ຝຣັ່ງ ຫ້າມບໍ່ໃຫ້ມີການຂາຍລົດໃສ່ນໍ້າມັນນັບແຕ່ປີ 2040 ເປັນຕົ້ນໄປ

- advert banner 728 90 728x90 - ຝຣັ່ງ ຫ້າມບໍ່ໃຫ້ມີການຂາຍລົດໃສ່ນໍ້າມັນນັບແຕ່ປີ 2040 ເປັນຕົ້ນໄປ

ລັດຖະມົນຕີສິ່ງແວດລ້ອຂອງປະເທດຝຣັ່ງ ປະກາດວ່າ: ນັບແຕ່ປີ 2040 ຈະບໍ່ມີການຂາຍລົດທີ່ໃສ່ນໍ້າມັນເຊື້ອ​ໄຟທັງແບບ​ແອັດ​ຊັງ ແລະ ກາ​ຊວນໃນປະເທດຝຣັ່ງອີກຕໍ່ໄປ.

- new3 - ຝຣັ່ງ ຫ້າມບໍ່ໃຫ້ມີການຂາຍລົດໃສ່ນໍ້າມັນນັບແຕ່ປີ 2040 ເປັນຕົ້ນໄປ

ໂດຍທ່ານ Nicolas Hulot  ລັດຖະມົນຕີວ່າການກະຊວງສິ່ງແວດລ້ອມ ຂອງປະເທດຝຣັ່ງ ໄດ້ວາງແຜນງານເປັນໄລຍະເວລາ 5 ປີ ເພື່ອສົ່ງເສີມການໃຊ້ພະລັງງານສະອາດໃຫ້ສອດຄ່ອງກັບຂໍ້ຕົກລົງປາຣີ (Paris accord  ຂອບອະນຸສັນຍາສະຫະປະຊາຊາດວ່າດ້ວຍການປ່ຽນແປງສະພາບອາກາດ ເພື່ອກໍານົດມາດຕະການຫຼຸດການປ່ອຍ​ແກັສກາກບອນໄດອອກໄຊ) ແລະ ຍັງກ່າວອີກວ່າ: ບໍລິສັດຜະລິດລົດຍົນສັນຊາດຝຣັ່ງ ສາມາດເຮັດໃຫ້ສິ່ງນີ້ກາຍເປັນຄວາມຈິງໄດ້.

​ເຊິ່ງການຖະແຫຼງຂ່າວຂອງ Nicolas Hulot  ເກີດຂຶ້ນພຽງໜຶ່ງວັນ ພາຍຫຼັງບໍລິສັດຜະລິດລົດຍົນສັນຊາດຊູ​ແອດເຊັ່ນ: Volvo ໄດ້ປະກາດວ່າ: ຈະເປັນແບນລົດຍົນລາຍທໍາອິດຂອງໂລກ ທີ່ຍົກເລີກການຜະລິດລົດເກັງ ແລະ ລົດ SUV ທີ່ໃຊ້ເຄື່ອງຍົນແບບສັນດາບພາຍໃນ (ຫຼື ເຊົາຜະລິດລົດທີ່ໃສ່ນໍ້າມັນນັ້ນເອງ).

ໂດຍຜູ້ນໍາຂອງຝຣັ່ງ ຕ້ອງການໃຫ້ຮູບແບບລົດທີ່ໃສ່ນໍ້າມັນກາ​ຊວນ​ນັບແຕ່ປີ 2020 ໂດຍທີ່ລົດຍົນກາ​ຊວນ ໄດ້ຕົກເປັນຈໍາເລີຍໃນເລື່ອງຂອງການເຮັດໃຫ້ເກີດມົນລະ​ພິດໃນເມືອງຫຼວງຂອງປະເທດເຊັ່ນປາຣີ.

ແຕ່ແຜນງານຂອງ Nicolas Hulot  ຄວບຄຸມທົ່ວປະເທດ ແລະ ຕ້ອງການຫ້າມລົດທີ່ໃສ່ນໍ້າ​ແອັດ​ຊັງ​ນຳ ແລະ ຈາກຄວາມເປັນຈິງທີ່ວ່າ ລົດທີ່ໃຊ້ພະລັງງານໄຟຟ້ານັ້ນ ມີລາຄາແພງກວ່າລົດທີ່ໃສ່ນໍ້າມັນ ທ່ານຈຶ່ງມີແຜນການທີ່ຈະຊ່ວຍເຫຼືອໃຫ້ຄອບຄົວທີ່ມີລາຍຮັບບໍ່ຫຼາຍ ສາມາດຊື້ລົດພະລັງງານໄຟຟ້າໄດ້.

- lattana 1 - ຝຣັ່ງ ຫ້າມບໍ່ໃຫ້ມີການຂາຍລົດໃສ່ນໍ້າມັນນັບແຕ່ປີ 2040 ເປັນຕົ້ນໄປ

ໂດຍບໍລິສັດ PSA Group ທີ່ເບິ່ງແຍງການຜລິດລົດຍົນຍີ່​ຫໍ້ຝຣັ່ງເຊັ່ນ Peugeot ແລະ Citroen  ໄດ້ອອກມາກ່າວຂ່າວວ່າ: ກະຊວງສິ່ງແວດລ້ອມ ໄດ້ຕັ້ງເປົ້າໝາຍໄວ້ວ່າ ພາຍໃນປີ 2023 ຍອດການຜະລດລົດຍົນພະລັງງານໄຟຟ້າ ແລະ ລົດຍົນ Hybrid ຕ້ອງມີຈໍານວນເປັນ 80% ຂອງຍອດການຜະລິດທັງໝົດ.

ນອກຈາກເລື່ອງການສະໜັບສະໜູນໃຫ້ປະຊາຊົນໃຊ້ລົດພະລັງງານໄຟຟ້າແລ້ວ Nicolas Hulot  ຍັງມີເປົ້າໝາຍໃນການທີ່ຈະໃຫ້ຝຣັ່ງຢຸດຕິການໃຊ້ພະລັງງານໄຟຟ້າທີ່ຜະລິດຈາກຖ່ານຫີນພາຍໃນປີ 2022 ໂດຍປັດຈຸບັນນີ້ ກໍາລັງການຜະລິດໄຟຟ້າ 5% ມາຈາກຖ່ານຫີນ ລວມທັງມີແຜນການທີ່ຈະຫຼຸດອັດຕາສ່ວນການຜະລິດໄຟຟ້າຈາກພະລັງງານນິວເຄຼຍ ຈາກ 75% ໃຫ້ເຫຼືອພຽງ 50% ພາຍໃນປີ 2025 ນຳອີກ.

error: Content is protected !!