5 ເຕັກນິກບອກລາສະມາທິສັ້ນ

5 ເຕັກນິກບອກລາສະມາທິສັ້ນ - 051301 2021 - 5 ເຕັກນິກບອກລາສະມາທິສັ້ນ
5 ເຕັກນິກບອກລາສະມາທິສັ້ນ - Untitled design - 5 ເຕັກນິກບອກລາສະມາທິສັ້ນ

 

5 ເຕັກນິກບອກລາສະມາທິສັ້ນ - Wave100S AD to Website 2020 0 - 5 ເຕັກນິກບອກລາສະມາທິສັ້ນ
  1. ຝຶກພື້ນຖານການຜ່ອນຄາຍ : ຈະເຮັດໃຫ້ຮ່າງກາຍສະຫງົບໄດ້ ທ່ານຕ້ອງເລີ່ມຈາກການສະຫງົບຈິດໃຈໂດຍສັ່ງໃຫ້ຕົນເອງຜ່ອນຄາຍ, ຂັດຂວາງຄວາມຄິດບໍ່ໃຫ້ແລ່ນໄປແລ່ນມາ, ຄິດຫຍັງຢູ່ຄ່ອຍໆຈົດຈໍ່ລົງໄປໃນຄວາມຄິດຕ່າງໆ ແລ້ວຈຶ່ງເລີ່ມຫາຍໃຈໃຫ້ເລິກຂຶ້ນ, ສັງເກດຕົນເອງອີກຮອບ ຫາກມີພາກສ່ວນໃດທີ່ປວດເຄັ່ງແລ້ວໃຫ້ຄ່ອຍໆຜ່ອນຄາຍພາກສ່ວນນັ້ນ. ຫລັງຈາກນັ້ນໃຫ້ນຶກຈິນຕະນາການພາບທີ່ເບິ່ງແລ້ວຮູ້ສຶກສະບາຍໃຈ, ທ່ອງຊຳ້ໆວ່າ “ຂ້ອຍຮູ້ສຶກຜ່ອນຄາຍ” ພ້ອມກັບຜ່ອນຄາຍພາກສ່ວນຕ່າງໆຂອງຮ່າງກາຍ.
  2. ປັບຄວາມກະວົນກະວາຍໂດຍການເພີ່ມເປົ້າໝາຍ : ຈິດໃຈຂອງມະນຸດປຽບດັ່ງເຄື່ອງຈັກສະແຫວງຫາ ແລະ ຖືກຊຸກຍູ້ດ້ວຍເປົ້າໝາຍ ແລະ ຈຸດປະສົງ ທັນທີທີ່ຈຸດປະສົງຢ່າງໜຶ່ງປະກົດຈະແຈ້ງ ທ່ານຈະບໍ່ສັບສົນ ບໍ່ກະວົນກະວາຍ, ພະລັງທຸກຮູບແບບ ເຊັ່ນ : ແຮງກະຕຸ້ນ ແລະ ຄວາມຫ້າວຫັນຈະຊ່ວຍຊຸກຍູ້ໃຫ້ທ່ານຫັນໄປຈົດຈໍ່ກັບເປົ້າໝາຍນັ້ນແທນ ແລະ ເມື່ອເປົ້າໝາຍຈະແຈ້ງກໍຈະເຮັດໃຫ້ທ່ານເກີດສະມາທິໃນການເຮັດສິ່ງນັ້ນຂຶ້ນຢ່າງອັດຕະໂນມັດ ເຊັ່ນ : ຕອນຮຽນມັດທະຍົມເຮົາຈະມ່ວນກັບການໄປທ່ຽງຫລິ້ນທຸກໆມື້, ແຕ່ເມື່ອເຮົາຕັ້ງເປົ້າໝາຍວ່າຈະຕ້ອງສອບເສັງເຂົ້າຮຽນມະຫາວິທະຍາໄລໃຫ້ໄດ້ ເຮົາຈະດຸໝັ່ນ ແລະ ຢາກອ່ານໜັງສືກຽມສອບເສັງເອງ ໂດຍບໍ່ຕ້ອງມີໃຜມາບັງຄັບ. ດັ່ງນັ້ນ, ເມື່ອຮູ້ສຶກເສຍສະມາທິ ຂໍໃຫ້ນຶກເຖິງເປົ້າໝາຍໃຫ້ຈະແຈ້ງເພື່ອປັບກົນໄກຈິດໃຕ້ສຳນຶກໃຫ້ສອດຄ່ອງກັບສິ່ງທີ່ປາຖະໜາ.
