ມະຕິຄັ້ງທີ XI ຂອງພັກຈາກຄໍາພີສູ່ພຶດຕິກໍາພົ້ນທຸກ

ມະຕິຄັ້ງທີ xi ຂອງພັກຈາກຄໍາພີສູ່ພຶດຕິກໍາພົ້ນທຸກ - Untitled design - ມະຕິຄັ້ງທີ XI ຂອງພັກຈາກຄໍາພີສູ່ພຶດຕິກໍາພົ້ນທຸກ

ໂດຍ: ທິດກໍ່າ

ອີງຕາມເປົ້າໝາຍພົ້ນທຸກຂອງພັກ ແລະ ລັດຖະບານເຮົາຄາດວ່າປີ 2024 ຕ້ອງນຳພາປະເທດຊາດອອກຈາກສະຖານະພາບຄວາມທຸກຍາກ ແລະ ດ້ອຍພັດທະນາໄດ້ຢ່າງສິ້ນເຊີງ, ແຕ່ຈະໄດ້ ຫລື ບໍ່ນັ້ນ ມັນກໍຂຶ້ນກັບພວກເຮົາທັງມວນ ໂດຍສະເພາະແມ່ນພະນັກງານຫົວຈັກຫລັກແຫລ່ງນຳພາ ນັບແຕ່ຂັ້ນທ້ອງຖິ່ນຂຶ້ນຮອດສູນກາງຕ້ອງໄດ້ເປັນຫົວຫອກພ້ອມກັນເຢີກ ເພື່ອຂັບເຄື່ອນຢ່າງຈິງຈັງຈຶ່ງສາມາດນຳພາປະເທດຊາດກ້າວໄປສູ່ຈຸດທີ່ໝາຍໄດ້. ນອກຈາກນັ້ນ ປະຊາຊົນບັນດາເຜົ່າກໍຕ້ອງສາມັກຄີເປັນຈິດໜຶ່ງໃຈດຽວກັນຢູ່ອ້ອມຂ້າງພັກ, ຕັ້ງໜ້າປະຕິບັດແນວທາງນະໂຍບາຍຂອງພັກ ແລະ ລັດຖະບານວາງອອກໃຫ້ຈິງຈັງ ໂດຍສະເພາະແມ່ນພ້ອມພາກັນຈັດຕັ້ງຜັນຂະຫຍາຍມະຕິຄັ້ງທີ XI ຂອງພັກໃຫ້ໃຫ້ປາກົດຜົນເປັນຈິງ. ເພາະສະນັ້ນ ໃນປີ 2024 ພວກເຮົາຈະນຳພາປະເທດຊາດໃຫ້ຫລຸດພົ້ນອອກຈາກສະຖານະພາບຄວາມທຸກຍາກ ແລະ ດ້ອຍພັດທະນາໄດ້ ຫລື ບໍ່ນັ້ນກໍຕ້ອງໄດ້ລໍພິສູດເບິ່ງນຳກັນອີກ 4 ປີຂ້າງໜ້າ. ຖ້າວ່າຮອດປີ 2024 ທຸກສິ່ງຢ່າງມີຜົນສຳເລັດຕາມຄາດໝາຍແທ້ ພວກເຮົາກໍຈະໄດ້ພ້ອມກັນສະຫລອງໄຊຊະນະຢ່າງຍິ່ງໃຫຍ່ຂອງຊາດລາວ, ຄົນລາວທີ່ບໍ່ເຄີຍມີມາໃນປະຫວັດສາດຫລາຍຮ້ອຍປີຜ່ານມາ.

ແນວໃດກໍຕາມ, ນັບແຕ່ປີ 2021 ຫາ 2025 ມັນເປັນຊ່ວງໄລຍະທີ່ພວກເຮົາຈັດຕັ້ງຜັນຂະຫຍາຍມະຕິຄັ້ງທີ XI ຂອງພັກ ແລະ ແຜນພັດທະນາເສດຖະກິດ-ສັງຄົມ 5 ປີແຫ່ງລັດ ຄັ້ງທີ IX ເຊິ່ງກ່ອນອື່ນໝົດໃນແຜນພັດທະນາເສດຖະກິດ-ສັງຄົມ 5 ປີ ຄັ້ງທີ IX ວັນະໄດ້ຜ່ານສະພາຮັບຮອງຢ່າງເປັນເອກະສັນໃນກອງປະຊຸມສະໄໝສາມັນຄັ້ງປະຖົມມະລືກຂອງສະພາແຫ່ງຊາດ ຊຸດທີ IX ທີ່ຈະໄດ້ໄຂຂຶ້ນໃນວັນທີ 22 ມີນາທີ່ຈະມາເຖິງ.

