ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3

ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3 - 200205 trump2 editorial - ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3
ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3 - Untitled design - ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3

ວຸດ​ທິສະມາຊິກລົງມະຕິ​ໃຫ້​ເອົາ​ຜິດທ່ານ ທຣຳ 57-43 ຂາດ​ໄປ 10 ສຽງ​ໃນ​ການ​ຖອດ​ຖອນ​ອະດີດ​ຜູ້ນຳ​ອາ​ເມ​ລິ​ກາ​ອອກ​ຈາກ​ຕຳ​ແໜ່​ງ.

ວັນ​ທີ 13 ກຸມພາ 2021, ໜັງສືພິມ​ New York Times ລາຍ​ງານ​ມະຕິ​ຈາກ​ວຸດ​ທິສະມາຊິກ​ໃນ​ການ​ສືບສວນ​ເພື່ອ​ຖອດ​ຖອນ​ອະດີດ​ປະທານາທິບໍດີ ​ໂດ​ນັລ ທຣຳ ທີ່​ຖືກ​ກ່າວ​ຫາ​ວ່າ​ມີ​ສ່ວນ​ໃນ​ການ​ຍຸຍົງ​ໃຫ້​ເກີດ​ຈະລາຈົນ ​ໃນ​ເຫດການ​ບຸ​ກອາຄານ​ລັດຖະສະພາ​ອາ​ເມ​ລິ​ກາ ​ເມື່ອ​ວັນ​ທີ 6 ມັງກອນ ​ໂດຍ​ສະມາຊິກ 57 ຄົນ ລວມ 7 ຄົນ​ຈາກ​ພັກຣີພັບ​ລິ​ກັນ ລົງ​ຄະ​ແນນ​ໃຫ້ ທຣຳ ມີ​ຄວາມ​ຜິດ, ສ່ວນ​ທີ່​ເຫລືອ​ອີກ 43 ຄົນ​ລະບຸ​ວ່າ ທຣຳ ບໍ່​ມີ​ຄວາມ​ຜິດ​ໃນ​ຂໍ້​ກ່າວ​ຫາ​ດັ່ງກ່າວ.

​ເມື່ອ​ຄະ​ແນນ​ສຽງ​ເບື້ອງ​ເຫັນ​ພ້ອມ​ໃຫ້​ດຳ​ເນີນ​ການ​ມີ​ບໍ່​ຮອດ 2 ​ໃນ 3 ກໍ​ຄື 67 ສຽງ ​ເຮັດ​ໃຫ້​ອະດີດ​ປະທານາທິບໍດີ ທຣຳ ບໍ່​ຖືກ​ຖອດ​ຖອນ​ອອກ​ຈາກ​ຕຳ​ແໜ່​ງ ​ແລະ ຍັງ​ມີ​ໂອກາດ​ລົງ​ສະໝັກ​ຮັບ​ເລືອກ​ຕັ້ງ​​ໄດ້​ອີກ​ໃນ​ສະ​ໄໝ​ໜ້າ.

ຫລັງ​ຈາກ​ຮູ້​ມະຕິ​ທີ່​ອອກ​ມາ​ແລ້ວ ອະດີດ​ປະທານາທິບໍດີ ທຣຳ ​ໄດ້​ເຜີຍ​ແຜ່​ຖະ​ແຫລ​ງການ​ຂອບ​ໃຈ​ທີ​ມກົດໝາຍ ​ແລະ ກ່າວ​ວ່າ: ຄວາມ​ພະຍາຍາມ​ໃນ​ການ​ເອົາ​ຜິດ​ທ່ານ​ໃນ​ຄັ້ງນີ້ ​ເປັນ​ການ​ລ່າ​ແມ່ມົດ​ຈາກ​ພັກ​ການ​ເມືອງ​ເບື້ອງກົງກັນຂ້າມ. ອີກ​ທັງ​ຍັງ​ໄດ້​ບອກ​ກັບ​ຜູ້​ສະໜັບສະໜູນ​ວ່າ: ການ​ເຄື່ອນ​ໄຫວ​ເພື່ອ​ເຮັດ​ໃຫ້​ອາ​ເມ​ລິ​ກາ​ກັບ​ມາ​ຍິ່ງ​ໃຫຍ່​ອີກ​ (Make America Great Again) ຫາ​ກໍ​ຈະ​ເລີ່​ມຕົ້ນຂຶ້ນ​ເທົ່າ​ນັ້ນ.

ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3 - Wave100S AD to Website 2020 0 - ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3

ທ່ານ ມິດ ​ແມັກ​ຄອນ​ເນລ ຜູ້ນຳ​ສຽງ​ສ່ວນ​ໜ້ອຍ​ໃນ​ວຸດ​ທິສະພາ​ຈາກ​ພັກຣີພັບ​ລິ​ກັນ​ອອກ​ມາບ​ອກພາຍຫລັງ​ການ​ລົງມະຕິ​ວ່າ: ທຣຳ ມີ​ສ່ວນ​ຮັບຜິດຊອບ​ຕໍ່​ເຫດການ​ທີ່​ເກີດ​ຂຶ້ນ ທັງ​ໃນ​ທາງ​ປະຕິບັດ ​ແລະ ​ໃນ​ທາງ​ຈະລິ​ຍະ​ທຳ, ​ແຕ່​ທ່ານ​ເຊື່ອ​ວ່າ​ຂະ​ບວນການ​ຖອດ​ຖອນ​ບໍ່​ຄວນ​ນຳ​ມາ​ໃຊ້​ກັບ​ອະດີດ​ປະທານາທິບໍດີ​ທີ່​ພົ້ນຈາກ​ຕຳ​ແໜ່​ງ​ໄປ​ແລ້ວ, ຂໍ້​ກ່າວ​ຫາ​ໃນ​ຄັ້ງນີ້​ເປັນ​ພຽງ​ການ​ຢຸດ​ຢັ້ງບໍ່​ໃຫ້ ທຣຳ ລົງ​ເລືອກ​ຕັ້ງ​ໃນ​ສະ​ໄໝ​ໜ້າ.

​ເຖິງ​ຢ່າງ​ໃດ​ກໍ​ຕາມ, ​ເຖິງ​ຈະຫລຸດ​ພົ້ນຈາກ​ຂະ​ບວນການ​ຖອດ​ຖອນ​ໄປ​ໄດ້, ອະດີດ​ປະທານາທິບໍດີ ທຣຳ ຍັງ​ມີ​ໂອກາດ​ຖືກ​ຟ້ອງ​ໃນ​ຂະ​ບວນການ​ຍຸຕິ​ທຳ​ຢູ່.

ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3 - WhatsApp Image 2020 05 27 at 5 - ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3
ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3 - WhatsApp Image 2020 05 27 at 5 - ທຣຳ ລອດບໍ່ຖືກຖອດຖອນ ສ.ວ ລົງຄະແນນເອົາຜິດບໍ່ຮອດ 2 ໃນ 3
error: Alert: ເນື້ອຫາຂ່າວມີລິຂະສິດ !!