  3. To-do List ທີ່ບໍ່ໄດ້ແຕ່ເຮັດລາຍການຢູ່ໃນຫົວ : ການຈັດລາຍການ ຫລື ເຊັກລິສ ສິ່ງທີ່ຕ້ອງເຮັດໃນແຕ່ລະມື້ເປັນສິ່ງທີ່ທຸກຄົນຮູ້ ແຕ່ບໍ່ຄ່ອຍມີໃຜເຮັດ ທຸກຄົນຈະບອກຄ້າຍໆກັນວ່າ “ຂ້ອຍຮູ້ຢູ່ແລ້ວວ່າມີວຽກຫລວງຫລາຍລໍຖ້າຂ້ອຍຢູ່” ແຕ່ເວລາທີ່ວຽກໂຮມເຂົ້າມາພ້ອມກັນຈະເຮັດໃຫ້ເຮົາເສຍສະມາທິ, ສັບສົນ, ບໍ່ສາມາດຈົດຈໍ່ກັບສິ່ງທີ່ເຮັດຢູ່ໄດ້ແທ້ໆ ຈົນເຮັດໃຫ້ວຽກແຕ່ລະຢ່າງດຳເນີນໄປຊ້າ ແລະ ດ້ອຍປະສິດທິພາບ ເພາະໃນຫົວກໍເມົາແຕ່ຄິດເຖິງພາລະກິດອື່ນໆທີ່ຕ້ອງເຮັດຕໍ່ໄປ ຫລື ພາລະກິດທີ່ຍັງຄ້າງຄາຢູ່. ວິທີແກ້ບັນຫານີ້ກໍຄື ການຂຽນທຸກຢ່າງອອກມາເປັນລາຍການທີ່ຕ້ອງເຮັດ ຫລື To-do List ໂດຍຈັດລຽງລຳດັບສິ່ງທີ່ຕ້ອງເຮັດໃນມື້ນັ້ນ ເຊິ່ງຈະເຮັດໃຫ້ເຫັນພາບລວມຂອງວຽກທັງໝົດໄດ້ງ່າຍ ແລະ ຈະແຈ້ງຍິ່ງຂຶ້ນ ໂດຍເຮົາຕ້ອງໝັ່ນເບິ່ງລາຍການທີ່ຈົດໄວ້ເລື້ອຍໆ ເພື່ອຍຳ້ເຕືອນຕົນເອງວ່າມີສິ່ງໃດທີ່ເຮັດແລ້ວ, ຍັງບໍ່ທັນເຮັດ ຫລື ເຮັດຄ້າງໄວ້ຢູ່ຫລືບໍ່, ໃຫ້ຂີດຂ້າລາຍການທີ່ເຮັດແລ້ວອອກ, ເພີ່ມຕື່ມວຽກໃໝ່ໆທີ່ນຶກຂຶ້ນໄດ້ ແລະ ຄວນບັນທຶກລວມທຸກຢ່າງໄວ້ໃນບ່ອນດຽວກັນ.
