ສອນລູກໃຫ້ປອດໄພຈາກອຸປະຕິເຫດເທິງຖະໜົນ

ສອນລູກໃຫ້ປອດໄພຈາກອຸປະຕິເຫດເທິງຖະໜົນ - 011101 2021 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ
ສອນລູກໃຫ້ປອດໄພຈາກອຸປະຕິເຫດເທິງຖະໜົນ - Untitled design - ສອນລູກໃຫ້ປອດໄພຈາກອຸປະຕິເຫດເທິງຖະໜົນ

ການສອນ ຫລື ປູກຝັງໃນເລື່ອງການໃຊ້ລົດໃຊ້ຖະໜົນໃຫ້ເດັກນ້ອຍ ຖືເປັນເລື່ອງທີ່ຕ້ອງສົ່ງເສີມ ແລະ ໃຫ້ຄວາມສຳຄັນຫລາຍ ໂດຍສະເພາະໃນກຸ່ມເດັກທີ່ມີເຮືອນຢູ່ແຄມທາງ ເພາະໂອກາດໃນການຂ້າມທາງໄປມາອີກຟາກໜຶ່ງອາດຈະເກີດຂຶ້ນເປັນປະຈຳ. ດັ່ງນັ້ນ, ພໍ່ແມ່ຜູ້ປົກຄອງຈຶ່ງຕ້ອງມີວິທີການສອນໃຫ້ລູກລະວັງລົດ ແລະ ສອນການປ້ອງກັນຕົນເອງເພື່ອບໍ່ໃຫ້ເກີດອຸປະຕິເຫດເທິງຖະໜົນໃນລະຫ່ວາງການຂ້າມທາງ ຫລື ການໃຊ້ລົດເທິງຖະໜົນກໍຕາມ.

ສອນລູກໃຫ້ປອດໄພຈາກອຸປະຕິເຫດເທິງຖະໜົນ - 031101 2021 300x225 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ

  1. ປູກຝັງການລະວັງລົດຕັ້ງແຕ່ຍັງນ້ອຍ : ການປູກຝັງລູກໃຫ້ຮູ້ຈັກລະວັງລົດຕັ້ງແຕ່ຍັງນ້ອຍ ພໍ່ແມ່ສາມາດເຮັດໄດ້ໂດຍການລົງສະໜາມໂຕຈິງ ນັ້ນກໍຄື ພາລູກອອກໄປໜ້າເຮືອນ ຢືນເທິງທາງຍ່າງເພື່ອໃຫ້ແນມເຫັນລົດທີ່ຜ່ານໄປມາ ຈາກນັ້ນ ສອນໃຫ້ລູກເຫັນລົດທີ່ຂັບມາຈາກທາງຊ້າຍທາງຂວາສະຫລັບກັນໄປ ເພື່ອໃຫ້ຮູ້ວ່າເທິງຖະໜົນຈະມີລົດທີ່ຂັບມາທັງສອງຟາກທາງ, ພະຍາຍາມປູກຝັງການຂ້າມຖະໜົນຫົນທາງເມື່ອບໍ່ມີລົດແລ້ວທັງສອງຟາກ ຫລື ໃຫ້ສັງເກດໄລຍະທີ່ລົດຂັບມາ ຫາກໄກຫລາຍກໍສາມາດຂ້າມໄດ້ ແລະ ສິ່ງສຳຄັນຄວນໃຫ້ລູກໂດດຂຶ້ນເທິງທາງຍ່າງທັນທີເມື່ອມີລົດແລ່ນມາດ້ວຍຄວາມໄວ.
  2. ສອນການໃຊ້ທາງມ້າລາຍ : ການສອນໃຫ້ລູກໃຊ້ທາງມ້າລາຍ ແມ່ນວິທີການສອນໃຫ້ລູກລະວັງລົດເມື່ອຮອດໄວທີ່ຕ້ອງເດີນທາງໄປໃສມາໃສດ້ວຍຕົນເອງ ພໍ່ແມ່ຈຳເປັນຕ້ອງສອນວິທີການຂ້າມທາງທີ່ຖືກຕ້ອງ ສອນການໃຊ້ທາງມ້າລາຍ ແລະ ສອນການເບິ່ງສັນຍານໄຟຈະລາຈອນເປັນຫລັກ.
  3. ຫລີກເວັ້ນທາງໜ້າ ແລະ ທາງຫລັງຂອງລົດໃນໄລຍະໃກ້ : ການສອນໃຫ້ລູກຫລີກເວັ້ນການຢືນ, ການຍ່າງ ຫລື ແມ່ນແຕ່ການຂ້າມທາງໃນບໍລິເວນໜ້າ ແລະ ຫລັງລົດຄັນໃຫຍ່ໃນໄລຍະອັນໃກ້ ແມ່ນສິ່ງທີ່ຄວນສົ່ງເສີມກັນຫລາຍ ເພາະອຸປະຕິເຫດຈາກລົດຄັນໃຫຍ່ມີໃຫ້ເຫັນເປັນປະຈຳ ເນື່ອງຈາກຄົນຂັບລົດຄັນໃຫຍ່ມັກຈະແນມບໍ່ເຫັນຄົນຂ້າມທາງ ຫລື ແມ່ນແຕ່ລົດຈັກທີ່ຢູ່ໃນໄລຍະໃກ້ໆກໍຕາມ ເພາະລະດັບບ່ອນນັ່ງຂອງລົດຄັນໃຫຍ່ຈະຢູ່ສູງກ່ວາພື້ນຖະໜົນຫລາຍ ແລະ ການຢູ່ໃນຕຳແໜ່ງໃກ້ໆກັບລົດນັ້ນບໍ່ຈຳເປັນຈະຕ້ອງແມ່ນແຕ່ລົດຄັນໃຫຍ່ເທົ່ານັ້ນ ແຕ່ລວມເຖິງລົດທຸກຄັນທີ່ບໍ່ຄວນຢືນ ຫລື ຍ່າງຢູ່ໃກ້ໆ.
  4. ສ້າງຄວາມປອດໄພໃນການໃຊ້ລົດ : ການສ້າງຄວາມປອດໄພໃນການໃຊ້ລົດທີ່ພໍ່ແມ່ສາມາດເຮັດໄດ້ທັນທີເມື່ອລູກຍັງນ້ອຍກໍຄື ການໃຊ້ຄາຊີດ ຫລື ໝວກກັນກະທົບ ເມື່ອລູກໃຫຍ່ຂຶ້ນກໍຄ່ອຍໆປູກຝັງໃຫ້ຮັດສາຍຮັດນິລະໄພ. ສິ່ງສຳຄັນທີ່ສຸດກໍຄື ບໍ່ຄວນລືມລັອກປະຕູລົດ ໂດຍສະເມື່ອລູກຢູ່ໃນລົດ ເພາະໂອກາດທີ່ລູກຈະດື້ຈົນເປີດປະຕູລົດເອງຍ່ອມເປັນໄປໄດ້ສະເໝີ.

