10 ຂໍ້ຫ້າມໃນມື້ບຸນປີໃໝ່ຂອງຊາວຈີນ ແລະ ຫວຽດນາມ
Kham Phut
ສຶກສາ- ວັດທະນະທຳ
- ບໍ່ລ່ວງເຮືອນຄົນອື່ນ ໃນມື້ວັນທີ 1, ຖ້າບໍ່ທັນມີຜູ້ໂຊກລາບມາລ່ວງໃຫ້ກ່ອນ ຫຼື ບໍ່ຖືກເຊີນໃຫ້ລ່ວງ, ຖ້າບໍ່ດັ່ງນັ້ນ ຄອບຄົວຂອງເຂົາຈະບໍ່ມີໂຊກລາບ.
- ບໍ່ທຳຄວາມສະອາດ ໂດຍສະເພາະ ແມ່ນການປັດກວາດເຮືອນຊານ ຕະຫຼອດມື້ບຸນປີໃໝ່ ເພາະມັນຈະເປັນການປັດກວາດໂຊກລາບໃນປີໃໝ່ອອກຈາກເຮືອນ.
- ຫ້າມທວງໜີ້ ທວງສິນ ຫຼື ໃຫ້ການກູ້ຢືມເງິນກັນ ເພາະມັນຈະເປັນໜີ້ເປັນສິນ ຕະຫຼອດໄປ.
- ຫ້າມຂ້າສັດຕັດຊີວິດ. ຖ້າຢາກກິນກໍຕ້ອງກະກຽມໄວ້ກ່ອນມື້ຮອດບຸນປີໃໝ່ ເພາະມັນບໍ່ເປັນມຸງຄຸນ ຕໍ່ຊີວິດ.
- ຫ້າມເອົາສິ່ງຂ້ອງກ່ຽວກັບນໍ້າ ຫຼື ໄຟ ອອກຈາກເຮືອນ ເພາະສິ່ງເຫຼົ່ານັ້ນ ມັນເປັນສິ່ງຄໍ້າຄູນ, ອົບອຸ່ນຂອງຄອບຄົວ.
- ຫ້າມເວົ້າສິ່ງບໍ່ດີ, ປ້ອຍດ່າກັນມື້ວັນຂຶ້ນປີໃໝ່ ເພາະມັນບໍ່ເປັນມຸງຄຸນ.
- ຫ້າມອອກເດີນທາງ ພາຍໃນ 5 ວັນຂອງປີໃໝ່ ເພາະບັນພະບູລຸດຈະກັບມາຢາມເຮືອນ.
- ບໍ່ນຸ່ງເຄື່ອງສີຂາວ ແລະ ສີດຳ. ເຂົ້າໃຈວ່າສີດຳ ແລະ ສີຂາວ ແມ່ນສີໄວ້ອາໄລຄົນຕາຍ.
- ຫ້າມກິນປາມຶກ, ກຸ້ງ, ຫອຍ, ເຕົ່າ, ເປັດ ແລະ ປະເພດອາຫານມີລົດສົ້ມ ເພາະນໍ້າມຶກເປັນສີດຳ, ກຸ້ງຖອຍຫຼັງ, ຫອຍ, ເຕົ່າ ໄປຊ້າ
- ຫ້າມໃຫ້ຂອງຂວັນເປັນ ໂມງ, ແມວ, ຢາ, ນໍ້າມຶກ, ມີດຕັດ ເຂົ້າໃຈວ່າ ຈະນຶກເຖິງຄວາມບໍ່ດີ.