  4. ເພີ່ມຄວາມສ້າງສັນດ້ວຍພະລັງ Deadline : ນະໂປລຽນ ຮິລ ຜູ້ຂຽນໜັງສື Think and Grow Rich ກ່າວວ່າ : “ນິໄສມັກເລື່ອນມື້ເລື່ອນວັນແມ່ນນິໄສບໍ່ດີທີ່ມັກເລື່ອນສິ່ງທີ່ຄວນເຮັດໃນມື້ກ່ອນເອົາໄປໄວ້ເຮັດໃນມື້ຮື” ຫລາຍເທື່ອແຮງຊຸກຍູ້ມັກເລີ່ມເຮັດວຽກເມື່ອໃກ້ຮອດກຳນົດສົ່ງວຽກ ຫລື (deadline) ແລະ ຍັງຄົງບໍ່ມີຫຍັງປຸກສະມາທິໄດ້ເທົ່າກັບການພະເຊີນໜ້າກັບ (deadline) ອີກແລ້ວ. ດັ່ງນັ້ນ, ເຮົາຈຶ່ງຄວນໃຊ້ປະໂຫຍດຈາກບ່ອນນີ້ມາສ້າງ “ຂອບເຂດເວລາ” ໃຫ້ແກ່ວຽກຕ່າງໆ. ການວາງແຜນກອບເວລາ ຫລື Timeboxing ແມ່ນການວາງແຜນໂດຍກຳນົດເວລາໃນການເຮັດວຽກແຕ່ລະອັນເອົາໄວ້ໃຫ້ແນ່ນອນ ເຊັ່ນ : ກຳນົດ 2 ຊົ່ວໂມງໃນການທົບທວນບົດຮຽນຕາມທີ່ອາຈານບອກ ຫລື ກຳນົດວ່າທຸກໆວັນເສົາຈະຕ້ອງຂຽນນິຍາຍໃຫ້ໄດ້ 5.000 ຄຳ ເປັນຕົ້ນ. ການວາງແຜນຂອບເວລາເປັນເຕັກນິກທີ່ໄດ້ຜົນດີ ເພາະຊ່ວຍໃຫ້ເຮົາປ່ຽນຄວາມຈົດຈໍ່ຈາກກິດຈະກຳໄປເປັນເວລາ, ກະຕຸ້ນໃຫ້ໂຕເອງຮູ້ສຶກຕື່ນໂຕ,​ ແຕ່ກໍຕ້ອງຢ່າລືມທີ່ຈະກຳນົດຂອບເວລາໃຫ້ສົມເຫດສົມຜົນກັບວຽກທີ່ເຮັດ ບໍ່ດັ່ງນັ້ນກໍຈະບໍ່ເກີດປະໂຫຍດ.
  5. ຄິດຈະພັກ ໃຫ້ພັກ : ການເຮັດວຽກຕິດຕໍ່ກັນຫລາຍໆຊົ່ວໂມງເປັນສິ່ງທີ່ທຳລາຍພະລັງ, ແຮງຊຸກຍູ້, ແຮງຈູງໃຈ ແລະ ທຳລາຍສະມາທິ ເຮັດໃຫ້ມີໂອກາດທີ່ຈະເກີດຂໍ້ຜິດພາດ ຫລື ຖືເບົາບາງຢ່າງໄປ. ດັ່ງນັ້ນ, ການຖອຍຫ່າງຈາກວຽກ ຫລື ກິດຈະກຳຈັກຢ່າງໃຫ້ຮ່າງກາຍ ແລະ ຈິດໃຈໄດ້ພັກຜ່ອນຕາມເວລາທີ່ເໝາະສົມ ຈະເຮັດໃຫ້ເຮົາສາມາດກັບມາເຮັດວຽກອີກຄັ້ງໄດ້ເຕັມສະມັດຕະພາບ ເຊິ່ງການຢຸດພັກໝາຍເຖິງເຮົາຈະເຮັດຫຍັງກໍໄດ້ ຍົກເວັ້ນວຽກທີ່ເຮັດຢູ່, ສາມາດອອກໄປຊົງກາເຟດື່ມ, ໄປຫລິ້ນກັບໝາ ຫລື ແມ່ນແຕ່ການເຊືອບຫລັບກໍຖືວ່າເປັນການຢຸດພັກເຊັ່ນດຽວກັນ.
5 ເຕັກນິກບອກລາສະມາທິສັ້ນ - WhatsApp Image 2020 05 27 at 5 - 5 ເຕັກນິກບອກລາສະມາທິສັ້ນ
5 ເຕັກນິກບອກລາສະມາທິສັ້ນ - WhatsApp Image 2020 05 27 at 5 - 5 ເຕັກນິກບອກລາສະມາທິສັ້ນ
error: Alert: ເນື້ອຫາຂ່າວມີລິຂະສິດ !!