ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ

ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - 148473731 2732275533749657 376389882993184649 n - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ
ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - Untitled design - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ

ວັນ​ທີ 11 ກຸມພາ 2021 ທີ່ນະຄອນຫລວງວຽງຈັນ ​ໄດ້​ຈັດ​ກອງ​ປະຊຸມ​ວິຊາ​ການ​ໂພຊະ​ນາ​ການ​ແຫ່ງ​ຊາດ, ພາຍໃຕ້ການເປັນປະທານຂອງທ່ານ ຮສ.ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ, ຫົວໜ້າກອງເລຂາຄະນະກໍາມະການໂພຊະນາການແຫ່ງຊາດ, ທ່ານ ດຣ. ພອນປະເສີດ ອຸນາພົມ ຫົວໜ້າກົມອະນາໄມ ແລະ ສົ່ງເສີມສຸຂະພາບ.

ທ່ານ ຮສ.ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ກ່າວວ່າ: ພັກ ແລະ ລັດຖະບານຂອງ ສປປ ລາວ ໄດ້ສຸມໃສ່ສືບຕໍ່ແກ້ໄຂບັນຫາການຂາດສານອາຫານທຸກຮູບແບບຂອງປະຊາຊົນລາວ ໃນເດັກອາຍຸລຸ່ມ 5 ປີ ລວມມີຫລຸດຜ່ອນການຂາດສານອາຫານຊໍາເຮື້ອ (ລວງສູງຫລຸດມາດຕະຖານ ຫລື ເດັກເຕ້ຍ) ເຊິ່ງມີຜົນສະແດງອອກຕາມຜົນການສໍາຫລວດດັດຊະນີໝາຍສັງຄົມລາວປີ 2017 ເຫັນວ່າມີການປັບປຸງດີຂຶ້ນ ຄືຕົວຊີ້ວັດທີ່ທ້າທ້າຍເຊັ່ນ: ອັດຕາການຂາດສານອາຫານຊໍາເຮື້ອໄດ້ຫຼຸດລົງຈາກ 44% ໃນປີ 2012 (LSIS 1) ມາເປັນ 33% ໃນປີ 2017 (LSIS 2) ແລະ ເປັນ 24,3% ໃນປີ 2020 (DHIS2); ອັດຕານໍ້າໜັກຫລຸດມາດຕະຖານຫລຸດລົງຈາກ 25,5% ໃນປີ 2012 ມາເປັນ 21% ປີ 2017 ແລະ ເປັນ 18,9% ໃນປີ 2020 (DHIS2). ອັດຕາສ່ວນຂອງເດັກນ້ອຍທີ່ໄດ້ຮັບການລ້ຽງດ້ວຍນົມແມ່ພຽງຢ່າງດຽວ ໄດ້ເພີ່ມຂຶ້ນຈາກ 40% ໃນປີ 2012 ເປັນ 45% ໃນປີ 2017 ແລະ ຍັງມີຫຼາຍຕົວຊີ້ບອກດ້ານສາທາລະນະສຸກອີກທີ່ໄດ້ຮັບການປັບປຸງດີຂຶ້ນ.

ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - 147027587 2732275517082992 2516997539611132737 n 300x164 - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ

ແຕ່ຍັງມີສິ່ງທ້າທາຍອື່ນໆຈະຕ້ອງໄດ້ສືບຕໍ່ສູ້ຊົນຮັບມືຕໍ່ພາວະຂາດສານອາຫານອີກ. ປັດຈຸບັນ ຍັງມີເດັກນ້ອຍ 1 ໃນ 2 ຄົນເປັນເລືອດຈາງ; ມີ 1 ໃນ 2 ຂອງແມ່ຍິງໄວຈະເລີນພັນມີພາວະເລືອດຈາງ; ເດັກນ້ອຍປະມານ 75.000 ຄົນ ຍັງຂາດສານອາຫານກະທັນຫັນ (ຈ່ອຍຜອມ) ໃນແຕ່ລະປີ; ເດັກນ້ອຍ 1 ໃນ 3 ຄົນ ຍັງເຕັ້ຍເກີນໄປ ທຽບກັບອາຍຸຂອງເຂົາເຈົ້າ. ນອກນັ້ນ ພັດມີການເພີ່ມຂຶ້ນຂອງເດັກນ້ອຍທີ່ມີຄວາມອ້ວນ ຈາກ 2,0% ໃນປີ 2012 ມາເປັນ 3,5% ໃນ 2017 (LSIS 2) ​ເຊິ່ງຈໍາເປັນຕ້ອງສືບຕໍ່ເຮັດວຽກຮ່ວມກັນຢ່າງຕໍ່ເນື່ອງ ແລະ ໃກ້ຊິດ ເພື່ອເຮັດໃຫ້ອັດຕາດັ່ງກ່າວຫຼຸດລົງຕໍ່ໄປໃຫ້ຢູ່ໃນລະດັບທີ່ຍອມຮັບໄດ້.

ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - Wave100S AD to Website 2020 0 - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ

ກອງປະຊຸມຄັ້ງນີ້ ແມ່ນກາລະໂອກາດອັນດີ​ໃນ​ການແລກປ່ຽນຖອດຖອນບົດຮຽນການຈັດຕັ້ງປະຕິບັດແຜນງານ ແລະ ໂຄງການໂພຊະນາການຕ່າງໆ ທີ່ໄດ້ຮັບຜົນສໍາເລັດ ລວມທັງການປະຕິບັດທີ່ດີທີ່ສາມາດເປັນຕົວແບບ​ໃນ​ການ​ນໍາເອົາໄປໝູນໃຊ້, ເສີມຂະຫຍາຍ ແລະ ປັບປຸງວຽກງານໃຫ້ດີຂຶ້ນກວ່າເກົ່າ ​ເຊິ່ງໄດ້ມີການສົນທະນາແລກປ່ຽນບົດຮຽນໃນຫລາຍຫົວຂໍ້ເຊັ່ນ: ການເຮັດໂຄງການໂພຊະນາການ ແບບເຊື່ອມສານກັບວຽກງານກະສິກໍາ, ການບໍລິການສຸຂະພາບແມ່ ແລະ ເດັກ, ການສຶກສາ, ການສະໜອງນໍ້າສະອາດ, ວິດຖ່າຍ ແລະ ສຸຂະອະນາໄມສິ່ງແວດລ້ອມ, ການຕອບໂຕ້ໄພພິບັດ, ການຄຸ້ມຄອງການຂາດສານອາຫານກະທັນຫັນແບບເຊື່ອມສານ; ການປະສານງານ ແລະ ການມີສ່ວນຮ່ວມຫລາຍຂະແໜງການ, ການຮ່ວມມືລະຫວ່າງພາກລັດ-ເອກກະຊົນ ແລະ ການມີສ່ວນຮ່ວມຂອງຊຸມຊົນ, ການສື່ສານເພື່ອປ່ຽນແປງພຶດຕິກໍາໃນສັງຄົມດ້ານໂພຊະນາການ ແລະ ອື່ນໆ. ຜົນສໍາເລັດອັນພົ້ນເດັ່ນ, ສິ່ງທ້າທາຍ, ບົດຮຽນທີ່ຖອດຖອນໄດ້, ວິທີການ ແລະ ກົນໄກການປະສານງານ, ທິດທາງໃນຕໍ່ໜ້າ ໂດຍສະເພາະຄວາມຍືນຍົງຂອງໂຄງການຈະໄດ້ສົນທະນາຄົ້ນຄວ້າ ແລະ ແລກປ່ຽນປະສົບການນໍາກັນ.

ໂອກາດນີ້, ຮອງລັດຖະມົນຕີກະຊວງສາທາລະນະສຸກ ໄດ້ສະແດງຄວາມຂອບໃຈຕໍ່ບັນດາ ການນໍາ ແລະ ທີມງານຂອງກະຊວງສຶກສາທິການ ແລະ ກິລາ, ກະສິກໍາ ແລະ ປ່າໄມ້, ແຜນການ ແລະການລົງທຶນ ແລະ ກະຊວງການເງິນ ລວມທັງຂັ້ນແຂວງ, ອົງການສາກົນຕ່າງໆທຸກຂັ້ນ, ອົງການຈັດຕັ້ງມະຫາຊົນ ແລະ ອົງການຈັດຕັ້ງທາງສັງຄົມ ທີ່ໄດ້ມີການຮ່ວມມືອັນດີໃນການປັບປຸງວຽກງານໂພຊະນາການ ໂດຍເຮັດວຽກຮ່ວມກັນແບບເຊື່ອມສານ ແລະ ຢ່າງໃກ້ຊິດ ​ແລ​ະ ສະແດງຄວາມຂອບໃຈຕໍ່ອົງການອຸຍນິເຊັບ, ສະຫະພາບເອີຣົບ ແລະ ຄູ່ຮ່ວມງານອື່ນໆ ທີ່ໃຫ້ການຊ່ວຍເຫລືອດ້ານງົບປະມານ ແລະ ວິຊາການແກ່ ສປປລາວ ຕະຫລອດມາ ໃນການປັບປຸງວຽກງານໂພຊະນາການໃຫ້ດີຂຶ້ນ ເພື່ອສູ້ຊົນບັນລຸເປົ້າໝາຍການພັດທະນາແບບຍືນຍົງ (SDG 2).

ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - WhatsApp Image 2020 05 27 at 5 - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ
ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ - WhatsApp Image 2020 05 27 at 5 - ການຂາດສານອາຫານຊຳເຮື້ອຂອງເດັກນ້ອຍລາວຫລຸດລົງ
error: Alert: ເນື້ອຫາຂ່າວມີລິຂະສິດ !!