ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ

ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ - tet holiday vietnamese lunar new year - ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ
ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ - Untitled design - ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ

ປະເພນີການລ່ວງເຮືອນຊານມື້ບຸນປີໃໝ່ຂອງຊາວຫວຽດນາມ ແມ່ນມີມາແຕ່ດົນນານ. ຊາວຫວຽດນາມເຂົ້າໃຈວ່າ ມື້ວັນທີ 1 ແມ່ນມື້ເລີ່ມຕົ້ນຂອງປີໃໝ່, ດັ່ງນັ້ນ ໃນວັນນີ້ ຖ້າຫາກທຸກສິ່ງທຸກຢ່າງຫາກເປັນໄປດ້ວຍດີ ກໍຈະເຮັດໃຫ້ຄອບຄົວເຮືອນຊານຂອງພວກເຂົາມີໂຊກລາບຕະຫຼອດປີ.

ນັບແຕ່ຈຸດຂີດຂອງປີໃໝ່ເປັນຕົ້ນໄປ (ຄົນຫວຽດນາມເຂົາເອີ້ນວ່າ: ເທີຍຄັກຢາວເຖື່ອ) ຖ້າຫາກມີຄົນທາງນອກທີ່ບໍ່ແມ່ນຄົນໃນຄອບຄົວຂອງຕົນເອງ ເຂົ້າໄປລ່ວງເຮືອນ(ເຂົ້າມາໃນເຮືອນ) ກ່ອນໝູ່ ແລະ ໃຫ້ຄຳອວຍພອນ ຖືວ່າເປັນການນຳເອົາຄວາມໂຊກລາບ, ມັ່ງມີສີສຸກ ມາໃຫ້ແກ່ຄອບຄົວ, ແຕ່ຜູ້ທີ່ເຂົ້າເຮືອນເປັນຄົນທຳອິດໃນມື້ປີໃໝ່ນັ້ນ ຕ້ອງເປັນຜູ້ທີ່ມີບົດບາດສຳຄັນເຊັ່ນ: ເປັນເຖົ້າແກ່ລຸງຕາ, ເຈົ້າກົກເຈົ້າເຫຼົ່າ, ຜູ້ທີ່ມີສີສັນຖານະຕຳແໜ່ງ, ຮັ່ງມີດີໄດ້ ກໍຍິ່ງຈະເຮັດໃຫ້ຄອບຄົວຂອງເຂົາ ມີໂຊກລາບຫຼາຍເຫຼືອລົ້ນ “ກິນບໍ່ໝົດ ຈົກບໍ່ແຫ້ງ” ຕະຫຼອດປີ. ດັ່ງນັ້ນ, ມື້ຂຶ້ນປີໃໝ່ຄໍ່າໜຶ່ງນັ້ນ ຕ້ອງເລືອກເຊີນເອົາຜູ້ທີ່ມີວຸດທິພາວະ, ເປັນຄົນລື່ນເລີງ, ຈີດໃຈດີ, ມີມະນຸດສຳພັນ, ມີຜົນສຳເລັດໃນໜ້າທີ່ວຽກງານ ໃນຈຸ້ມຕະກຸນຕົນເອງ ຫຼື ຄົນໃນບ້ານມາລ່ວງເຮືອນໃຫ້(ມາເຂົ້າເຮືອນໃຫ້ກ່ອນໝູ່ໃນມື້ນັ້ນ) ປະມານ 5-10 ນາທີ ບໍ່ໄດ້ຢູ່ດົນ, ຫຼັງຈາກນັ້ນ ຜູ້ອື່ນໆ ກໍເຂົ້າໄດ້ຕາມທຳມະດາ. ຫຼື ວິທີລ່ວງເຮືອນ ອີກວິທີການໜຶ່ງກໍຄື, ເອົາຜູ້ໃຫ່ຍໄມ້ສາູງ ອາວຸໂສສຸດໃນເຮືອນນັ້ນລ່ວງເອົາເອງກໍໄດ້, ແຕ່ຜູ້ນັ້ນຕ້ອງອອກຈາກເຮືອນໄປກ່ອນຈະຢ່າງເຂົ້າປີໃໝ່, ເມື່ອຢ່າງເຂົ້າປີໃໝ່ແລ້ວ ຈຶ່ງກັບມາລ່ວງເຮືອນຊານ ເພື່ອເປັນສີລິມຸງຄຸນ, ນຳໂຊກລາບມາພ້ອມເຊັ່ນ: ມີກິ່ງດອກໄມ້ນຳໂຊກມາໃຫ້ແກ່ຄອບຄົວ.

ອີກປະເພໜຶ່ງ ທີ່ຊາວຫວຽດນາມເຄີຍປະຕິບັດກັນມາກໍຄື ຈະບໍ່ໄປຢາມກັນ ຫຼື ເຂົ້າເຮືອນຄົນອື່ນ ໃນວັນມື້ຂຶ້ນປີໃໝ່(ວັນທີ 1) ແລະ ຊາວຫວຽດນາມກໍຂະລຳທີ່ສຸດທີ່ມີຜູ້ອາຍຸບໍ່ທັນເຖິງວຸດທິພາວະ ຫຼື ຜູ້ມີອາຍຸບໍ່ປະສົມກັນ ມາລ່ວງເຮືອນມື້ຂຶ້ນປີໃໝ່. ສະນັ້ນ, ກ່ອນທີ່ຈະເຊື່ອເຊີນເອົາຜູ້ໃດຜູ້ໜຶ່ງມາລ່ວງເຮືອນໃຫ້ ຊາວຫວຽດນາມມັກຈະເບິ່ງອາຍຸ, ວັນເດືອນ-ປີເກີດທີ່ເໝາະສົມລ່ວງເຮືອນໃຫ້ເປັນຄົນທຳອິດຂອງມື້ຂຶ້ນໜຶ່ງຄໍ່າຂອງປີໃໝ່.

ການເລືອກເອົາຄົນມາລ່ວງເຮືອນໃຫ້ ຄວນຫຼີກລ່ຽງ ຜູ້ທີ່ກຳລັງປະສົບກັບຄວາມເສົ້າໂສກ ເຊັ່ນມີຄົນຕາຍ. ກໍລະນີເຮືອນນັ້ນ ຫາກມີຄົນຕາຍ ກໍບໍ່ຕ້ອງໄປຂຶ້ນ ຫຼື ເຂົ້າເຮືອນຄົນອື່ນ ໃນມື້ວັນທີໜຶ່ງຂອງປີໃໝ່, ຜູ້ຍິງທີ່ກຳລັງຖືພາ ກໍບໍ່ຄວນໄປໃສໃນມື້ວັນຕົ້ນປີໃໝ່ ເພາະຫວຽດນາມມີຄຳສຸພາສິດວ່າ: “ເຫດຮ້າຍ ໝາຍມາຈາກຄວາມດີ” ນີ້ຄືຄວາມໝາຍ ຂອງການຂະລຳໃນວັນຂຶ້ນປີໃໝ່ຂອງຊາວຫວຽດນາມ.

ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ - Wave100S AD to Website 2020 0 - ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ

 

ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ - WhatsApp Image 2020 05 27 at 5 - ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ
ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ - WhatsApp Image 2020 05 27 at 5 - ມາຮູ້ຈັກກັບປະເພນີ ລ່ວງເຮືອນ  ມື້ປີໃໝ່ຂອງຊາວຫວຽດນາມ
error: Alert: ເນື້ອຫາຂ່າວມີລິຂະສິດ !!