ງານມະຫາກໍາເປີດກວ້າງການສຶກສາຄັ້ງທີ 1

- advert banner 728 90 728x90 - ງານມະຫາກໍາເປີດກວ້າງການສຶກສາຄັ້ງທີ 1

ມະຫາວິທະຍາໄລແຫ່ງຊາດ, ກຸ່ມອະດີດນັກສຶກສາທຶນສະຫະລັດອາເມລິກາ ແລະ ທີມງານປື້ມແນະນໍາສາຍການຮຽນໄດ້ຮ່ວມຈັດງານມະຫາກໍາເປີດກວ້າງການສຶກສາ 2017 ຄັ້ງທໍາອິດຂື້ນທີ່ມະຫາວິທະຍາໄລແຫ່ງຊາດແຕ່ວັນທີ 7-9 ກໍລະກົດນີ້, ໂດຍໄດ້ຮັບການສະໜັກສະໜູນຈາກສະຖານທູດສະຫະລັດອາເມລິກາປະຈໍາລາວ, ເຊິ່ງມີມະຫາວິທະຍາໄລແຫ່ງຊາດ, ສະຖາບັນການສຶກສາຕ່າງໆ, ນັກຮຽນ-ນັກສຶກສາເຂົ້າຮ່ວມຈໍານວນຫລາຍ.

- new3 - ງານມະຫາກໍາເປີດກວ້າງການສຶກສາຄັ້ງທີ 1

+ ວຽກງານການສຶກສາເຂດຊົນນະບົດໄດ້ຮັບການປັບປຸງດີຂຶ້ນ

- lattana 1 - ງານມະຫາກໍາເປີດກວ້າງການສຶກສາຄັ້ງທີ 1

ງານດັ່ງກ່າວຈັດຂຶ້ນເພື່ອໃຫ້ຂໍ້ມູນຂ່າວສານແກ່ນັກຮຽນທີ່ຮຽນຈົບມັດທະຍົມຕົ້ນ-ມັດທະຍົມປາຍ, ໄດ້ມີໂອກາດມາສຶກສາຮຽນຮູ້ຂໍ້ມູນທາງດ້ານການສຶກສາ ເພື່ອເລືອກສາຂາວິຊາຮຽນຢູ່ໃນມະຫາວິທະຍາໄລແຫ່ງຊາດ ກໍຄືວິທະຍາໄລຕ່າງໆຢູ່ໃນທົ່ວປະເທດ. ງານຄັ້ງນີ້ມີມະຫາວິທະຍາໄລ, ວິທະຍາໄລ ແລະ ສະຖາບັນການສຶກສາຊັ້ນສູງເຂົ້າຮ່ວມວາງສະແດງຈໍານວນ29 ຫ້ອງ, ນອກຈາກນີ້ຍັງມີສະຖາບັນການສຶກສາຈາກຫລາຍປະເທດເຂົ້າຮ່ວມ ເຊັ່ນ: ຫວຽດນາມ, ອາເມລິກາ, ອິນເດຍ, ຈີນ ແລະ ປະເທດອື່ນໆ ເພື່ອໃຫ້ຂໍ້ມູນກ່ຽວກັບການສຶກສາຢູ່ຕ່າງປະເທດ, ຂໍ້ມູນກ່ຽວກັບການສອບເສັງເອົາທຶນໃນລະດັບຕ່າງໆ, ງານນີ້ຈະຊ່ວຍໃຫ້ບັນດານັກຮຽນໄດ້ເລືອກຮຽນຕໍ່ໃນສາຂາວິຊາທີ່ຕົນເອງມັກ ແລະ ໃນເມື່ອຮຽນຈົບແລ້ວກໍຈະສາມາດປະກອບອາຊີບທີ່ຕົນເອງມັກໄດ້ເປັນຢ່າງດີ.

error: Content is protected !!