ສອນລູກໃຫ້ປອດໄພຈາກອຸປະຕິເຫດເທິງຖະໜົນ - 021101 2021 300x200 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ

ສອນລູກໃຫ້ປອດໄພຈາກອຸປະຕິເຫດເທິງຖະໜົນ - Wave100S AD to Website 2020 0 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ
  • ການທີ່ພໍ່ແມ່ຮູ້ວິທີການສອນໃຫ້ລູກຮູ້ຈັກລະວັງລົດ ທັງໃນລະຫ່ວາງການຂ້າມທາງ ຫລື ແມ່ນແຕ່ການໃຊ້ລົດເອງກໍຕາມ ສິ່ງເຫລົ່ານີ້ຖືເປັນສິ່ງສຳຄັນທີ່ຕ້ອງປູກຝັງຕັ້ງແຕ່ຍັງນ້ອຍ ຢ່າງໜ້ອຍກໍຖືເປັນການສ້າງເກາະປ້ອງກັນໃຫ້ລູກປອດໄພຈາກອຸປະຕິເຫດໄດ້ໜຶ່ງຂັ້ນແລ້ວ ຫາກເປັນໄປໄດ້ພໍ່ແມ່ຄວນປະກົບຄູ່ລູກທຸກເທື່ອທີ່ຕ້ອງໃຊ້ຖະໜົນຫົນທາງຈະດີທີ່ສຸດ ແລະ ບໍ່ຄວນປ່ອຍໃຫ້ລູກໃຊ້ລົດ-ໃຊ້ຖະໜົນພຽງລຳພັງເດັດຂາດ.
ສອນລູກໃຫ້ປອດໄພຈາກອຸປະຕິເຫດເທິງຖະໜົນ - WhatsApp Image 2020 05 27 at 5 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ
ສອນລູກໃຫ້ປອດໄພຈາກອຸປະຕິເຫດເທິງຖະໜົນ - WhatsApp Image 2020 05 27 at 5 - ສອນລູກໃຫ້ປອດໄພຈາກອຸປະຕິເຫດເທິງຖະໜົນ
error: Alert: ເນື້ອຫາຂ່າວມີລິຂະສິດ !!