ສະຫະລັດອາເມລິກາ ສະໜັບສະໜູນທຶນ 7 ລ້ານໂດລາສະຫະລັດ ແກ້ໄຂບັນຫາລະເບີດບໍ່ທັນແຕກ ຢູ່ແຂວງຊຽງຂວາງ

- US Funding Ceremony 1 - ສະຫະລັດອາເມລິກາ ສະໜັບສະໜູນທຶນ 7 ລ້ານໂດລາສະຫະລັດ ແກ້ໄຂບັນຫາລະເບີດບໍ່ທັນແຕກ ຢູ່ແຂວງຊຽງຂວາງ
- Untitled design - ສະຫະລັດອາເມລິກາ ສະໜັບສະໜູນທຶນ 7 ລ້ານໂດລາສະຫະລັດ ແກ້ໄຂບັນຫາລະເບີດບໍ່ທັນແຕກ ຢູ່ແຂວງຊຽງຂວາງ

ໃນວັນທີ 8 ກຸມພານີ້, ລັດຖະບານສະຫະລັດອາເມລິກາ ໄດ້ສະໜັບສະໜູນທຶນໂຄງການເພີ່ມເຕີມ ໄລຍະເວລາ 20 ເດືອນ, ໃນມູນຄ່າ 7.000.000 ໂດລາສະຫະລັດ ໃຫ້ເແກ່ອົງການເກັບກູ້ລະເບີິດ ແມັກ ເພື່ອດຳເນີນການກວດກູ້ລະເບີດບໍ່ທັນແຕກ ທີ່ຕົກຄ້າງ ແລະ ການໂຄສະນາສຶກສາຄວາມສ່ຽງໄພຕໍ່ ລບຕ ຢູ່ໃນ 5 ເມືອງເປົ້າໝາຍ ຂອງແຂວງຊຽງຂວາງຄື: ເມືອງຄູນ, ເມືອງຜາໄຊ, ເມືອງໜອງແຮດ, ເມືອງພູກູດ ແລະ ເມືອງແປກ. ເຊິ່ງພິທີໄດ້ຈັດຂຶ້ນຢູ່ແຂວງຊຽງຂວາງ. ໂດຍການເຂົ້າຮ່ວມ ຂອງທ່ານ ປີເຕີ ເຮມ໋ອນ, ເອກອັກຄະລັດຖະທູດ ສະຫະລັດອາເມລິກາ ປະຈຳລາວ, ທ່ານ ສີວິໄລ ແສງຈະເລີນ, ຮອງເຈົ້າແຂວງຊຽງຂວາງ ທ່ານ ໂຈມແຍງ ແພງທອງສະຫວັດ, ຫົວໜ້າຫ້ອງການ ຄຊກລ ແລະ ທ່ານ ໄຊມອນ ເຣ, ຮັກສາການຫົວໜ້າອົງການເກັບກູ້ລະເບີດ ແມັກ ປະຈໍາລາວ.

