຸມກັນແບບວີດີໂອຄໍ ຫລື ການສົນທະນາສື່ສານຜ່ານແອັບຕ່າງໆ ຂໍພຽງແຕ່ມີອິນເຕີເນັດເຊື່ອມຕໍ່ກໍສາມາດເຮັດວຽກໄດ້ຄ່ອງແຄ້ວແລ້ວ.

ເຖິງວ່າມີບາງພາກສ່ວນທີ່ເບິ່ງວ່າການປ່ອຍໃຫ້ພະນັກງານເຮັດວຽກຢູ່ເຮືອນອາດສົ່ງຜົນຕໍ່ປະສິດທິພາບການເຮັດວຽກໄດ້, ແຕ່ເຊື່ອຫລືບໍ່ວ່າ ມີລາຍງານຈາກຜົນການສຶກສາຫລາຍເທື່ອສະແດງໃຫ້ເຫັນເຖິງຂໍ້ດີຂອງການ Work from Home ໂດຍເວັບໄຊການເງິນຊື່ດັງ Forbes ໄດ້ລວບລວມຂໍ້ມູນການວິໄຈກ່ຽວກັບຫົວຂໍ້ “ການເຮັດວຽກທາງໄກ” (Telework) ຫລື ການເຮັດວຽກຢູ່ເຮືອນ ຈາກອົງກອນຊັ້ນນຳຫລາຍແຫ່ງ ເຊິ່ງລວມເຖິງບໍລິສັດຈັດລຳດັບຊື່ດັງ Gallup, ອົງກອນທີ່ປຶກສາດ້ານການວິໄຈ Global Workplace Analytics ລວມເຖິງມະຫາວິທະຍາໄລຊັ້ນນຳ Harvard University ແລະ Stanford University ນຳອີກ.

ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - 011401 2021 300x180 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME

ຈາກຂໍ້ມູນດັ່ງກ່າວໄດ້ຮັບການພິສູດອອກມາເປັນໂຕເລກແລ້ວວ່າ ການທີ່ອົງກອນ ຫລື ບໍລິສັດໃດມີການເຮັດວຽກທີ່ໂຍະຍານກັບພະນັກງານ (ໃນກໍລະນີນີ້ໝາຍເຖິງການອະນຸຍາດໃຫ້ພະນັກງານເຮັດວຽກຢູ່ເຮືອນ ຫລື ເຮັດວຽກນອກສະຖານທີ່ໄດ້) ຈະສົ່ງຜົນດີຕໍ່ບໍລິສັດໃນ 5 ຫົວຂໍ້ດ້ວຍກັນ ດັ່ງນີ້ :

ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - Wave100S AD to Website 2020 0 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME
  1. ປະສິດທິພາບໃນການເຮັດວຽກ : ພະນັກງານທີ່ໄດ້ເຮັດວຽກຢູ່ເຮືອນ ຫລື ເຮັດວຽກນອກສະຖານທີ່ ຈະເຮັດວຽກໄດ້ຢ່າງມີປະສິດທິພາບກ່ວາພະນັກງານທີ່ເຮັດວຽກຢູ່ໃນຫ້ອງການ ໂດຍສະເລ່ຍຫລາຍກ່ວາ 35 – 40 % ແລະ ຍັງພົບວ່າສາມາດເພີ່ມຜົນຜະລິດໃນການເຮັດວຽກໄດ້ຈາກແຕ່ກ່ອນຢ່າງໜ້ອຍ 4,4%.
  2. ຄຸນນະພາບໃນການເຮັດວຽກ : ເມື່ອພະນັກງານບໍ່ຈຳເປັນຕ້ອງເດີນທາງມາເຮັດວຽກຢູ່ຫ້ອງການ, ບໍ່ມີຂໍ້ຈຳກັດໃນເລື່ອງສະຖານທີ່ເຮັດວຽກ ພົບວ່າ ຄວາມໂຍະຍານດັ່ງກ່າວສົ່ງຜົນໃຫ້ພວກເຂົາສ້າງຜົນງານໄດ້ດີຍິ່ງຂຶ້ນ ໂດຍພົບວ່າ ມີຄວາມຜິດພາດຈາກຄຸນນະພາບໃນການເຮັດວຽກຫລຸດໜ້ອຍລົງ 40%.
  3. ການມີສ່ວນຮ່ວມໃນການເຮັດວຽກ : ການໃຫ້ພະນັກງານໄດ້ເຮັດວຽກຢູ່ເຮືອນ ສົ່ງຜົນໃນດ້ານບວກທັງຜົນຜະລິດໃນການເຮັດວຽກຄື ໄດ້ວຽກໃນປະລິມານທີ່ຫລາຍຂຶ້ນ ແລະ ປະສິດທິພາບໃນການເຮັດວຽກທີ່ດີຂຶ້ນ ນັ້ນໝາຍຄວາມວ່າການມີສ່ວນຮ່ວມໃນການເຮັດວຽກຂອງພະນັກງານກໍຈະຫລາຍຂຶ້ນໄປນຳ ລວມເຖິງຜົນໃນການຂໍລາພັກວຽກ ຫລື ຂໍລາຢຸດໜ້ອຍລົງຈາກແຕ່ກ່ອນ 41%.
  4. ການຮັກສາພະນັກງານໄວ້ກັບອົງກອນ : ມີພະນັກງານເຖິງ 54% ທີ່ລະບຸວ່າ ພວກເຂົາຄິດຈະປ່ຽນວຽກ ຫລື ຊອກວຽກໃໝ່ທີ່ມີຄວາມໂຍະຍານໃນການເຮັດວຽກ, ແຕ່ການທີ່ບໍລິສັດອະນຸຍາດໃຫ້ເຮັດວຽກຢູ່ເຮືອນ ຫລື ເຮັດວຽກນອກສະຖານທີ່ໄດ້ ສົ່ງຜົນໃຫ້ອັດຕາການລາອອກຂອງພະນັກງານບໍລິສັດຫລຸດໜ້ອຍລົງເຖິງ 12%.

ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - 041401 2021 300x200 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME

5. ຄວາມສາມາດໃນການເຮັດຜົນກຳໄລ : ຈາກການທີ່ບໍລິສັດໃຫ້ພະນັກງານເຮັດວຽກຢູ່ເຮືອນ ຫລື ເຮັດວຽກນອກສະຖານທີ່ໄດ້ ສົ່ງຜົນດີຕໍ່ອົງກອນໃນເລື່ອງຄ່າໃຊ້ຈ່າຍຄືກັນ ເມື່ອພົບວ່າສາມາດປະຢັດລາຍຈ່າຍໃນຫ້ອງການລົງໄດ້ສະເລ່ຍປີລະ 11.000 ໂດລາສະຫະລັດ ຫລື ສາມາດສ້າງຜົນກຳໄລໄດ້ຂຶ້ນຕື່ມຈາກແຕ່ກ່ອນເຖິງ 21%.

ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - WhatsApp Image 2020 05 27 at 5 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME
ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME - WhatsApp Image 2020 05 27 at 5 - ອົງກອນໄດ້ປະໂຫຍດຫຍັງເມື່ອພະນັກງານເຮັດວຽກຢູ່ເຮືອນ WORK FROM HOME
error: Alert: ເນື້ອຫາຂ່າວມີລິຂະສິດ !!