ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

- dFQROr7oWzulq5FZUEh9yk3AcTxKEUtLhsYwFz64lfYnaDCBVbDaiEw9qpbiOZQZvo0 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ
- Untitled design - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

ກົມອຸຕຸນິຍົມ ແລະ ອຸທົກກະສາດ ລາຍງານໃຫ້ຮູ້ວ່າ: ໃນໄລຍະວັນທີ 8-9 ກຸມພານີ້ ຄວາມກົດດັນສູງຂອງອາກາດໜາວເຢັນຈະແຜ່ລົງມາປົກຄຸມຢູ່ທົ່ວ ທຸກພາກຂອງປະເທດລາວດ້ວຍກໍາລັງປານກາງ ຫາ ແຮງ, ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ. ຊຶ່ງຈະເຮັດໃຫ້ອາກາດເຢັນ ຫາ ໜາວເຢັນ ຢູ່ແຂວງພາກເໜືອ, ເຂດພູສູງ, ພູດອຍ, ແຂວງໄຊສົມບູນ ແລະ ເຂດພູພຽງ ບໍລິເວນ ແລະ ຈະມີຝົນຕົກຟ້າຮ້ອງຟ້າເຫລື້ອມ ພ້ອມມີລົມພັດແຮງເປັນບາງໂອກາດຢູ່ໃນແຕ່ລະພາກ ແລະ ຈະຕົກໃນລະດັບປານກາງ ຫາ ຕົກໜັກ ຢູ່ບາງທ້ອງຖິ່ນແຂວງພາກເໜືອ. ຫລັງຈາກນັ້ນໃນວັນທີ 10-14 ກຸມພາ ຄວາມ ກົດດັນສູງຂອງອາກາດໜາວເຢັນ ຍັງຈະສືບຕໍ່ປົກຄຸມຢູ່ທົ່ວທຸກພາກຂອງປະເທດລາວດ້ວຍກໍາລັງປານກາງ, ສົມທົບກັບກະແສລົມຕາເວັນອອກສ່ຽງເໜືອຍັງຈະສືບຕໍ່ພັດປົກຄຸມ, ຊຶ່ງຈະເຮັດໃຫ້ອາກາດຍັງຈະເຢັນ ຫາ ໜາວເຢັນ ຢູ່ ແຂວງພາກເໜືອ, ເຂດພູສູງ, ພູດອຍ, ແຂວງໄຊສົມບູນ ແລະ ເຂດພູພຽງບໍລິເວນ ພ້ອມມີໝອກຫນາປົກຫຸ້ມຢູ່ທົ່ວໄປ ໃນຕອນເຊົ້າ. ສ່ວນພາກກາງ ແລະ ພາກໃຕ້ ອາກາດເຢັນ ແລະ ລົມພັດແຮງເປັນບາງໂອກາດຢູ່ບາງທ້ອງຖິ່ນ.

- 1 1 207x300 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

ຄາດຄະເນສະພາບອາກາດໃນແຕ່ລະພາກຄື: ພາກເໜືອດ້ານຕາເວັນອອກ: ອາກາດໜາວເຢັນ ແລະ ຈະມີຝົນຕົກຟ້າຮ້ອງຟ້າເຫລື້ອມ ໃນລະດັບປານກາງ ຫາ ຕົກໜັກ ພ້ອມມີລົມພັດແຮງຢູ່ບາງທ້ອງຖິ່ນ ແຂວງ ຜົ້ງສາລີ, ຫົວພັນ ແລະ ຊຽງຂວາງ ໂດຍສະເພາະໄລຍະວັນທີ 8-9 ກຸມພາ ອຸນຫະພູມຕໍ່າສຸດ 8-12 ອົງສາ ແລະ ສູງສຸດ 20-24 ອົງສາ.

ພາກເໜືອດ້ານຕາເວັນຕົກ: ອາກາດເຢັນ ຫາ ໜາວເຢັນ ພ້ອມມີໝອກໜາປົກຫຸ້ມໃນຕອນກາງຄືນ ຫາ ຕອນເຊົ້າ ໂດຍສະເພາະຢູ່ເຂດພູດອຍ ແລະ ພູສູງ, ຈະມີຝົນຕົກຟ້າຮ້ອງຟ້າເຫລື້ອມ ໃນລະດັບປານກາງ ຫາ ຕົກໜັກ ພ້ອມມີ ລົມພັດແຮງຢູ່ບາງທ້ອງຖິ່ນ ແຂວງ ຫລວງນ້ຳທາ, ອຸດົມໄຊ, ບໍ່ແກ້ວ, ຫລວງພະບາງ ແລະ ໄຊຍະບູລີ ໂດຍສະເພາະ ໄລຍະວັນທີ 8-9 ກຸມພາ ອຸນຫະພູມຕໍ່າສຸດ 9–13 ອົງສາ ແລະ ສູງສຸດ 29-33 ອົງສາ.

