ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ

ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ - 666 5 scaled - ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ
ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ - Untitled design - ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ

ລາຍງານຂ່າວຈາກຕ່າງປະເທດ ວັນທີ 11 ກຸມພານີ້ ໃຫ້ຮູ້ວ່າ: ວັນທີ 10 ກຸມພາ ປະທານາທິບໍດີ ສະຫະລັດ ໂຈໄບເດັນ ໄດ້ໂອ້ລົມສາຍກັບປະທານ ສີຈີນຜິງ ຂອງຈີນ ເປັນຄັ້ງທຳອິດ ນັບແຕ່ເຂົ້າຮັບຕຳແໜ່ງເປັນຕົ້ນມາ.

ໃນການໂອ້ລົມນັ້ນ, ປະທານາທິບໍດີ ໂຈໄບເດັນ ໄດ້ສົ່ງຄຳອວຍພອນ ເຖິງປະຊາຊົນຈີນ ເນື່ອງໃນໂອກາດຕ້ອນຮັບປີໃໝ່ຂອງຊາວຈີນ.

ນອກຈາກນັ້ນ ໄບເດັນ ຍັງໄດ້ເນັ້ນເຖິງຄວາມເປັນຫວ່ງຂອງຕົນຕໍ່ກັບບັນຫາການເຄື່ອນໄຫວທາງດ້ານເສດຖະກິດແບບບັງຄັບ ແລະ ບໍ່ມີຄວາມສະເໝີພາບຂອງປັກກິງ, ບັນຫານະໂຍບາຍຕໍ່ ຮົງກົງ, ບັນຫາຊົນເຜົ່າ ອຸຍຄູ້ ຢູ່ໃນ ຊິນຈຽງ ແລະ ລວມທັງບັນຫາຄວາມບໍ່ສະຫງົບໃນຂົງເຂດ ແລະ ບັນຫາຂອງ ໄຕ້ຫວັນ ນຳອີກ.

ໄບເດັນເວົ້າຕໍ່ ທ່ານ ສີຈີນຜິງວ່າ: ບັນຫາບຸລິມະສິດຂອງຕົນແມ່ນ ບັນຫາປ້ອງກັນຄວາມສະຫງົບ, ຄວາມວັດທະນາ ຖາວອນ, ສຸຂະພາບ ແລະ ແບບແຜນດຳລົງຊີວິດຂອງຊາວອາເມລິກາ, ພ້ອມດຽວກັນນັ້ນ ກໍຢຶນໝັ້ນວ່າ: “ອິນເດຍ-ປາຊີຟິກ ຕ້ອງເສລີ ແລະ ເປີດກວ້າງ”.

ນອກຈາກນັ້ນ ຜູ້ນຳທັງສອງປະເທດ ຍັງໄດ້ປຶກສາຫາລືກັນກ່ຽວກັບບັນຫາການລະບາດຂອງໂຄວີດ-19, ການປ່ຽນແປງດິນຟ້າອາກາດ ແລະ ການຂະຫຍາຍອາວຸດ. ທຳນຽບຂາວ ໃຫ້ຮູ້ວ່າ “ປະທານາທິບໍດີ ໄບເດັນ ຈະສືບຕໍ່ ປະຕິບັດຄຳໝັ້ນສັນຍາທີ່ແທ້ຈິງ ເພື່ອຜົນປະໂຫຍດຂອງຊາວອາເມລິກາ ແລະ ພັນທະມິດຂອງຕົນ”.

ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ - Wave100S AD to Website 2020 0 - ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ

ການໃຫ້ສຳພາດໃນຫວ່າງບໍ່ດົນມານີ້, ໄບເດັນກ່າວເຖິງ ປະທານ ສີຈີນຜິງ ຂອງຈີນວ່າ: ເຂົາເປັນຄົນ  “ສະຫງ່າຜ່າເຜີຍ”, “ແຂງແກ່ນ” ແຕ່ “ຂາດປະຊາທິປະໄຕ”. ໄບເດັນຄາດກະວ່າ: ການພົວພັນກັບຈີນ ຈະເປັນການພົວພັນທີ່ “ແກ້ງແຍ້ງແຂ່ງຂັນທີ່ດຸເດືອດ” ແຕ່ບໍ່ຕ້ອງການ ປະເຊີນໜ້າ.

 

ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ - WhatsApp Image 2020 05 27 at 5 - ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ
ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ - WhatsApp Image 2020 05 27 at 5 - ໄບເດັນ ໂອ້ລົມກັບປະທານ ສີຈີນຜິງຂອງຈີນ ຜ່ານໂທລະສັບ ເປັນຄັ້ງທຳອິດ
error: Alert: ເນື້ອຫາຂ່າວມີລິຂະສິດ !!