ວິທີຟື້ນຟູຜິວໜັງຖືກແດດໄໝ້

- AGL banner - ວິທີຟື້ນຟູຜິວໜັງຖືກແດດໄໝ້

- 2201 236x300 - ວິທີຟື້ນຟູຜິວໜັງຖືກແດດໄໝ້

ຍາມອາກາດຮ້ອນໆ ຫລາຍຄົນອາດຈົ່ມກ່ຽວກັບແດດທີ່ຮ້ອນຈົນໄໝ້ຜິວໜັງ ບາງຄົນຄິດວ່າຄຣີມກັນແດດອາດຈະຊ່ວຍປົກປ້ອງຜິວໄດ້ ຈຶ່ງເລືອກເອົາຄ່າ SPF  ສູງສຸດ ແຕ່ກໍຍັງປ້ອງກັນບໍ່ໄດ້ ເພາະມັນຮ້ອນຫລາຍ ແລະ ແສງ UVB  ຈາກແດດກໍເຮັດໃຫ້ເກີດຜິວໜັງໄໝ້ແດດ, ດຳຄ້ຳ ແລະ ບໍລິເວນທີ່ເກີດການໄໝ້ແດດສ່ວນຫລາຍມັກເປັນບ່ອນທີ່ເຮົາບໍ່ຢາກໃຫ້ເກີດເລີຍ ເຊັ່ນ : ໃບໜ້າ,​ ໜ້າຜາກ, ແກ້ມ, ດັງ ແລະ ງ່ອນ. ຕຸ່ມຜື່ນທີ່ເກີດຈາກແດດໄໝ້ຈະເປັນສີແດງ ມີອາການແສບອອກຮ້ອນໃນຕອນທຳອິດ, ຕໍ່ມາຈະເລີ່ມລອກເປັນເກັດສີຂາວ ແລະ ຜິວຈະປ່ຽນເປັນສີດຳຄ້ຳຢ່າງຈະແຈ້ງ.

ແຕ່ກ່ອນທີ່ທ່ານຈະຫັນໄປເພິ່ງພາເຄື່ອງສຳອາງລາຄາແພງໆ ແລະ ສູນຄວາມງາມ ເຊິ່ງມີຄ່າໃຊ້ຈ່າຍອ່າວສູງ ລອງເບິ່ງວິທີປິ່ນປົວອາການຜິວໄໝ້ແດດດ້ວຍຕົນເອງໃນເບື້ອງຕົ້ນກ່ອນດີບໍ່ ຈະໄດ້ປະຢັດເງິນໃນກະເປົ໋າ. ເລີ່ມຈາກການປັບອຸນຫະພູມຜິວໜັງຫລັງຖືກໄໝ້ຈາກແສງແດດ ເຊິ່ງມີຫລາຍວິທີໃຫ້ເລືອກ ແລະ ເຮັດຊ້ຳຫລາຍໆເທື່ອດັ່ງນີ້ :

– ເອົາຜ້າແຊ່ເຢັນຜ້າຈຸ່ມນ້ຳເຢັນ, ນົມສົດເຢັນໆ ຫລື ນ້ຳຊາຊົງເຂັ້ມຂຸ້ນເຢັນໆປະຄົບບໍລິເວນທີ່ຖືກແດດໄໝ້ນັ້ນ ໂປຣຕິນຈາກນົມຈະຊ່ວຍປ້ອງກັນບໍ່ໃຫ້ຜິວໜັງຄາຍນ້ຳ ແລະ ຊ່ວຍທົດແທນຄວາມຊຸ່ມຊື່ນສູ່ຜິວໜັງໄດ້.

– ໃຊ້ຊີ້ນທາງໃນຈາກຫວ້ານຫາງແຂ້ສົດທີ່ເອົາຢາງອອກແລ້ວທາບໍລິເວນທີ່ຖືກແສງແດດໄໝ້ນັ້ນແລ້ວປະໄວ້ ຫລື ໃຊ້ຄຣີມ after  sun ກໍໄດ້ ເພາະມີສ່ວນປະສົມຈາກຫວ້ານຫາງແຂ້.

- Wave100S AD to Website 2020 0 - ວິທີຟື້ນຟູຜິວໜັງຖືກແດດໄໝ້

– ໃຊ້ຜ້າຈຸ່ມນ້ຳສົ້ມສາຍຊູ ທັງແບບກັ່ນທຳມະດາ ຫລື ນ້ຳສົ້ມສາຍຊູຈາກນ້ຳໝາກແອັບເປິ້ນປົກລົງເທິງຜິວໜັງ.

– ໃຊ້ໂຢເກິດ ຫລື ໄຂ່ຂາວ ແລະ ນ້ຳເຜິ້ງທາລົງເທິງຜິວໄໝ້ແດດໄດ້ເລີຍ ຫລື ອາດຈະປະສົມກັບນົມໃນອັດຕາສ່ວນທີ່ເທົ່າກັນແລ້ວທາໃສ່ຜິວໜັງ.

– ເອົາໝາກແຕງ ຫລື ໝາກເລັ່ນ ຝານເປັນແຜ່ນບາງໆ ຫລື ບົດຈົນແຫລວແລ້ວເອົາທາໃສ່ຜິວໜັງໄໝ້ແດດໂດຍກົງຈະຫລຸດອາການແສບອອກຮ້ອນລົງໄດ້.

- WhatsApp Image 2020 05 27 at 5 - ວິທີຟື້ນຟູຜິວໜັງຖືກແດດໄໝ້
- WhatsApp Image 2020 05 27 at 5 - ວິທີຟື້ນຟູຜິວໜັງຖືກແດດໄໝ້
- WhatsApp Image 2020 05 27 at 5 - ວິທີຟື້ນຟູຜິວໜັງຖືກແດດໄໝ້
- WhatsApp Image 2020 05 27 at 5 - ວິທີຟື້ນຟູຜິວໜັງຖືກແດດໄໝ້
error: Alert: Content is protected !!