ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ

ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ - 148731614 3749680981747038 7023279170294575102 n - ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ
ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ - Untitled design - ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ

ກຳປູ​ເຈຍ​ເລີ່​ມສັກ​ວັກ​ຊີ​ນ​ໂຄ​ວິດ-19 ​ແລ້ວ ຫລັງ​ໄດ້​ຮັບ​ບໍລິຈາກ​ຈາກ​ຈີນ, ລູກ​ຊາຍ​ທ່ານ ຮຸນ​ເຊ​ນ ສັກ​ເປັນ​ຄົນ​ທຳ​ອິດ ​ເພື່ອ​ສ້າງ​ຄວາມ​ໝັ້ນ​ໃຈ​ໃຫ້​ປະຊາຊົນ.

ວັນ​ທີ 10 ກຸມພາ 2021, ​ເຟສບຸກທ່ານ ຮຸນ​ເຊ​ນ ນາຍົກລັດຖະມົນຕີກຳປູ​ເຈຍ ​​ເຜີຍ​ແຜ່​ຮູບ​ພິທີການ​ສັກ​ວັກ​ຊີ​ນ​ໂຄ​ວິດ-19 ຢ່າງ​ເປັນ​ທາງ​ການ​ໃນ​ວັນ​ທີ 10 ກຸມພາ​ນີ້ ​ໂດຍ​ມີ ພົນ​ໂທ ຮຸນ​ມາ​ເນັດ ລູກ​ຊາຍ​ຂອງ​ທ່ານ ຮຸນ​ເຊ​ນ ​ເປັນ​ຄົນ​ທຳ​ອິດ​ທີ່​ໄດ້​ຮັບ​ການ​ສັກ​ວັກ​ຊີ​ນ​ໂຄ​ວິດ-19.

ສຳລັບ​ວັກ​ຊີ​ນ​ໂຄ​ວິດ-19 ທີ່​ກຳລັງ​ແຈກ​ຢາຍ​ຢູ່ກຳ​ປູ​ເຈຍ​ຕອນ​ນີ້ ​ເປັນ​ວັກ​ຊີ​ນຈາກ​ບໍລິສັດ Sinopharm ບໍລິສັດ​ການ​ຢາ​ສັນຊາດ​ຈີນ ທີ່​ລັດຖະບານ​ຈີນ​ບໍລິຈາກ​ໃຫ້​ກຳປູ​ເຈຍ ​ແລະ ຫາ​ກໍ​ຂົນ​ສົ່ງ​ເຖິງ​ກຳປູ​ເຈຍ​ໃນ​ວັນ​ທີ 8 ກຸມພາ ຈຳນວນ 600.000 ​ໂດ​ສ.

​ໂດຍ​ກ່ອນ​ໜ້າ​ນີ້, ທ່ານ ຮຸນ​ເຊ​ນ ​ເຄີຍ​ປະກາດ​ວ່າ: ຈະ​ຂໍ​ເປັນ​ຄົນ​ທຳ​ອິດ​ທີ່​ໄດ້​ຮັບ​ການ​ສັກ​ວັກ​ຊີ​ນ​ໂຄ​ວິດ-19 ຢູ່ກຳ​ປູ​ເຈຍ, ​ແຕ່​ໃນ​ເວລາ​ຕໍ່​ມາ​ມີ​ການ​ປ່ຽນ​ແປງ​ເງື່ອນ​ໄຂ​ຜູ້​ໄດ້​ຮັບ​ວັກ​ຊີ​ນ​ໃຫ້​ສະ​ເພາະ​ຜູ້​ທີ່​ມີ​ອາຍຸ​ແຕ່ 18-59 ປີ ​ເນື່ອງ​ຈາກ​ຍັງ​ບໍ່​ມີ​ຂໍ້​ມູນ​ທີ່​ແນ່ນອນ​ເຖິງ​ປະສິດທິພາບ​ຂອງ​ວັກ​ຊີ​ນ Sinopharm ຕໍ່​ຜູ້​ທີ່​ມີ​ອາຍຸ 60 ປີ​ຂຶ້ນ​ໄປ ​ເຮັດ​ໃຫ້​ທ່ານ ຮຸນ​ເຊ​ນ ບໍ່​ເຂົ້າ​ເກນ​ທີ່​ຈະ​ໄດ້​ຮັບ​ວັກ​ຊີ​ນ​ໂຄ​ວິດ-19 ຊະນິດ​ນີ້.

ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ - Wave100S AD to Website 2020 0 - ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ

​ໃນ​ຕອນ​ນີ້​ລັດຖະບານ​ກຳປູ​ເຈຍ​ມີ​ແຜນ​ຈອງ​ວັກ​ຊີ​ນ​ໂຄ​ວິດ-19 ​ໃຫ້​ໄດ້ 20 ລ້ານ​ໂດ​ສ ​ເຊິ່ງຈະ​ພຽງພໍ​ຕໍ່​ການ​ສັກ​ໃຫ້​ປະຊາກອນ 10 ລ້ານ​ຄົນ ຄິດ​ເປັນ 2 ​ໃນ 3 ຂອງ​ປະຊາກອນ​ທົ່ວ​ປະ​ເທດ​ທີ່​ມີ​ຢູ່​ປະມານ 16,2 ລ້ານ​ຄົນ ​ໂດຍ​ໃນ​ຈຳນວນ​ນີ້ ກຳປູ​ເຈຍ​ຈະ​ໄດ້​ຮັບ​ບໍລິຈາກ​ວັກ​ຊີ​ນຈາກ​ຈີນ 1 ລ້ານ​ໂດ​ສ. ຂະນະ​ດຽວ​ກັນ ກໍ​ໄດ້​ຮັບ​ເງິນ​ຊ່ວຍ​ເຫລືອ​ຈາກ​ລັດຖະບານ​ອົດ​ສະຕຣາລີ ​ເຊິ່ງພຽງພໍ​ຕໍ່​ການ​ຊື້ວັກ​ຊີ​ນ​ໂຄ​ວິດ-19 ຈຳນວນ 3 ລ້ານ​ໂດ​ສ. ນອກຈາກ​ນີ້ ກຳປູ​ເຈຍ​ຍັງ​ເຂົ້າຮ່ວມ​ໂຄງການ COVAX ທີ່​ຄາດ​ວ່າ​ຈະ​ເຮັດ​ໃຫ້​ໄດ້​ວັກ​ຊີ​ນອີກ 7 ລ້ານ​ໂດ​ສ.

ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ - WhatsApp Image 2020 05 27 at 5 - ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ
ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ - WhatsApp Image 2020 05 27 at 5 - ກຳປູເຈຍເລີ່ມສັກວັກຊີນໂຄວິດ-19 ລູກຊາຍທ່ານ ຮຸນເຊນ ສັກເປັນຄົນທຳອິດ
error: Alert: ເນື້ອຫາຂ່າວມີລິຂະສິດ !!