9 ວິທີແກ້ເມົາຄ້າງ

9 ວິທີແກ້ເມົາຄ້າງ - 021301 2021 - 9 ວິທີແກ້ເມົາຄ້າງ
9 ວິທີແກ້ເມົາຄ້າງ - Untitled design - 9 ວິທີແກ້ເມົາຄ້າງ

9 ວິທີແກ້ເມົາຄ້າງ - 031301 2021 300x167 - 9 ວິທີແກ້ເມົາຄ້າງ

  1. ເຄື່ອງດື່ມວິຕາມິນ : ເຄື່ອງດື່ມແບບນີ້ສາມາດຫາຊື້ໄດ້ຕາມຮ້ານຄ້າ ຫລື ຮ້ານຂາຍຢາທົ່ວໄປ, ມື້ໃດຮູ້ໂຕວ່າຕ້ອງໄປອອກງານກິນລ້ຽງສັງສັນ ແລະ ຕ້ອງດື່ມເຄື່ອງດື່ມມຶນເມົາຫລາຍແນ່ນອນ ຄວນຫາກຽມໄວ້ ເນື່ອງຈາກເຄື່ອງດື່ມນີ້ຈະປະກອບໄປດ້ວຍວິຕາມິນ B ແລະ ວິຕາມິນ C ຊ່ວຍຫລຸດອາການເມົາຄ້າງ ແລະ ອາການເຈັບຫົວໄດ້. ນອກຈາກນີ້, ສິ່ງທີ່ຄວນເຮັດແມ່ນດື່ມນຳ້ບໍລິສຸດຄຽງຄູ່ກັນໄປນຳ ເພາະຫລັງຈາກດື່ມອານກໍຮໍຫລາຍ ຮ່າງກາຍມີໂອກາດສູນເສຍນຳ້ອອກໄປຫລາຍ.
  2. ນຳ້ໝາກສ້ຽງສົດ, ໄຂ່ຕົ້ມ, ເຂົ້າຈີ່ ແລະ ເຂົ້າໜົມປັງ : ນຳ້ໝາກກ້ຽງເປັນເຄື່ອງດື່ມແກ້ອາການເມົາຄ້າງທີ່ໄດ້ຮັບຄວາມນິຍົມມາດົນແລ້ວ ເພາະວິຕາມິນ C ຫລຸດອາການວິນຫົວໄດ້ ແລະ ຍັງມີນຳ້ຊ່ວຍຊົດເຊີຍອາການຂາດນຳ້ຫລັງການດື່ມອານກໍຮໍຫລາຍ. ສ່ວນໄຂ່ຕົ້ມມີໂປຣຕິນເຮັດໜ້າທີ່ຈັບສານພິດໃນຮ່າງກາຍ. ສ່ວນເຂົ້າຈີ່ ແລະ ເຂົ້າໜົມປັງຈະຊ່ວຍດູດສານພິດ ປ້ອງກັນອາການປວດຮາກໄດ້ເປັນຢ່າງດີ.
  3. ຢາຫລຸດກົດປັບຄວາມດຸ່ນດ່ຽງ : ຫາກຮູ້ສຶກແສບທ້ອງຢ່າງຮຸນແຮງຫລັງດື່ມອານກໍຮໍຫລາຍ ກໍບໍ່ຕ້ອງແປກໃຈ ເພາະອານກໍຮໍມີລິດເປັນກົດ ຈຶ່ງເຂົ້າໄປກັດກະເພາະ. ຢາຫລຸດກົດທີ່ປະກອບດ້ວຍໂຊດຽມໄບຄາບໍເນດ ຈະຊ່ວຍຄາຍຄວາມເປັນກົດ ຄືນຄວາມດຸ່ນດ່ຽງໃຫ້ແກ່ຮ່າງກາຍ ແລະ ຫລຸດຄວາມເຈັບປວດລົງໄດ້ ທັງນີ້ຄວນດື່ມນຳ້ບໍລິສຸດຄຽງຄູ່ໄປນຳ ເພາະຈະຊ່ວຍຫລຸດກົດໃນກະເພາະອາຫານໄດ້ອີກທາງໜຶ່ງ.
  4. ກາເຟປຸກໆຈັກຈອກ : ກາເຟເປັນສູດແກ້ອາການເມົາຄ້າງທີ່ໄດ້ຮັບຄວາມນິຍົມຈາກນັກດື່ມທົ່ວໂລກ ສິ່ງທີ່ຊ່ວຍແກ້ອາການເມົາຄ້າງແມ່ນຄວາມຂົມ. ດັ່ງນັ້ນ, ແທນການດື່ມກາເຟໃສ່ນົມຈອກໃຫຍ່ທີ່ບໍ່ຂົມເລີຍ ຄວນປ່ຽນມາເປັນເອສເປຣສໂຊ່ຈອກນ້ອຍຈັກຈອກແທນ ເພາະກາເຟອີນໃນກາເຟຊ່ວຍເພີ່ມຄວາມດັນໃນກະແສເລືອດ ເຮັດໃຫ້ອານກໍຮໍອອກຈາກສະແສເລືອດໄດ້ໄວຂຶ້ນ ແລະ ຍັງກະຕຸ້ນໃຫ້ຟື້ນຈາກອາການມຶນຫົວ ແລະ ເຈັບຫົວໄດ້ນຳອີກ. ແນວໃດກໍຕາມ, ບໍ່ຄວນດື່ມໃນປະລິມານທີ່ຫລາຍຈົນເກີນໄປ.
