ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້

ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - 264128 n - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້
ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - Untitled design - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້

ທ່ານ ຄໍາພັນ ສິດທິດໍາພາ ເຈົ້າແຂວງວຽງຈັນ ໃຫ້ສໍາພາດວ່າ: ຈະແກ້ໄຂບ້ານທຸກຍາກທົ່ວແຂວງທີ່ຍັງເຫລືອພຽງ 1 ບ້ານ ຄືບ້ານປາກແຜນ ຢູ່ເມືອງແມດໃຫ້ໄດ້ພາຍໃນປີ 2021 ນີ້, ຂະນະທີ່ຄອບຄົວທຸກຍາກຍັງເຫລືອ 692 ຄອບຄົວ ຈະແກ້ໄຂໃຫ້ໄດ້ໃນໄວໆນີ້. ສາເຫດທີ່ເຮັດໃຫ້ບ້ານປາກແຜນຍັງທຸກຍາກ ຍ້ອນພາຍໃນບ້ານຂາດນໍ້າໃຊ້ ເຊິ່ງອົງການປົກຄອງແຂວງມອບຄວາມຮັບຜິດຊອບໃຫ້ບັນດາຂະແໜງການກ່ຽວຂ້ອງລົງໄປແກ້ໄຂດ້ວຍການກໍ່ສ້າງນໍ້າບາດານພາຍໃນບ້ານ ແລ້ວມອບໃຫ້ບ້ານຄຸ້ມຄອງທັງໝົດ ຄາດວ່າຈະຊ່ວຍເຮັດໃຫ້ບ້ານປາກແຜນຫລຸດພົ້ນອອກຈາກບ້ານທຸກຍາກໄດ້ພາຍໃນປີ 2021, ສ່ວນຈໍານວນຄອບຄົວທຸກຍາກທີ່ຍັງເຫລືອເກີດຈາກຫລາຍສາເຫດ ເປັນຕົ້ນບາງຄອບຄົວບໍ່ມີເນື້ອທີ່ທໍາການຜະລິດ, ບາງຄອບຄົວມີເນື້ອທີ່ທຳການຜະລິດແຕ່ຂາດນໍ້າ, ບາງຄອບຄົວມີເນື້ອທີ່ທໍາການຜະລິດແຕ່ຂາດແຮງງານເຂົ້າໃນການຜະລິດ, ບາງຄອບຄົວບໍ່ຮູ້ທໍາການຜະລິດ ແລະ ອື່ນໆ ເຊິ່ງອົງການປົກຄອງແຂວງຈະສູ້ຊົນແກ້ໄຂໃຫ້ໄດ້ພາຍໃນ 5 ປີ ເຊິ່ງເປັນໄລຍະແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຜູ້ແທນອົງຄະນະພັກແຂວງວຽງຈັນ ຄັ້ງທີ VI ນັບແຕ່ປີ 2021-2025.

ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - 148038862 2730621590581718 5284350864868458561 o 300x200 - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້

ເຈົ້າແຂວງວຽງຈັນ ໃຫ້ຮູ້ຕື່ມວ່າ: ສໍາລັບມາດຕະການແກ້ໄຂຄອບຄົວທຸກຍາກທີ່ຍັງເຫລືອທັງໝົດຈະສຸມໃສ່ຈັດຕັ້ງປະຕິບັດຫລາຍມາດຕະການສໍາຄັນ ເປັນຕົ້ນສຸມໃສ່ການຫັນລົງກໍ່ສ້າງຮາກຖານ, ສ້າງພື້ນຖານໂຄງລ່າງ ສິ່ງອຳນວຍຄວາມສະດວກທີ່ຈຳເປັນ ເພື່ອກະຕຸກຊຸກຍູ້ການຜະລິດຂອງປະຊາຊົນຢູ່ຊົນນະບົດ; ສ້າງອາຊີບທີ່ເປັນມູນເຊື້ອຕາມທ່າແຮງຂອງແຕ່ລະເຂດ, ສ້າງຄວາມສະດວກໃຫ້ປະຊາຊົນສາມາດເຂົ້າເຖິງສິນເຊື່ອ, ຮູ້ນຳໃຊ້ເຕັກນິກວິຊາການ, ຈັດສັນປັດໄຈການຜະລິດທີ່ຈຳເປັນເຊັ່ນ: ການຈັດສັນທີ່ດິນໃຫ້ປະຊາຊົນ, ປັບປຸງສະຖານີບໍລິການເຕັກນິກກະສິກຳ; ຊຸກຍູ້ສົ່ງເສີມຜູ້ປະກອບການ, ຫົວໜ່ວຍທຸລະກິດທີ່ມີທ່າແຮງດ້ານທຶນຮອນ, ເຕັກນິກ, ການຕະຫຼາດໄປລົງທຶນຢູ່ເຂດຊົນນະບົດ ເພື່ອຍູ້ແຮງການຜະລິດເປັນສິນຄ້າ ແລະ ການບໍລິການຂອງປະຊາຊົນໃຫ້ເກີດມີຫຼາກຫຼາຍ ທັງຮູບແບບຄອບຄົວ, ແບບເປັນກຸ່ມ ແລະ ອື່ນໆ.

ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - Wave100S AD to Website 2020 0 - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້
ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - WhatsApp Image 2020 05 27 at 5 - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້
ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້ - WhatsApp Image 2020 05 27 at 5 - ແຂວງວຽງຈັນຈະແກ້ໄຂໜຶ່ງບ້ານທຸກຍາກໃຫ້ໄດ້ພາຍໃນປີນີ້
error: Alert: ເນື້ອຫາຂ່າວມີລິຂະສິດ !!