ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ

- 012201 2021 - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ
- Untitled design - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ

ລະດັບນຳ້ຕານໃນເລືອດທີ່ເພີ່ມຂຶ້ນຈະສົ່ງຜົນເຮັດໃຫ້ຮ່າງກາຍຜະລິດອິນຊູລິນຫລາຍຂຶ້ນ ເພື່ອປ່ຽນນຳ້ຕານໃຫ້ເປັນໄຂມັນ ແລະ ເອົາໄປສະສົມໄວ້ໃນຮ່າງກາຍ ຫາກມັກກິນອາຫານທີ່ມີລົດຊາດຫວານ ແລະ ກິນໃນປະລິມານຫລາຍເປັນປະຈຳ ກໍຈະເຮັດໃຫ້ຮ່າງກາຍຜະລິດອິນຊູລິນຜິດປົກກະຕິ ແລະ ນຳໄປສູ່ການເກີດພະຍາດເບົາຫວານໄດ້. ນອກຈາກນີ້, ຫາກລະດັບນຳ້ຕານໃນເລືອດເພີ່ມສູງຂຶ້ນ ແລະ ຫລຸດລົງຢ່າງໄວວາ ຈະເຮັດໃຫ້ຮູ້ສຶກຫິວງ່າຍ ແລະ ກິນຈຸກຈິກ ຈົນນຳໄປສູ່ຄວາມຕຸ້ຍລົງພຸງໄດ້ງ່າຍ.​ ມາຮູ້ຈັກອາຫານທີ່ຜູ້ຊ່ຽວຊານຍີ່ປຸ່ນແນະນຳໃຫ້ກິນເປັນປະຈຳ ເພື່ອຈຸດປະສົງໃນການຊ່ວຍຫລຸດລະດັບນຳ້ຕານທີ່ເພີ່ມສູງໃນເລືອດ ແລະ ເຮັດໃຫ້ລະດັບນຳ້ຕານໃນເລືອດເພີ່ມຂຶ້ນຢ່າງຊ້າໆ ສົ່ງຜົນໃນການຮັກສາລະດັບການຜະລິດອິນຊູລິນໃນຮ່າງກາຍໃຫ້ປົກກະຕິກັນເລີຍ.

- 012201 2021 300x199 - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ

- Wave100S AD to Website 2020 0 - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ
  • ຫົວຜັກບົ່ວໃຫຍ່ : ມີສານໄອໂຊອັລລິອິນ ເຊິ່ງສົ່ງຜົນໃນການຊ່ວຍການເຮັດວຽກຂອງອິນຊູລິນໃນການຄວບຄຸມລະດັບນຳ້ຕານໃນເລືອດ ໂດຍປະລິມານທີ່ຄວນກິນເພື່ອຄວບຄຸມລະດັບນຳ້ຕານໃນເລືອດນັ້ນປະມານມື້ລະ ¼ ຫລື ½ ຫົວ ທັງແບບດິບ ຫລື ແບບສຸກຕາມໃຈມັກ.
  • ໝາກອະໂວກາໂດ້ : ອຸດົມໄປດ້ວຍໄຂມັນຊະນິດບໍ່ອີ່ມໂຕ ເຊິ່ງຊ່ວຍຫລຸດການໄຫລຂອງນຳ້ຕານໄປຍັງຫລອດເລືອດ. ດັ່ງນັ້ນ, ຈຶ່ງຊ່ວຍປ້ອງກັນບໍ່ໃຫ້ລະດັບນຳ້ຕານໃນເລືອດເພີ່ມຂຶ້ນຢ່າງໄວວາ. ນອກຈາກນີ້, ອະໂວກາໂດ້ຍັງອຸດົມໄປດ້ວຍເສັ້ນໄຍອາຫານທີ່ລະລາຍນຳ້ໄດ້ ເຊິ່ງຊ່ວຍຂັດຂວາງການດູດຊຶມນຳ້ຕານຈາກອາຫານເຂົ້າສູ່ຮ່າງກາຍ.

- 022201 2021 300x200 - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ

  • ຖົ່ວດິນ : ມີເພັກຕິນ ເປັນເສັ້ນໄຍຊະນິດລະລາຍນຳ້ໄດ້ ເພັກຕິນຈະຊ່ວຍຫລຸດການເພີ່ມຂຶ້ນຂອງລະດັບນຳ້ຕານໃນເລືອດຫລັງການກິນອາຫານ ຈຶ່ງເປັນວິທີການປ້ອງກັນພະຍາດເບົາຫວານຂອງຄົນຍີ່ປຸ່ນ.
  • ປາ : ປາຊາບະ, ປາຊາດີນ, ປາທູ, ປາຊັນມະ ແລະ ປາຄັດສຶໂອະ ເປັນຕົ້ນ ອຸດົມໄປດ້ວຍກົດໄຂມັນໂອເມກ້າ 3 ແລະ ວິຕາມິນ D ເຊິ່ງເຮັດວຽກຮ່ວມກັນໃນການເຮັດໃຫ້ການຫລັ່ງຂອງອິນຊູລິນເປັນປົກກະຕິ.
  • ຕົ້ນອ່ອນຜັກກະລໍ່າດອກ ຫລື ບຣັອກໂຄລີ່ : ມີສານຊັລໂຟຣາເຟັນ ເຊິ່ງຊ່ວຍໃຫ້ຮ່າງກາຍຄວບຄຸມລະດັບນຳ້ຕານໃນເລືອດໄດ້ດີ. ນອກຈາກຕົ້ນອ່ອນບຣັອກໂຄລີ່ແລ້ວ, ຜັກກະລໍ່າດອກ, ຜັກກະລໍ່າ, ຜັກກາດນາ ແລະ ຜັກກາດຂາວ ກໍມີສານຊັລໂຟຣາເຟັນຄືກັນ, ແຕ່ຕົ້ນອ່ອນບຣັອກໂຄລີ່ຈະມີສານຊະນິດນີ້ຫລາຍທີ່ສຸດ.
  • ເຂົ້າເບລ : ມີເບຕ້າກລູແຄນ ເຊິ່ງເປັນເສັ້ນໄຍອາຫານຊະນິດລະລາຍນຳ້ໄດ້ ແລະ ຊ່ວຍປ້ອງກັນການເພີ່ມຂຶ້ນຂອງລະດັບນຳ້ຕານໃນເລືອດ. ນອກຈາກນີ້, ເຂົ້າເບລຍັງອຸດົມໄປດ້ວຍເສັ້ນໄຍອາຫານຊະນິດບໍ່ລະລາຍນຳ້ ເຊິ່ງເຮັດໃຫ້ຮູ້ສຶກອີ່ມທ້ອງໄວ ແລະ ເຮັດໃຫ້ກິນອາຫານໄດ້ໜ້ອຍ ສົ່ງຜົນໃນການປ້ອງກັນການເພີ່ມຂຶ້ນຂອງລະດັບນຳ້ຕານໃນເລືອດໂດຍທາງອ້ອມ. ນອກຈາກ ເຂົ້າເບລແລ້ວ ໝາກສາລີ, ແປ້ງສາລີ, ເຂົ້າກໍ່າ ກໍມີເບຕ້າກລູແຄນຫລາຍຄືກັນ.
- WhatsApp Image 2020 05 27 at 5 - ອາຫານຄວບຄຸມນຳ້ຕານໃນເລືອດທີ່ຄົນຍີ່ປຸ່ນແນະນຳ
No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: ເນື້ອຫາຂ່າວມີລິຂະສິດ !!