ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ

- Open new way - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ
- AGL banner - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ

ພິທີເປີດການນຳໃຊ້ເສັ້ນທາງເລກ 16 w ຢູ່ເມືອງປາກເຊ, ແຂວງຈຳປາສັກຢ່າງເປັນທາງການ, ໄດ້ຈັດຂຶ້ນໃນທ້າຍອາທິດຜ່ານມານີ້, ໂດຍການເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ, ມີບັນດາລັດຖະມົນຕີ, ຮອງລັດຖະມົນຕີ, ຮອງເຈົ້າແຂວງ ແລະ ພາກສ່ວນກ່ຽວຂ້ອງເຂົ້າຮ່ວມຢ່າງພ້ອມພຽງ.

ທ່ານ ອຸດອນ ແກ້ວດວງດີ ຜູ້ອຳນວຍການບໍລິສັດ ດວງດີກໍ່ສ້າງ-ຂົວທາງ ຈຳກັດ ເຊິ່ງໄດ້ຮັບສຳປະທານລົງທຶນໂຄງການດັ່ງກ່າວ ໃຫ້ຮູ້ວ່າ: ໂຄງການກໍ່ສ້າງຍົກລະດັບເສັ້ນທາງຫລວງແຫ່ງຊາດເລກທີ 16 w ແຕ່ຂົວຂ້າມນ້ຳຂອງລາວ-ຍີ່ປຸ່ນບ້ານຄັນແຍງຫາຊາຍແດນວັງເຕົ່າແຂວງຈຳປາສັກ, ມີຄວາມຍາວ 42,2 ກິໂລແມັດ, ເປັນໂຄງການລົງທຶນສຳປະທານແບບ BOT, ເຊິ່ງໄດ້ມີການຍົກລະດັບ ແລະ ຂະຫຍາຍເສັ້ນທາງຈາກທາງປູຢາງສອງຊັ້ນມີສອງຊ່ອງທາງໃນເມື່ອກ່ອນມາເປັນທາງປູຢາງອັດສະຟານ-ຄອນກຣີດ 4 ຊ່ອງທາງ, ມີຂະໜາດກວ້າງ 16-18 ແມັດ, ພ້ອມທັງກໍ່ສ້າງຂົວ 4 ແຫ່ງ ແລະ ຕໍ່ທໍ່ລອດທາງອີກ 149 ແຫ່ງ, ລວມມູນຄ່າການກໍ່ສ້າງ ທັງໝົດ 52 ລ້ານໂດລາສະຫະລັດ. ນອກຈາກນີ້, ຍັງໄດ້ກໍ່ສ້າງອາຄານເກັບເງິນແບບທັນສະໄໝມາດຕະຖານສາກົນອີກ 2 ຈຸດ, ພ້ອມສ້າງອາຄານ ແລະ ສະຖານີຊັ່ງນ້ຳໜັກອີກ 2 ແຫ່ງທີ່ບ້ານວັງເຕົ່າ ແລະ ບ້ານໜອງບົວ ເພື່ອຮັບປະກັນໃນການຄຸ້ມຄອງນ້ຳໜັກຂອງລົດ ແລະ ໃຫ້ການນຳໃຊ້ເສັ້ນທາງໄດ້ຢ່າງຍາວນານ.

ເສັ້ນທາງດັ່ງກ່າວໄດ້ເລີ່ມກໍ່ສ້າງມາແຕ່ຕົ້ນປີ 2012 ແລະ ໄດ້ເປີດທົດລອງນຳໃຊ້ ແລະ ທົດລອງເກັບຄ່າຜ່ານທາງມາແຕ່ທ້າຍປີ 2016 ໂດຍອັດຕາຄ່າຜ່ານທາງແມ່ນໄດ້ຮັບການຮັບຮອງຈາກລັດຖະບານ.

- Wave100S AD to Website 2020 0 - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ

ທ່ານຮອງເຈົ້າແຂວງຈຳປາສັກ ກ່າວວ່າ: ເສັ້ນທາງສາຍນີ້ແມ່ນເສັ້ນທາງຍຸດທະສາດສໍາຄັນຂອງປະເທດເວົ້າລວມ, ເວົ້າສະເພາະແມ່ນແຂວງຈໍາປາສັກ ແລະການປັບປຸງຍົກລະດັບເສັ້ນທາງສາຍນີ້ໃຫ້ມີມາດຕະຖານ, ສະດວກສະບາຍຍິ່ງຈະ ເປັນການປະກອບສ່ວນສຳຄັນເຂົ້າໃນການຊຸກຍູ້ການພັດທະນາເສດຖະກິດ-ສັງຄົມຂອງແຂວງ ເພື່ອຮອງຮັບໃຫ້ແກ່ການຂະຫຍາຍຕົວຂອງວຽກງານຄົມມະນາຄົມຂົນສົ່ງ, ການຄ້າ, ການລົງທຶນ ແລະ ການທ່ອງທ່ຽວຈາກບັນດາປະເທດໃກ້ຄຽງໃຫ້ມີຄວາມສະດວກວ່ອງໄວຂຶ້ນ, ທັງເປັນການປະກອບສ່ວນໃຫ້ແກ່ການເຊື່ອມໂຍງບັນດາປະເທດໃນພາກພື້ນອີກດ້ວຍ.

- WhatsApp Image 2020 05 27 at 5 - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ
- WhatsApp Image 2020 05 27 at 5 - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ
- WhatsApp Image 2020 05 27 at 5 - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ
- WhatsApp Image 2020 05 27 at 5 - ເປີດນຳໃຊ້ເສັ້ນທາງຫລວງເລກ 16 W ຢູ່ແຂວງຈໍາປາສັກ
error: Alert: Content is protected !!