ມາຮອດປັດຈຸບັນນີ້, ຖືວ່າພາລະກິດອັນຍິ່ງໃຫຍ່ຂອງພັກນັ້ນແມ່ນໄດ້ສຳເລັດກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ ເຊິ່ງໄດ້ໄຂຂຶ້ນໃນວັນທີ 13 ແລະ ໄດ້ອັດລົງໃນວັນທີ 15 ມັງກອນ 2021 ນີ້ເອງ. ໃນກອງປະຊຸມໃຫຍ່ຂອງພັກຄັ້ງນີ້ແມ່ນພາຍໃຕ້ຄຳຂວັນ “ຍົກສູງຄວາມສາມາດນຳພາຂອງພັກ, ເພີ່ມທະວີຄວາມສາມັກຄີເປັນປຶກແຜ່ນຂອງປະຊາຊົນໃນຊາດ, ຮັບປະກັນສະຖຽນລະພາບດ້ານການເມືອງຢ່າງໜັກແໜ້ນ, ຜັນຂະຫຍາຍແນວທາງປ່ຽນແປງໃໝ່ເຂົ້າສູ່ລວງເລິກ, ສ້າງການຫັນປ່ຽນການພັດທະນາເສດຖະກິດ-ສັງຄົມໄປສູ່ຄຸນນະພາບໃໝ່ຢ່າງແຂງແຮງ, ຍົກລະດັບຄຸນນະພາບຊີວິດຂອງປະຊາຊົນໃຫ້ສູງຂຶ້ນ, ສືບຕໍ່ນຳພາປະເທດຊາດພົ້ນຈາກສະຖານະພາບດ້ອຍພັດທະນາ ແລະ ກ້າວເດີນສູ່ຈຸດໝາຍສັງຄົມນິຍົມ”.

ຕໍ່ຜົນສຳເລັດອັນໃຫຍ່ຫລວງຂອງກອງປະຊຸມຄັ້ງນີ້, ແມ່ນໄດ້ເອກະພາບຕໍ່ບົດລາຍງານການເມືອງຂອງຄະນະບໍລິຫານງານສູນກາງພັກສະໄໝທີ X ເຊິ່ງໄດ້ຕີລາຄາໝາກຜົນແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ X ໃນ 5 ປີຜ່ານມາ ຖືວ່າໄດ້ຮັບຜົນສຳເລັດຢ່າງໃຫຍ່ຫລວງ ສາມາດຖອດຖອນເອົາບົດຮຽນ 4 ປະການທີ່ຈະສືບຕໍ່ນຳພາປະເທດຊາດກ້າວສູ່ການປ່ຽນແປງໃໝ່ຢ່າງຮອບດ້ານ ແລະ ເດີນໜ້າຢ່າງບໍ່ຢຸດຢັ້ງ. ໃນກອງປະຊຸມໃຫຍ່ຂອງພັກ ອັນສຳຄັນອີກປະການໜຶ່ງກໍແມ່ນໄດ້ປ່ອນບັດຄັດເລືອກເອົາບຸກຄະລາກອນການນຳສູງສຸດຂອງພັກຊຸດໃໝ່ ແລະ ອັນສຸດຍອດທີ່ສຸດຈາກຄຳພີກ້າວສູ່ພຶດຕິກຳຕົວຈິງໃນການຈັດຕັ້ງປະຕິບັດ ເພື່ອເຮັດໃຫ້ພາລະກິດອັນຍິ່ງໃຫຍ່ຂອງພັກສຳເລັດຜົນທຸກປະການກໍແມ່ນມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ XI ຂອງພັກປະຊາຊົນປະຕິວັດລາວ ເພາະວ່າມະຕິດັ່ງກ່າວຈະເປັນຂອດຕັດສິນ ທັງເປັນໄມ້ຫລາວັດແທກວ່າໃນປີ 2024 ລາວເຮົາຈະສາມາດຫລຸດພົ້ນອອກຈາກສະຖານະຄວາມດ້ອຍພັດທະນາໄດ້ ຫລື ບໍ່.

ມະຕິຄັ້ງທີ xi ຂອງພັກຈາກຄໍາພີສູ່ພຶດຕິກໍາພົ້ນທຸກ - Wave100S AD to Website 2020 0 - ມະຕິຄັ້ງທີ XI ຂອງພັກຈາກຄໍາພີສູ່ພຶດຕິກໍາພົ້ນທຸກ

ເຖິງຢ່າງໃດກໍດີ, ພວກເຮົາຍັງມີຄວາມເຊື່ອໝັ້ນ ແລະ ສັດທາອັນແຮງກ້າຕໍ່ການຊີ້ນຳ-ນຳພາຂອງພັກປະຊາຊົນປະຕິວັດລາວ ເພາະຕະຫລອດໄລຍະ 40 ປີກວ່າຜ່ານມານີ້, ເຮົາປົກປັກຮັກສາ ແລະ ສ້າງສາປະເທດຊາດກ້າວເດີນມາໄດ້ຊໍ່ານີ້ຍັງດີກວ່າຍຸກສັກດີນາລ້ານຊ້າງຕອນປາຍທີ່ປົກຄອງກັນມາຕັ້ງຫລາຍສິບເທົ່າ. ພວກເຮົາມີຄວາມເຊື່ອໝັ້ນວ່າມະຕິຄັ້ງທີ XI ຂອງພັກຈາກຄໍາພີຈະກ້າວສູ່ພຶດຕິກໍາພົ້ນທຸກຢ່າງແນ່ນອນ.

ມະຕິຄັ້ງທີ xi ຂອງພັກຈາກຄໍາພີສູ່ພຶດຕິກໍາພົ້ນທຸກ - WhatsApp Image 2020 05 27 at 5 - ມະຕິຄັ້ງທີ XI ຂອງພັກຈາກຄໍາພີສູ່ພຶດຕິກໍາພົ້ນທຸກ
ມະຕິຄັ້ງທີ xi ຂອງພັກຈາກຄໍາພີສູ່ພຶດຕິກໍາພົ້ນທຸກ - WhatsApp Image 2020 05 27 at 5 - ມະຕິຄັ້ງທີ XI ຂອງພັກຈາກຄໍາພີສູ່ພຶດຕິກໍາພົ້ນທຸກ
error: Alert: ເນື້ອຫາຂ່າວມີລິຂະສິດ !!