ທ່ານ ໄຊມອນ ເຣ ໃຫ້ຮູ້ວ່າ: “ຕໍ່ກັບການສືບຕໍ່ສະໜັບສະໜູນ ຈາກລັດຖະບານສະຫະລັດອາເມລິກາ, ຈະຊ່ວຍໃຫ້ອົງການເກັບກູ້ລະເບີດ ແມັກ ສາມາດກວດກູ້ລະເບີດອອກຈາກພື້ນທີ່ດິນບູລິມະສິດ ຂອງແຂວງຊຽງຂວາງໄດ້ເປັນຈຳນວນຫລາຍ. ເຊິ່ງວຽກງານທີ່ຈຳເປັນນີ້ຈະຊ່ວຍໃນການກອບກູ້ ແລະ ເສີມສ້າງອະນາຄົດ ທີ່ປອດໄພໃຫ້ແກ່ພໍ່ແມ່ປະຊາຊົນບັນດາເຜົ່າທີ່ດໍາລົງຊີວິດຢູ່ໃນພື້ນທີ່ໆ ໄດ້ຮັບຜົນກະທົບຈາກລະເບີດບໍ່ທັນແຕກທີ່ຕົກຄ້າງ. ວຽກງານການກວດກູ້ລະເບີດອອກຈາກພື້ນທີ່ດິນນີ້ ຈະສາມາດຊ່ວຍປັບປຸງຊີວິດການເປັນຢູ່ ຂອງປະຊາຊົນບັນດາເຜົ່າ, ຊ່ວຍສົ່ງເສີມການຜະລິດທາງດ້ານກະສິກຳ ກໍຄືການຊ່ວຍໃຫ້ພວກເຂົາເຈົ້າສາມາດເຮັດໄຮ່ເຮັດນາ ຢູ່ໃນພື້ນທີ່ດິນຂອງເຂົາເຈົ້າປາສະຈາກ ຄວາມຢ້ານກົວຈາກລະເບີດ. ພ້ອມທັງເປັນການສະໜັບສະໜູນ ໃນການສ້າງພື້ນຖານໂຄງຮ່າງທີ່ສຳຄັນໃຫ້ແກ່ຊຸມຊົນເຊັ່ນ: ຖະໜົນຫົນທາງ, ສຸກສາລາ ແລະ ອື່ນໆ. ພ້ອມນັ້ນ, ປະຊາຊົນສາມາດສົ່ງລູກຫລານໄປໂຮງຮຽນ ໂດຍບໍ່ມີຄວາມກັງວົນວ່າ ເດັກນ້ອຍຈະພົບ ແລະ ຫລິ້ນລູກລະເບີດຢູ່ໃນບໍລິເວນເດີນໂຮງຮຽນຂອງເຂົາເຈົ້າ”

ໂອກາດນີ້, ທ່ານທູດ ປີເຕີ ເຮມ໋ອນ ໄດ້ມີຄຳເຫັນວວ່າ:  “ລັດຖະບານສະຫະລັດອາເມລິກາ ເຊິ່ງເປັນຜູ້ໃຫ້ທຶນ ທີ່ໃຫຍ່ທີ່ສຸດ ໃນຂະແໜງການແກ້ໄຂບັນຫາລະເບີດບໍ່ທັນແຕກ ທີ່ຕົກຄ້າງ ໄດ້ຮັບການຊູກຍູ້ໃນການສືບຕໍ່ໃຫ້ການສະໜັບສະໜູນ ໂດຍຂະບວນການເຮັດວຽກທີ່ດີ ຂອງອົງການເກັບກູ້ລະເບີດ ແມັກ ຢູ່ ແຂວງຊຽງຂວາງ. ພວກເຮົາ ຍັງຄົງມຸ່ງໝັ້ນໃນການຮ່ວມມືກັບ ສປປ ລາວ ເພື່ອບັນລຸເປົ້າໝາຍ ກໍຄືການຮັບປະກັນວ່າ ບັນຫາລະເບີດບໍ່ທັນແຕກ ທີ່ຕົກຄ້າງ ຈະບໍ່ເປັນອຸປະສັກກິດກັ້ນ ໃນການພັດທະນາປະເທດຊາດ ພາຍໃນປີ 2030”.

- Wave100S AD to Website 2020 0 - ສະຫະລັດອາເມລິກາ ສະໜັບສະໜູນທຶນ 7 ລ້ານໂດລາສະຫະລັດ ແກ້ໄຂບັນຫາລະເບີດບໍ່ທັນແຕກ ຢູ່ແຂວງຊຽງຂວາງ
- WhatsApp Image 2020 05 27 at 5 - ສະຫະລັດອາເມລິກາ ສະໜັບສະໜູນທຶນ 7 ລ້ານໂດລາສະຫະລັດ ແກ້ໄຂບັນຫາລະເບີດບໍ່ທັນແຕກ ຢູ່ແຂວງຊຽງຂວາງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!