  5. ເກືອແຮ່ແກ້ກະຫາຍ : ຫລັງຈາກການດື່ມອານກໍຮໍຢ່າງໜັກໜ່ວງ ເຮົາມັກຈະບໍ່ຮູ້ສຶກວ່າຮ່າງກາຍສູນເສຍນຳ້ໄປຫລາຍ ເພາະອານກໍຮໍເຮັດໃຫ້ຮູ້ສຶກແບບນັ້ນ, ແຕ່ການທີ່ຮ່າງກາຍຕ້ອງໄລ່ອານກໍຮໍອອກໄປກໍຕ້ອງໃຊ້ນຳ້ຈຳນວນຫລາຍກ່ວາທີ່ໄດ້ຮັບເຂົ້າໄປ ເຮັດໃຫ້ຮ່າງກາຍຂາດນຳ້ແນ່ນອນ ເກືອແຮ່ຊະນິດລະລາຍນຳ້ ຫລື ໂອລາລິດ ທີ່ມີຂາຍຕາມຮ້ານຂາຍຢາຈະຊ່ວຍຟື້ນຟູອາການຂາດນຳ້, ແຕ່ຄວນດື່ມເທື່ອລະໜ້ອຍ ດື່ມໝົດມື້ ເພື່ອຕື່ມນຳ້ໃຫ້ຮ່າງກາຍຢ່າງສະໝໍ່າສະເໝີ ແລະ ເຮັດໃຫ້ລະບົບຕ່າງໆໃນຮ່າງກາຍເຮັດວຽກໄດ້ດີຂຶ້ນ.
  6. ຢາແກ້ປວດ : ເມື່ອເກີດອາການເມົາຄ້າງ ຄົນສ່ວນຫລາຍມັກຈະເຈັບຫົວ ທາງແກ້ທີ່ວ່ອງໄວທັນໃຈແມ່ນຫາຢາແກ້ປວດມາກິນ ເຊັ່ນ : ຫລັງຈາກດື່ມສັງສັນຮຽບຮ້ອຍແລ້ວກໍກິນຢາແກ້ປວດຈັກເມັດດັກໄວ້ ກ່ອນທີ່ຈະເຈັບຫົວໃນມື້ຕໍ່ມາ ແລ້ວນອນພັກຜ່ອນກໍຈະຊ່ວຍໄດ້ຫລາຍ, ແຕ່ຢ່າກິນເກີນຂະໜາດເດັດຂາດ ເພາະເປັນອັນຕະລາຍເຖີງຊີວິດໄດ້ເລີຍ.
  7. ອອກກຳລັງກາຍໄລ່ອານກໍຮໍ : ບໍ່ໄດ້ໝາຍເຖິງການເຂົ້າສູນອອກກຳລັງກາຍແບບເຕັມສູດ ພຽງແຕ່ແລ່ນຈັກໜ້ອຍ, ວິດພື້ນຈັກໜ້ອຍ ໃຫ້ເຫື່ອອອກແດ່ກໍພໍ ເພາະເຫື່ອຈະໄລ່ອານກໍຮໍອອກມາ ຈາກນັ້ນຊົດເຊີຍເຫື່ອທີ່ເສຍໄປດ້ວຍເກືອແຮ່ທີ່ບໍ່ມີນຳ້ຕານ ເພື່ອຄືນຄວາມສົດຊື່ນໃຫ້ແກ່ຮ່າງກາຍ.
  8. ນຳ້ຂີງ : ເຄື່ອງດື່ມທີ່ຊ່ວຍເລື່ອງລະບົບການຫາຍໃຈ ໂດຍປົກກະຕິເມື່ອເຮົາກິນຂອງເຜັດຮ້ອນຈະຊ່ວຍໃຫ້ດັງ ແລະ ຫລອດລົມໂລ່ງສະບາຍ ນອກຈາກລະບົບຫາຍໃຈ ນຳ້ຂີງອຸ່ນໆຍັງຊ່ວຍໃຫ້ຟື້ນຈາກອາການເຈັບຫົວ ແລະ ຊ່ວຍໃນເລື່ອງຂອງລະບົບຂັບຖ່າຍໃຫ້ໄລ່ເອົາອານກໍຮໍອອກມາໄດ້ດີຂຶ້ນ.
  9. ໝາກກ້ວຍຫອມ : ທີ່ສຸດອາຫານທີ່ຊະນິດໜຶ່ງຂອງນັກດື່ມ ເພາະຊ່ວຍໃຫ້ຟື້ນຈາກອາການເມົາຄ້າງໄດ້ຜົນດີ ເນື່ອງຈາກໂປຕັສຊຽມທີ່ຢູ່ໃນໝາກກ້ວຍຫອມຊ່ວຍປ້ອງກັນອາການຂາດນຳ້ ແລະ ຊ່ວຍເຄືອບກະເພາະໄປໃນໂຕ ເຮັດໃຫ້ຮ່າງກາຍດູດຊຶມອານກໍຮໍໜ້ອຍລົງ ແລະ ໄລ່ອອກໄດ້ໄວຂຶ້ນ.

9 ວິທີແກ້ເມົາຄ້າງ - 011301 2021 300x180 - 9 ວິທີແກ້ເມົາຄ້າງ

9 ວິທີແກ້ເມົາຄ້າງ - Wave100S AD to Website 2020 0 - 9 ວິທີແກ້ເມົາຄ້າງ
9 ວິທີແກ້ເມົາຄ້າງ - WhatsApp Image 2020 05 27 at 5 - 9 ວິທີແກ້ເມົາຄ້າງ
9 ວິທີແກ້ເມົາຄ້າງ - WhatsApp Image 2020 05 27 at 5 - 9 ວິທີແກ້ເມົາຄ້າງ
error: Alert: ເນື້ອຫາຂ່າວມີລິຂະສິດ !!