ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ

ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - 009 - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ
ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - Untitled design - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ

ໃນວັນທີ 10 ກຸມພາ 2021 ທີ່ຫໍປະຊຸມແຫ່ງຊາດ ນະຄອນຫລວງວຽງຈັນ, ມີພິທີເປີດເວັບໄຊ້ “ຖານຂໍ້ມູນຂ່າວສານແຫ່ງຊາດ ດ້ານໂພຊະນາການ” ຂຶ້ນຢ່າງເປັນທາງການ ໂດຍການເປັນປະທານຂອງ ທ່ານ ກິແກ້ວ ຈັນທະບູຣີ ຮອງລັດຖະມົນຕີ ກະຊວງແຜນການ ແລະ ການລົງທຶນ, ທ່ານ ນາງ ອີນາ ມາຊິວລີໂອນີເຕີ ເອກອັກຄະລັດຖະທູດແຫ່ງສະຫະພາບເອີຣົບ ປະຈຳ ສປປ ລາວ, ທ່ານ ນາງ ດຣ. ເພຍ ເຣເບນໂລ ບຣິໂຕ ຜູ້ຕາງໜ້າອົງການຢູນິເຊັບ ປະຈຳ ສປປ ລາວ ມີບັນດາຫົວໜ້າກົມ, ຮອງກົມ, ຫົວໜ້າພະແນກ, ຮອງພະແນກຈາກບັນດາແຂວງທົ່ວປະເທດ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - 008 300x200 - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ

ທ່ານ ກິແກ້ວ ຈັນທະບູຣີ ຮອງລັດຖະມົນຕີ ກະຊວງ ແຜນການ ແລະ ການລົງທຶນ ກ່າວຕໍ່ພິທີເປີດເວັບໄຊ້ “ຖານຂໍ້ມູນຂ່າວສານແຫ່ງຊາດ ດ້ານໂພຊະນາການ” ວ່າ: ໂຄງການສ້າງຖານຂໍ້ມູນຂ່າວສານແຫ່ງຊາດດ້ານໂພຊະນາການ ຫລື ເອີ້ນໂດຍຫຍໍ້ວ່າ ໂຄງການ NIPN (National Information Platform for Nutrition) ໄດ້ລິເລີ່ມຈັດຕັ້ງປະຕິບັດນັບແຕ່ທ້າຍປີ 2020 ເປັນຕົ້ນມາ ໂດຍມີຈຸດປະສົງເພື່ອສ້າງຖານຂໍ້ມູນດ້ານໂພຊະນາການແບບລວມສູນ ເພື່ອສະໜອງຂໍ້ມູນທີ່ມີຄວາມເຊື່ອຖືໃຫ້ແກ່ບັນດານັກວາງນະໂຍບາຍ, ນັກຄົ້ນຄວ້າ, ນັກວິຊາການຕ່າງໆ ທີ່ມີຄວາມສົນໃຈນໍາໃຊ້ຂໍ້ມູນດ້ານໂພຊະນາການ ເຂົ້າໃນການຕິດຕາມ-ປະເມີນຄວາມຄືບໜ້າຂອງວຽກງານໂພຊະນາການ ກໍຄື ການສ້າງນະໂຍບາຍທີ່ສອດ ຄ່ອງໃນການແກ້ໄຂບັນຫາການຂາດໂພຊະນາການ ຢູ່ໃນ ສປປ ລາວ. ຈາກຕົວເລກຂອງການສໍາຫລວດດັດຊະນີດ້ານສັງຄົມ (LSISII), ໄດ້ຊີ້ໃຫ້ເຫັນວ່າ ອັດຕາການຂາດສານອາຫານ ຢູ່ໃນ ສປປ ລາວ ຍັງຢູ່ໃນລະດັບທີ່ສູງ (33%) ຖ້າສົມທຽບມາດຖານສາກົນ ເຖິງແມ່ນວ່າໄດ້ມີທ່າອ່ຽງທີ່ຫລຸດລົງແລ້ວກໍ່ຕາມ, ອັດຕາການຂາດສານອາຫານໃນຫລາຍແຂວງ ຍັງມີອັດຕາສ່ວນທີ່ສູງກວ່າ 40% ໂດຍສະເພາະໃນແຂວງທີ່ທຸກຍາກ. ສະນັ້ນ, ເພື່ອແກ້ໄຂວຽກງານດັ່ງກ່າວໃຫ້ມີຄວາມຄືບໜ້າໄວ ພວກເຮົາຈໍາເປັນຕ້ອງໄດ້ມີນະ ໂຍບາຍ ແລະ ມາດຕະການທີ່ສອດຄ່ອງ ແລະ ມີປະສິດທິຜົນໃນແຕ່ລະໄລຍະ, ພ້ອມທັງມີລະບົບການຕິດຕາມການຈັດຕັ້ງປະຕິບັດມາດຕະການຕ່າງໆ ຢ່າງທັນການ. ສິ່ງສໍາຄັນ, ພວກເຮົາ ຕ້ອງໄດ້ມີລະບົບຖານຂໍ້ມູນດ້ານໂພຊະນາການທີ່ຖືກຕ້ອງ ແລະ ເຂັ້ມແຂງ ເພື່ອນໍາໃຊ້ເຂົ້າໃນວຽກງານການສ້າງແຜນການ, ວຽກງານການປະເມີນ-ຕິດຕາມຄວາມຄືບໜ້າ ແລະ ສິ່ງທ້າທ້າຍ ຂອງວຽກງານໂພຊະນາການ ຢູ່ໃນ ສປປ ລາວ, ຖ້າຂາດຂໍ້ມູນດ້ານໂພຊະນາການທີ່ມີຄຸນນະພາບແລ້ວ ພວກເຮົາຈະບໍ່ສາມາດເຮັດການຄົ້ນ ຄວ້າ-ວິໄຈ ຊອກຫາບັນດາສາເຫດ ແລະ ນະໂຍບາຍແກ້ໄຂສະພາບການຂາດສານອາຫານໄດ້ຢ່າງຖືກ ຕ້ອງ ແລະ ທັນເວລາ. ດັ່ງນັ້ນ, ລັດຖະບານ ໄດ້ເຫັນຄວາມສໍາຄັນ ໃນວຽກງານຖານຂໍ້ມູນແຫ່ງຊາດດ້ານໂພຊະນາການ ແລະ ໄດ້ຮ່ວມມືກັບຄູ່ຮ່ວມພັດທະນາ ຊຸກຍູ້ວຽກງານດັ່ງກ່າວໃຫ້ເກີດຂຶ້ນ ຢູ່ໃນ ສປປ ລາວ, ເຊິ່ງໄດ້ຮັບການສະໜັບສະໜູນດ້ານງົບປະມານຈາກ ສະຫະພາບ ເອີຣົບ (EU) ແລະ ສະໜັບສະໜູນທາງດ້ານວິຊາການຈາກອົງການ ສປຊ ສໍາລັບເດັກ (UNICEF) ໂດຍມີໄລຍະການປະຕິບັດໂຄງການເປັນເວລາ 4 ປີ (ເລີ່ມແຕ່ ປີ 2018 ຫາ ປີ 2022) ເຊິ່ງ ສປປ ລາວ ແມ່ນໜຶ່ງໃນບັນດາ 10 ປະເທດຢູ່ໃນໂລກ ທີ່ໄດ້ຮັບການຊ່ວຍເຫລືອໃນວຽກງານດັ່ງກ່າວ.

ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - Wave100S AD to Website 2020 0 - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ

ທ່ານ ກິແກ້ວ ຈັນທະບູຣີ ຍັງໃຫ້ຮູ້ຕື່ມວ່າ: ຜ່ານການສັງລວມ ແລະ ສ້າງລະບົບຖານຂໍ້ມູນຕົວຈິງເປັນເວລາ 2 ປີ ຜ່ານມາ, ໂຄງການຂອງພວກເຮົາ ໄດ້ມີຄວາມຄືບໜ້າໃນຫລາຍວຽກງານ ເລີ່ມຈາກການປະເມີນລະບົບຖານຂໍ້ມູນໃນແຕ່ລະຂະແໜງການ ແລະ ສ້າງແຜນທີ່ຂໍ້ມູນ (Data Mapping), ສ້າງຄູ່ມື ດໍາເນີນງານລະບົບສັງລວມຂໍ້ມູນ (SOP) ຈົນກ້າວມາສູ່ການອອກແບບເວັບໄຊ້ຂອງໂຄງການ NIPN, ສ້າງກະດານຂ່າວ (Dashboard) ແລະ ຖານຂໍ້ມູນ (data Rcpository). ມາຮອດປັດຈຸບັນ, ຖານຂໍ້ມູນດັ່ງກ່າວ ກໍາລັງສ້າງລະບົບຝາກຖານຂໍ້ມູນໄວ້ໃນ ຖານຂໍ້ມູນຂອງສູນສະຖິຕິແຫ່ງຊາດ ເພື່ອໃຫ້ມີຄວາມສະ ດວກໃນການເຂົ້າເຖິງ ແລະ ຄຸ້ມຄອງແບບລວມສູນແຫ່ງຊາດ. ສະນັ້ນ, ໃນມື້ນີ້ຈຶ່ງໄດ້ມີພິທີເປີດການນໍາໃຊ້ເວັບໄຊ້ຂອງໂຄງການ NIPN ຢ່າງເປັນທາງການ, ເຊິ່ງຈະເປັນຊ່ອງທາງທີ່ສໍາຄັນໃນການເຂົ້າເຖິງແຫລ່ງຂໍ້ມູນດ້ານໂພຊະນາການແຫ່ງຊາດ ແລະ ຈະສະໜັບສະໜູນວຽກງານຕິດຕາມປະເມີນຜົນ, ສ້າງນະໂຍບາຍດ້ານໂພຊະນາການ ເພື່ອແກ້ໄຂບັນຫາການຂາດສານອາຫານຢູ່ໃນ ສປປ ລາວ.

ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - WhatsApp Image 2020 05 27 at 5 - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ
ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ - WhatsApp Image 2020 05 27 at 5 - ເປີດນໍາໃຊ້ຖານຂໍ້ມູນຂ່າວສານແຫ່ງຊາດດ້ານໂພຊະນາການຂອງລາວ
error: Alert: ເນື້ອຫາຂ່າວມີລິຂະສິດ !!