ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ

- give arm in Khaophansa - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ
- AGL banner - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ

ເຊົ້າວັນທີ 8 ກໍລະກົດນີ້, ຊຶ່ງກົງກັບຂຶ້ນ 15 ຄໍ່າເດືອນ 8 ລາວ ແລະ ເປັນມື້ເຂົ້າພັນສາຂອງພະສົງຕາມປະເພນີທີ່ໄດ້ສືບທອດກັນມາ, ຕາມຮີດ 12 ຄອງ 14 ຂອງຊາວພຸດລາວເຮົາ, ຊຶ່ງວັດຕ່າງໆໃນຂອບເຂດທົ່ວປະເທດໄດ້ຈັດໃຫ້ມີພິທີຕັກບາດ, ຖວາຍສັງຄະທານແກ່ພະສົງດັ່ງທຸກໆປີຜ່ານມາ ແລະ ເຊົ້າຂອງວັນດັ່ງກ່າວໄດ້ມີຊາວພຸດທະສາສະນິກະຊົນ ແລະ ອອກຕົນຍາດໂຍມຕ່າງໆກໍມີການປະດັບປະດາໄປດ້ວຍເຄື່ອງນຸ່ງໃໝ່ໆທັງຍິງ ແລະ ຊາຍ, ເດັກນ້ອຍ, ຜູ້ໃຫຍ່, ເຖົ້າແກ່ອາວຸໂສ ກໍຈະຖືຂັນ-ໂອ ທີ່ປະກອບໄປດ້ວຍວັດຖຸປັດໄຈ, ທູບທຽນ, ດອກໄມ້ບູຊາ ເພື່ອເຂົ້າມາວັດໃນເຂດບ້ານຂອງຕົນ ເພື່ອຮ່ວມໃສ່ບາດ ແລະ ຟັງເທດສະໜາຢ່າງພ້ອມພຽງຮຽງໜ້າດ້ວຍຈິດໃຈຊື່ນບານ, ໂດຍໄດ້ນຳເອົາເຄື່ອງປັດໄຈທານຂອງຕົນໄປມອບແດ່ພະສົງສຳມະເນນດ້ວຍຈິດໃຈອັນຜ່ອງໃສ, ເພື່ອລະນຶກເຖິງຄຸນຂອງພະຣັດຕະນະໄຕຣ 3 ປະການຄື: ຄຸນພະພຸດ, ພະທຳ ແລະ ພະສົງ, ພ້ອມທັງອຸທິດສ່ວນບຸນກຸສົນໄປເຖິງດວງວິນຍານຂອງບັນພະບູລຸດ, ຄຸນບິດາມານດາ, ຄູບາອາຈານ ແລະ ຍາດພີ່ນ້ອງທີ່ລ່ວງລັບໄປແລ້ວນັ້ນໃຫ້ມາຮັບເອົາເຄື່ອງປັດໄຈທານຕ່າງໆດັ່ງກ່າວ, ພ້ອມກັນນີ້ ກໍຍັງມີຜູ້ທີ່ມີຈິດໃຈໃສສັດທາເປັນຈຳນວນຫລາຍທີ່ຮ່ວມບໍລິຈາກເພື່ອອຸປະຖໍາບຳລຸງພະພຸດທະສາສະໜາ, ເປັນຕົ້ນແມ່ນການສ້າງກຸຕິ, ສາລາຢູ່ຕາມວັດຕ່າງໆໃຫ້ເຫລື້ອມໃສຕະຫລອດໄປ.

ຄວາມເປັນມາຂອງບຸນປະເພນີເຂົ້າພັນສາ

- Wave100S AD to Website 2020 0 - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ

ຕາມຄຳບອກເລົ່າຂອງຜູ້ເຖົ້າຜູ້ແກ່ ໃຫ້ຮູ້ວ່າ: ວັນບຸນເຂົ້າພັນສາເປັນວັນວິສະຄະບູຊາຂອງພະສຳມະສຳພຸດທະເຈົ້າ, ທັງເປັນໄລຍະເຂົ້າຈຳພັນສາຂອງພະສົງເປັນເວລາ 3 ເດືອນທີ່ໄດ້ສືບທອດກັນມາແຕ່ສະໄໝພຸດທະການ, ຊຶ່ງການເຂົ້າພັນສານີ້, ແມ່ນເປັນຄຳຂໍຮ້ອງຂອງຊາວກະສິກອນໃນສະໄໝທີ່ພຸດທະການທີ່ຕ້ອງການໃຫ້ພະສົງສາວົກຂອງພະສຳມາສຳພຸດທະເຈົ້າຢຸດທຽວສັນຈອນໄປມາໃນໄລຍະລະດູຝົນ, ເນື່ອງຈາກວ່າເປັນລະດູທຳການຜະລິດຂອງຊາວກະສິກອນ, ເຮັດໃຫ້ເຄື່ອງປູກ ແລະ ໄຮ່ນາຕາກ້າເກີດຄວາມເສຍຫາຍ, ເມື່ອພະສຳມາສຳພຸດທະເຈົ້າໄດ້ຮັບຮູ້ເຊັ່ນນັ້ນແລ້ວ, ຈຶ່ງໄດ້ວາງຂໍບັນຍັດອອກມາວ່າ: ຫ້າມບໍ່ໃຫ້ພະສົງສາວົກທຽວສັນຈອນໄປມາໃນໄລຍະລະດູຝົນ, ໂດຍໃຫ້ຈຳພັນສາ, ເພື່ອບຳເພັນພຽງຈະເລີນເມດຕາພາວະນາຢູ່ຕາມອາຣາມ ຫລື ວັດວາຂອງໃຜລາວເປັນໄລຍະເວລາ 3 ເດືອນ ນັບແຕ່ມື້ຂຶ້ນ 15 ຄ່ຳເດືອນ 8 ຈົນເຖິງມື້ຂຶ້ນ 15 ຄໍ່າເດືອນ 11 ເພັງ, ຊຶ່ງໄລຍະເຂົ້າພັນສານັ້ນ ແມ່ນຫ້າມພະສົງເຄື່ອນຍ້າຍສັນຈອນໄປ-ມາ ຫລື ພັກແຮມຄ້າງຄືນຢູ່ວັດອື່ນທີ່ບໍ່ແມ່ນວັດຂອງຕົນໃນຍາມວິການ, ເວັ້ນເສຍແຕ່ກໍລະນີຈຳເປັນແຕ່ບໍ່ໃຫ້ເກີນ 7 ວັນ, ຖ້າຫາກພະສົງອົງໃດຢູ່ຈຳພັນສາບໍ່ຄົບ 3 ເດືອນຕາມກຳນົດ, ຖືວ່າພັນສາຂາດ ແລະ ພະອົງນັ້ນບໍ່ມີພັນສາເລີຍໃນປີນັ້ນ.

- WhatsApp Image 2020 05 27 at 5 - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ
- WhatsApp Image 2020 05 27 at 5 - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ
- WhatsApp Image 2020 05 27 at 5 - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ
- WhatsApp Image 2020 05 27 at 5 - ຊາວພຸດລາວຮ່ວມໃສ່ບາດບຸນເຂົ້າພັນສາດ້ວຍຈິດໃຈຊື່ນບານ
error: Alert: Content is protected !!