WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ

WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ - owIdZtRs 450x420 1 - WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ
WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ - Untitled design - WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ

ສະຖານີ​ໂທລະພາບ CNN ຂອງ​ອາ​ເມ​ລິ​ກາ ລາຍ​ງານ​ວ່າ: ການ​ຄັດ​ເລືອກ​ຕຳ​ແໜ່​ງຜູ້ອຳນວຍການ​ອົງການ​ການ​ຄ້າ​ໂລກ (WTO) ​ໄດ້​ຂໍ້​ຢຸດຕິ​​ແລ້ວ ​ເຊິ່ງຕຳ​ແໜ່​ງຜູ້ອຳນວຍການ​ຄົນ​ໃໝ່​ຂອງ​ອົງການ​ຕົກ​ເປັນ​ຂອງ​ນາງ ອີນກໍ​ຊີ ​ໂອ​ຄອນ​ໂຈ-ອິ​ເວ​ວລາ (Ngozi Okonjo-Iweala) ນັກ​ເສດຖະສາດ​ຍິງ ​ແລະ ອະດີດ​ລັດຖະມົນຕີ​ການ​ເງິນ​ຂອງ​​ໄນ​ຈີ​ເຣຍ ກາຍ​ເປັນ​ຜູ້ອຳນວຍການ​ແມ່ຍິງ​ຜິວ​ສີ​ຄົນ​ທຳ​ອິດ​ໃນ​ປະຫວັດສາດ​ຂອງ WTO ນັບ​ແຕ່​ມີ​ການ​ສ້າງຕັ້ງອົງການ​ຂຶ້ນ​ເມື່ອ 25 ປີ​ກ່ອນ.

ລາຍ​ງານ​ລະບຸ​ວ່າ: ນາງ ​ໂອ​ຄອນ​ໂຈ-ອິ​ເວ​ວລາ ​ເຄີຍ​ດຳລົງ​ຕຳ​ແໜ່​ງລັດຖະມົນຕີ​ການ​ເງິນ​ຂອງ​ໄນ​ຈີ​ເຣຍສອງ​ສະ​ໄໝ ​ແລະ ​ເຄີຍ​ດຳລົງ​ຕຳ​ແໜ່​ງລັດຖະມົນຕີ​ຕ່າງປະ​ເທດ ທັງ​ຍັງ​ເຄີຍ​ເປັນ​ຜູ້​ບໍລິຫານ ​ແລະ ນັກ​ເສດຖະສາດ​ຂອງ​ທະນາຄານ​ໂລກ​ມາ​ກ່ອນ ​ແລະ ​ໃນ​ການ​ຄັດ​ເລືອກ​ຄັ້ງນີ້ ນາງ​ຍັງ​ລົງ​ສະໝັກ​ໃນ​ຖານະ​ຄົນ​ພາຍ​ນອກ ທີ່​ຫວັງ​ຈະ​ນຳ​ສະ​ເໜີ “ມຸມ​ມອງ​ໃໝ່ໆ” ​ໃຫ້​ອົງການ​ໄດ້.

ສຳລັບ​ການ​ຄັດ​ເລືອກ​ຜູ້ອຳນວຍການ​ຄົນ​ໃໝ່​ຂອງ WTO ຮອບ​ຫລ້າ​ສຸດ​ນີ້​ມີ​ຂຶ້ນຫລັງ​ຈາກ​ທ່ານ ​ໂຣ​ແບຣ​ໂຕ ອາ​ເຊ​ເວ​ໂດ ຊາວບຣາຊິ​ລ ປະກາດ​ໃນ​ເດືອນ​ພຶດສະພາ​ຜ່ານ​ມາ​ວ່າ: ທ່ານ​ຈະ​ລົງ​ຈາກ​ຕຳ​ແໜ່​ງ​ໄວ​ກວ່າ​ກຳນົດ 1 ປີ ​ເນື່ອງ​ຈາກ​ເຫດຜົນ​ສ່ວນ​ຕົວ ຫລັງ​ຈາກ​ຢູ່​ໃນ​ຕຳ​ແໜ່​ງມາ​ສອງ​ສະ​ໄໝ​ລວມ 7 ປີ ​ເຊິ່ງ​ເທື່ອ​ນີ້​ມີ​ຜູ້​ສົນ​ໃຈ​ລົງ​ສະໝັກ​ຊີງ​ຕຳ​ແໜ່​ງ 7 ຄົນ ກ່ອນ​​ແຂ່ງຂັນ​ຈົນ​ເຫລືອ​ນາງ ​ໂອ​ຄອນ​ໂຈ-ອິ​ເວ​ວລາ ກັບ​ນາງ ຍູ​ມຍອງ​ຮີ ລັດຖະມົນຕີ​ການ​ຄ້າຍິງ​ຂອງ ສ.​ເກົາຫລີ ຜູ້​ໄດ້​ຮັບ​ການ​ສະໜັບສະໜູນ​ຈາກ​ອາ​ເມ​ລິ​ກາ.