- 2 1 207x300 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

ພາກກາງ: ອາກາດເຢັນ ແລະ ມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍ ຫາ ປານກາງຢູ່ເກືອບທົ່ວໄປ ໂດຍສະເພາະໃນໄລຍະວັນທີ 8 -9 ກຸມພາ  ອຸນຫະພູມຕ່ຳສຸດ 13–17 ອົງສາ ແລະ ສູງສຸດ 29–32 ອົງສາ.

ສະເພາະແຂວງໄຊສົມບູນ: ອາກາດໜາວເຢັນ ຫາ ໜາວເຢັນຫລາຍ ພ້ອມມີໝອກຫນາປົກຫຸ້ມຢູ່ທົ່ວໄປໃນຕອນເຊົ້າ ແລະ ຈະມີຝົນຕົກຟ້າຮ້ອງຟ້າເຫລື້ອມໃນລະດັບປານກາງ ອຸນຫະພູມຕ່ຳສຸດ 6-9 ອົງສາ ແລະ ສູງສຸດ 23 –25 ອົງສາ.

ພາກໃຕ້: ອາກາດເຢັນໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍຢູ່ບາງທ້ອງຖິ່ນອຸນຫະພູມຕ່ຳສຸດ 15-22 ອົງສາ ແລະ ສູງສຸດ 31 – 34 ອົງສາ.

- Wave100S AD to Website 2020 0 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

- 3 207x300 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ

ສະເພາະເຂດພູພຽງບໍລະເວນ: ອາກາດໜາວເຢັນ ແລະ ມີຕົກຟ້າຮ້ອງຟ້າເຫລື້ອມໃນລະດັບຄ່ອຍ ພ້ອມມີລົມພັດແຮງ ຢູ່ບາງບໍລິເວນ. ອຸນຫະພູມຕໍ່າສຸດ 7-9 ອົງສາ ແລະ ສູງສຸດ 21-23 ອົງສາ.

ນະຄອນຫລວງວຽງຈັນ: ອາກາດເຢັນໃນຕອນກາງຄືນ ຫາ ຕອນເຊົ້າ ແລະ ຈະມີຝົນຕົກຟ້າຮ້ອງຟ້າເຫລື້ອມໃນລະດັບຄ່ອຍພ້ອມມີລົມພັດແຮງເປັນບາງໂອກາດ ໂດຍສະເພາະໄລຍະວັນທີ 8-9 ກຸມພາ ອຸນຫະພູມຕໍ່າສຸດ 18- 20 ອົງສາ ແລະ ສູງສຸດ 30-32 ອົງສາ.

ຄໍາເຕືອນ: ໃນໄລຍະວັນທີ 8-9 ກຸມພາ ຄວາມກົດດັນສູງຂອງອາກາດໜາວເຢັນຈະແຜ່ລົງມາປົກຄຸມຢູ່ ທົ່ວທຸກພາກຂອງປະເທດລາວດ້ວຍກໍາລັງປານກາງ ຫາ ແຮງ ສົມທົບກັບກະແສລົມຕາເວັນອອກສ່ຽງເໜືອພັດປົກຄຸມ, ຊຶ່ງຈະເຮັດໃຫ້ມີຝົນຕົກຟ້າຮ້ອງຟ້າເຫລື້ອມ ພ້ອມມີລົມພັດແຮງເປັນບາງໂອກາດຢູ່ໃນແຕ່ລະພາກ ແລະ ຈະຕົກ ໃນລະດັບປານກາງ ຫາ ຕົກໜັກຢູ່ບາງທ້ອງຖິ່ນແຂວງພາກເໜືອ.

ດັ່ງນັ້ນ, ຈຶ່ງຂໍແຈ້ງເຕືອນເຖິງປະຊາຊົນ ແລະ ອົງການ ປົກຄອງທ້ອງຖິ່ນ ທຸກພາກສ່ວນທີ່ອາໄສຢູ່ແຂວງພາກເໜືອ ຈົ່ງມີສະຕິລະມັດລະວັງຕໍ່ສະພາບຝົນຕົກຟ້າຮ້ອງຟ້າເຫລື້ອມ ແລະ ລົມພັດແຮງທີ່ຈະເຮັດໃຫ້ຕົ້ນໄມ້ຫັກລົ້ມ ແລະ ເຮືອນຊານເປ່ເພ, ພ້ອມທັງໃຫ້ຕິດຕາມຂ່າວພະຍາກອນ ອາກາດຈາກກົມອຸຕຸນິຍົມ ແລະ ອຸທົກກະສາດ ເປັນປະຈໍາ.

 

- WhatsApp Image 2020 05 27 at 5 - ອຸຕຸເຕືອນ! ພາກເໜືອຈະມີຝົນຕົກໜັກ ປະຊາຊົນຈົ່ງພາກັນມີສະຕິລະມັດລະວັງ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!