ສັ່ງປິດໂຮງງານເຟີນີເຈີຜິດລະບຽບ 3 ແຫ່ງຢູ່ເມືອງນາຊາຍທອງ

- advert banner 728 90 728x90 - ສັ່ງປິດໂຮງງານເຟີນີເຈີຜິດລະບຽບ 3 ແຫ່ງຢູ່ເມືອງນາຊາຍທອງ

ເມື່ອທ້າຍອາທິດຜ່ານມານີ້, ເຈົ້າໜ້າທີ່ກ່ຽວຂ້ອງຈາກພະແນກອຸດສາຫະກຳ ແລະ ການຄ້າ, ກະສິກຳ ແລະ ປ່າໄມ້, ຕຳຫລວດເສດຖະກິດ, ກວດກາພັກ-ລັດນະຄອນຫລວງວຽງຈັນ, ໄດ້ສັ່ງປິດໂຮງງານເຟີນີເຈີ 3 ແຫ່ງທີ່ເຄື່ອນໄຫວຜິດລະບຽບຄື: ໂຮງງານເຟີນີເຈີຂອງທ້າວ ບຸນເພັງ ຢູ່ບ້ານໜອງສະ, ໂຮງງານເຟີນີເຈີຂອງທ້າວ ສົມຈັນ ຢູ່ບ້ານພັດທະນາ ແລະ ໂຮງງານເຟີນີເຈີຂອງທ້າວ ໝອນຄຳຢູ່ບ້ານບົວ, ເມືອງນາຊາຍທອງ, ນະຄອນຫລວງວຽງຈັນ, ພ້ອມຮິບເຄື່ອງຈັກຜະລິດເຟີນີເຈີ ແລະ ໄມ້ຈຳນວນໜຶ່ງ.

- new3 - ສັ່ງປິດໂຮງງານເຟີນີເຈີຜິດລະບຽບ 3 ແຫ່ງຢູ່ເມືອງນາຊາຍທອງ

ທ່ານຫົວໜ້າຫ້ອງການອຸດສາຫະກຳ ແລະ ການຄ້າເມືອງນາຊາຍທອງ ໄດ້ໃຫ້ຮູ້ວ່າ: ການສັ່ງປິດໂຮງງານດັ່ງກ່າວນັ້ນ ແມ່ນປະຕິບັດຕາມຄຳສັ່ງຂອງນາຍົກລັດຖະມົນຕີເລກທີ 15/ນຍ ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງ ແລະ ກວດກາການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້, ຊຶ່ງພາຍຫລັງມີຄໍາສັ່ງດັ່ງກ່າວອອກມາ ຫ້ອງການອຸດສາຫະກຳ ແລະ ການຄ້າເມືອງໄດ້ຮ່ວມກັບພາກສ່ວນກ່ຽວຂ້ອງລົງກວດກາບັນດາໂຮງງານເຟີນີເຈີຢູ່ພາຍໃນເມືອງນາຊາຍທອງທັງໝົດມີ 35 ແຫ່ງ, ໃນນີ້ມີ 6 ແຫ່ງບໍ່ມີໃບອະນຸຍາດດຳເນີນກິດຈະການ ແລະ ຜ່ານມາໄດ້ແຈ້ງໃຫ້ຜູ້ປະກອບການຜິດລະ

- lattana 1 - ສັ່ງປິດໂຮງງານເຟີນີເຈີຜິດລະບຽບ 3 ແຫ່ງຢູ່ເມືອງນາຊາຍທອງ

ບຽບຢຸດເຊົາກິດຈະການ, ແຕ່ປະກົດວ່າຍັງສືບຕໍ່ເຄື່ອນໄຫວຢູ່, ຊຶ່ງຖືວ່າເປັນການລະເມີດລະບຽບກົດໝາຍ, ຈຶ່ງໄດ້ສົມທົບກັບເຈົ້າໜ້າທີ່ຂະແໜງກ່ຽວຂ້ອງລົງແກ້ໄຂ ແລະ ສັ່ງປິດກິດຈະການໂຮງງານດັ່ງກ່າວແບບຖາວອນ ແລະ ຈະສືບຕໍ່ລົງກວດກາອີກ 3 ໂຮງງານທີ່ຜິດລະບຽບໃນໄວໆນີ້.

error: Content is protected !!