​ເຖິງ​ຢ່າງ​ໃດ​ກໍ​ຕາມ, ນາງ ຍູ​ມຍອງ​ຮີ ປະກາດ​ຖອນ​ຕົວ​ອອກ​ຈາກ​ການ​ແຂ່ງຂັນ ​ເພື່ອ​ເປີດ​ທາງ​​ໃຫ້​ນາງ ​ໂອ​ຄອນ​ໂຈ-ອິ​ເວ​ວລາ ​ເຊິ່ງ​ໄດ້​ຮັບ​ສຽງ​ສະໜັບສະໜູນ​ຈາກ​ບັນດາ​ປະ​ເທດ​ສະມາຊິກ​ຫລາຍ​ປະ​ເທດ ລວມທັງ​ສະຫະພາບ​ເອີຣົບ, ຈີນ, ຍີ່ປຸ່ນ ​ແລະ ອົດ​ສະຕຣາລີ ​ໂດຍ​ການ​ຖອນ​ຕົວ​ດັ່ງກ່າວ ​ເຮັດ​​ໃຫ້​ອາ​ເມ​ລິ​ກາ​ພາຍ​ໃຕ້​ການ​ນຳ​ຂອງ​ປະທານາທິບໍດີ ​ໂຈ ​ໄບ​ເດນ ຫັນ​ມາສະ​ໜັບສະ​ໜູນ​ຕົວ​ແທນ​ຈາກ​ໄນ​ຈີ​ເຣຍ​ແທນ.

WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ - Wave100S AD to Website 2020 0 - WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ

ທັງ​ນີ້ ຂະ​ບວນການ​ຄັດ​ເລືອກ​ຜູ້ອຳນວຍການ​ຄົນ​ໃໝ່ຈະ​ໃຊ້​ວິທີ​ພິຈາລະນາ ​ແລະ ອອກສຽງ​ເປັນ​ເອກະ​ພາບ​ໂດຍ​ປະ​ເທດ​ສະມາຊິກ 164 ປະ​ເທດ, ​ແຕ່​ຖ້າ​ບໍ່​ສາມາດ​ມີ​ສຽງ​ເປັນ​ເອກະ​ພາບ​ໄດ້​ພາຍ​ໃນ​ເວລາ​ທີ່​ກຳນົດ ຮອງ​ຜູ້ອຳນວຍການ 1 ​ໃນ 4 ຄົນ​ຈະ​ເຮັດ​ໜ້າ​ທີ່​ຮັກສາ​ການ​ແທນ​ໃນ​ເດືອນ​ກັນຍາ ຫລື ອາດ​ຮັບ​ຕຳ​ແໜ່​ງ​ຖາວອນ ​ໂດຍ​ນັບ​ແຕ່​ສ້າງຕັ້ງ​ໃນ​ປີ 1995 ອົງການ​ການ​ຄ້າ​ໂລກ​ມີ​ຜູ້ອຳນວຍການ​ມາ​ແລ້ວ 6 ຄົນ ຈາກ​ເອີຣົບ 3 ຄົນ, ອາຊີ, ອາ​ເມ​ລິ​ກາ​ໃຕ້ ​ແລະ ​ໂອ​ເຊຍ​ເນຍ ປະ​ເທດ​ລະ​ຄົນ.

ຫລາຍ​ຝ່າຍ​ເບິ່ງ​ວ່າ: ຜູ້ອຳນວຍການ WTO ຄົນ​ໃໝ່​ຈະ​ມີ​ພາລະກິດ​ໜັກ​ຖ້າ​ຢູ່ ຫລັງ​ຈາກ​ການ​ຄ້າ​ໂລກ​ຊະ​ລໍ​ຕົວ​​ເນື່ອງ​ຈາກ​ການລະບາດ​ຂອງ​ໂຄ​ວິດ-19 ບວກ​ກັບ​ຄວາມ​ທ້າ​ທາຍ​ອື່ນໆ​ເຊັ່ນ: ສົງຄາມ​ການ​ຄ້າ​ລະຫວ່າງ​ອາ​ເມ​ລິ​ກາ​ກັບ​ຈີນ.

WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ - WhatsApp Image 2020 05 27 at 5 - WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ
WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ - WhatsApp Image 2020 05 27 at 5 - WTO ແຕ່ງຕັ້ງແມ່ຍິງຜິວສີຂຶ້ນດຳລົງຕຳແໜ່ງ ຜູ້ອຳນວຍການຄົນທຳອິດຂອງອົງການ
error: Alert: ເນື້ອຫາຂ່າວມີລິຂະສິດ !!