Baidu ຖືກສອບສວນຢູ່ຈີນຂໍ້ຫາທົດລອງລົດຍົນຂັບເອງໄດ້ໃນເສັ້ນທາງສາທາລະນະ

- advert banner 728 90 728x90 - Baidu  ຖືກສອບສວນຢູ່ຈີນຂໍ້ຫາທົດລອງລົດຍົນຂັບເອງໄດ້ໃນເສັ້ນທາງສາທາລະນະ

ເມື່ອເວົ້າເຖິງ Baidu ເຊື່ອວ່າຜູ້ອ່ານຈະມີຊອບແວ​ໃນຄອມພິວເຕີເປັນລໍາດັບທໍາອິດ, ແຕ່ອີກດ້ານໜຶ່ງຂອງ Baidu ໃນປະເທດຈີນ ຄືການຄົ້ນຫາໃຫຍ່ທີ່ສຸດຂອງຈີນ ແລະ ຍັງເປັນບໍລິສັດທີ່ຄິດຄົ້ນນະວັດຕະກໍາຕ່າງໆ ເປັນຈໍານວນຫຼາຍ ເອີ້ນໄດ້ວ່າບໍ່ນ້ອຍໜ້າ Google ກໍວ່າໄດ້.

- new3 - Baidu  ຖືກສອບສວນຢູ່ຈີນຂໍ້ຫາທົດລອງລົດຍົນຂັບເອງໄດ້ໃນເສັ້ນທາງສາທາລະນະ

ແລະ ເມື່ອບໍ່ດົນມານີ້ Baidu  ໄດ້ມີການຈັດງານ Baidu Create 2017  ງານປະຊຸມນັກພັດທະນາປະຈໍາປີ ​ເຊິ່ງ​ໄລຍະໜຶ່ງຂອງງານທ່ານ Keynote ຜູ້​ບໍລິຫານ Baidu  ໄດ້ເປີດເຜີຍວີດີໂອການທົດລອງລົດຍົນຂັບເອງໄດ້​ໃນຖະໜົນສາທາລະນະເສັ້ນໜຶ່ງຢູ່ນະຄອນຫຼວງປັກກິ່ງ ນອກຈາກເປັນການສະແດງໃຫ້ເຫັນເຖິງຄວາມກ້າວໜ້າໃນຂອງການພັດທະນາລົດຍົນຂັບເອງໄດ້ຂອງ Baidu ແລ້ວ ອີກດ້ານໜຶ່ງພັດເຮັດໃຫ້ Baidu  ຕ້ອງເດືອດຮ້ອນ ເນື່ອງຈາກການທົດສອບດັ່ງກ່າວເປັນການກະທໍາທີ່ບໍ່ໄດ້ຮັບອະນຸຍາດ.

ຕາມການລາຍງານຂ່າວຂອງສື່ຕ່າງໆລະບຸວ່າ: Baidu ຖືກສອບສວນພາຍຫຼັງທີ່ມີການເຜີຍແຜ່ວິດີໂອການທົດລອງລົດຂັບເອງໄດ້ ​ເຊິ່ງລັດຖະບານຈີນຍັງບໍ່ມີການອະນຸຍາດໃຫ້ທົດລອງລົດຍົນຂັບເອງໄດ້​ໃນຖະໜົນສາທາລະນະ. ຕາມລາຍງານຂ່າວລະບຸອີກວ່າ: Baidu  ຈະຖືກສອບສວນ ແລະ ດໍາເນີນຄະດີຕາມກົດໝາຍ, ແຕ່ຍັງບໍ່ຊັດເຈນວ່າການລົງໂທດດັ່ງກ່າວຈະອອກມາໃນລັກສະນະໃດ.

- lattana 1 - Baidu  ຖືກສອບສວນຢູ່ຈີນຂໍ້ຫາທົດລອງລົດຍົນຂັບເອງໄດ້ໃນເສັ້ນທາງສາທາລະນະ

ທັ້ງນີ້ ລົດຍົນຂັບເອງໄດ້ເປັນສ່ວນໜຶ່ງການພັດທະນານະວັດຕະກໍາທີ່ Baidu ໃຫ້ຄວາມສໍາຄັນຫຼາຍ ​ເຊິ່ງເປົ້າໝາຍຂອງການພັດທະນາລົດຍົນຂັບເອງໄດ້ຢ່າງສົມບູນຈະຕ້ອງສໍາເລັດພາຍໃນປີ 2019 ແລະ ມີແຜນການຜະລິດເພື່ອຈໍາໜ່າຍໃຫ້ກັບຄົນທົ່ວໄປພາຍໃນປີ 2021.

error: Content is protected !!