ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ

ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ - 4341 - ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ
ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ - Untitled design - ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ

ກະຊວງອຸດສະຫະກໍາ ແລະ ການຄ້າ ແລະ ແຂວງອັດຕະປື ໄດ້ເຊັນສັນຍາຮ່ວມ​ມືຫລາຍວຽກງານສໍາຄັນ ​ເປັນ​ຕົ້ນ ວຽກງານເຊື່ອມໂຍງ ແລະ ເຊື່ອມຈອດເສດຖະກິດ ກັບພາກພື້ນ ແລະ ສາກົນ ເພື່ອຊອກຫາຕະຫລາດຈຳໜ່າຍສິນຄ້າລາວ ກໍຄື ສິນຄ້າຂອງ ແຂວງອັດຕະປື; ວຽກງານສົ່ງເສີມການພັດທະນາ ແລະ ຜະລິດເປັນສິນຄ້າ ຕິດພັນກັບຕະຫລາດ; ວຽກງານສ້າງຄວາມເຂັ້ມແຂງ ແລະ ສະພາບແວດລ້ອມທີ່ເອື້ອອຳນວຍໃຫ້ແກ່ພາກທຸລະກິດ ມີລະບົບຕິດຕາມ ລາຍການ ແລະ ສະໜອງຂໍ້ມູນທີ່ຈຳເປັນ ພ້ອມທັງມີການພົບປະປຶກສາຫາລື ເພື່ອຮັດແໜ້ນການປະສານງານ ລະຫ່ວາງ ກະຊວງອຸດສະຫະກຳ ແລະ ການຄ້າ ກັບແຂວງອັດຕະປື ບົນພື້ນຖານການຜັນຂະຫຍາຍແນວທາງນະໂຍບາຍ ແລະ ການຈັດຕັ້ງປະຕິບັດແຜນພັດທະນາເສດຖະກິດສັງ-ສັງຄົມແຫ່ງຊາດ 5 ປີ ຄັ້ງທີ IX ກໍຄືແຜນພັດທະນາ 5 ປີ ຂອງກະຊວງອຸດສະຫະກຳ ແລະ ການຄ້າ ແລະ ແຜນພັດທະນາ 5 ປີ ຂອງ ແຂວງອັດຕະປື ແຕ່ປີ 2021-2025 ຕາມພາລະບົດບາດຂອງທັງສອງພາກສ່ວນ ໃຫ້ເກີປະໂຫຍດສູງສຸດແກ່ການພັດທະນາຂອງແຂວງ ກໍຄືປະເທດຊາດ.

ພິທີເຊັນສັນຍາການຮ່ວມມືຄັ້ງ​ນີ້, ຈັດ​ຂຶ້ນໃນວັນທີ 11 ກຸມພາ 2021 ​ໂດຍ​ການ​ຮ່ວມ​ລົງ​ນາມ ລະຫວ່າງ ທ່ານ ເລັດ ໄຊຍະພອນ ເຈົ້າແຂວງອັດຕະປື ແລະ ທ່ານນາງ ເຂັມມະນີ ພົນເສນາ ລັດຖະມົນຕີກະຊວງອຸດສະຫະກໍາ ແລະ ການຄ້າ,, ມີ​ພາຫສ່ວນ​ກ່ຽວ​ຂອງ​ສອງ​ຝ່າຍ​ເຂົ້າ​ຮ່ວມ.

ທ່ານ ສຸດໃຈ ກົມມະເມືອງ ຫົວໜ້າພະແນກອຸດສະຫະກຳ ແລະ ການຄ້າ ແຂວງອັດຕະປື ໄດ້ລາຍງານການຈັດຕັ້ງປະຕິບັດແຜນພັດທະນາວຽກງານອຸດສະຫະກຳ ແລະ ການຄ້າ ໃນປີ 2020 ແລະ ທິດທາງແຜນການ ປີ 2021 ໃຫ້ຮູ້ວ່າ: ໃນໄລຍະຜ່ານມາຂະແໜງອຸດສາຫະກຳ ແລະ ການຄ້າ ໄດ້ເອົາໃຈໃສ່ໃນການຄຸ້ມຄອງບໍລິຫານລັດ ຕາມທິດເອື້ອອຳນວຍ ແລະ ສົ່ງເສີມການຈັດຕັ້ງ ແລະ ເຄື່ອນໄຫວທຸລະກິດ ເປັນຕົ້ນວຽກງານອຸດສະຫະກຳປຸງແຕ່ງ ແລະ ຫັດຖະກຳ ຫັດຖະກຳ ປີ 2020 ສາມາດສ້າງມູນຄ່າ ໄດ້ 368.7 ຕື້ກີບ, ການຈໍລະຈອນຂາຍຍົກ-ຂາຍຍ່ອຍ ປີ 2020 ບັນລຸໄດ້ 6.38,2 ຕື້ກີບ, ຄຸ້ມຄອງທະບຽນວິສາຫະກິດ ມີທຶນຈົດທະບຽນ 1.810 ຕື້ກີບ, ຄຸ້ມຄອງການນຳເຂົ້າ-ສົ່ງອອກ ປະຕິບັດໄດ້ 125 ລ້ານໂດລາ, ພ້ອມນີ້ ກໍໄດ້ຊຸກຍູ້ສົ່ງເສີມວິສາຫະກິດຂະໜາດນ້ອຍ-ຂະໜາດກາງ (SME) ແລະ ການຄ້າ, ປັດຈຸບັນຈໍານວນຫົວໜ່ວຍ SME ພາຍໃນ ແຂວງມີທັງໝົດ 2.357 ຫົວໜ່ວຍ ແລະ ມີຜະລິດຕະພັນທີ່ໄດ້ຮັບການຢັ້ງຢືນກາໝາຍ ໂອດັອບ 6 ຜະລິດຕະພັນ.

ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ - Wave100S AD to Website 2020 0 - ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ
ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ - WhatsApp Image 2020 05 27 at 5 - ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ
ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ - WhatsApp Image 2020 05 27 at 5 - ແຂວງອັດຕະປື ແລະ ກະຊວງອຸດສະຫະກຳ ແລະ ການຄ້າ ສືບຕໍ່ການຮ່ວມມືຫລາຍວຽກງານ
error: Alert: ເນື້ອຫາຂ່າວມີລິຂະສິດ !!