ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ

ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ - 148186327 925335511603508 806782662208303780 o - ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ
ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ - Untitled design - ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ

ໃນວັນທີ 9 ກຸມພາຜ່ານມານີ້, ຜູ້ສະໝັກເປັນສະມາຊິກສະພາປະຊາຊົນຂັ້ນແຂວງ ຊຸດທີ II ປະຈໍາເຂດເລືອກຕັ້ງນະຄອນໄກສອນ ພົມວິຫານ,ແຂວງສະຫວັນນະເຂດ ໄດ້ເລີ່ມຕົ້ນລົງພົບປະຜູ້ມີສິດປ່ອນບັດເລືອກຕັ້ງເປັນມື້ທໍາອິດ ຢູ່ທີ່ ກຸ່ມບ້ານພັດທະນາທີ 2 ນະຄອນດັ່ງກ່າວ, ປະກອບມີທ່ານ ພູທອນ ພຸດທະຂັນຕິ ຮອງເລຂາທິການສະພາປະຊາຊົນແຂວງ ຜູ້ສະໝັກໝາຍເລກ 1, ທ່ານ ສີທາ ສົງວິໄລ ຮອງເລຂາພັກນະຄອນ, ປະທານກວດກາພັກ-ລັດນະຄອນ ຜູ້ສະໝັກໝາຍເລກ 2 , ທ່ານ ນາງ ດວງຈັນ ແສນວິເສດ ກຳມະການພັກ ປະທານສະຫະພັນແມ່ຍິງນະຄອນ ຜູ້ສະໜັກໜາຍເລກ3, ທ່ານ ວັນປະເສີດ ແກ້ວມະນີໄຊ ຄະນະໜ່ວຍປະທານກວດກາພັກ, ຫົວໜ້າຂະແໜງຈັດຕັ້ງ ແລະພະນັກງານ ຜູ້ສະໜັກເລກ 4 ແລະ ທ່ານ ສົມພອນ ນາມມະໂຄດ ຫົວໜ້າຫ້ອງການເງິນ ຜູ້ສະໜັກໜາຍ 5 ໂດຍການໃຫ້ກຽດຕ້ອນຮັບຂອງທ່ານ ນາງ ພອນໄຊ ຊະນະວົງໄຊ ກຳມະການພັກນະຄອນ ຫົວໜ້າຫ້ອງການສຶກສາທິການ ແລະກິລານະຄອນ ພ້ອມດ້ວຍອຳນາດການປົກຄອງ ແລະຜູ້ມີສິດປ່ອນບັດ  ເລືອກຕັ້ງພາຍໃນກຸ່ມບ້ານ,ຊຶ່ງປະກອບມີບ້ານສຸນັນທາ, ນາເລົ່າ, ສະໜາມໄຊ, ໂນນສະຫວາດ ແລະ ບ້ານທ່າເມືອງ.

ທົ່ວນະຄອນໄກສອນມີໜ່ວຍປ່ອນບັດທັງໝົດ 5 ໜ່ວຍ ແລະຜູ້ມີສິດປ່ອນບັດເລືອກຕັ້ງທີ່ມີອາຍຸແຕ່ 18 ຂຶ້ນໄປ 7.336 ຄົນ, ຍິງ 3.896 ຄົນ, ມາຮອດປະຈຸບັນ, ທາງກຸ່ມບ້ານພັດທະນາທີ 2 ແມ່ນມີຄວາມກຽມພ້ອມເກືອບ 100%. ຈາກນັ້ນ, ໃນພິທີ ກໍ່ໄດ້ນໍາສະເໜີລາຍຊື່ ແລະປະຫວັດການເຄື່ອນໄຫວຂອງຜູ້ສະໝັກ ສສຊ ຊຸດທີ IX ແລະສສຂ ຊຸດທີ II ໃຫ້ກຜູ້ມີສິດເລືອກຕັ້ງໄດ້ຮັບຮູ້.

ຂ່າວໃຫ້ຮູ້ອີກວ່າ: ໃນວັນທີ 10 ກຸມພານີ້, ຜູ້ສະໝັກເປັນ ສສຂ ຊຸດທີ II ປະຈໍາເຂດເລືອກຕັ້ງເມືອງໄຊບູລີ ກໍໄດ້ເລີ່ມລົງພົບປະຜູ້ມີສິດປ່ອນບັດເລືອກຕັ້ງຢູ່ 2ຈຸດຄື: ຈຸດທີ1ແມ່ນຢູ່ທີ່ວັດບ້ານນາແດງ ທີ່ຂຶ້ນກັບກຸ່ມສາລະພູມ ແລະຈຸດທີ 2 ແມ່ນຢູ່ກອງພັນໃຫຍ່ 401 ທີ່ຂຶ້ນກັບບ້ານປ່າໄລ່ ເຊິ່ງຜູ້ຮັບສະມັກເລືອກຕັ້ງປະຈຳເຂດດັ່ງກ່າວປະກອບມີທ່ານ ນາງຈັນສະ   ໝອນ ອິນທິລາດ ຮອງເລຂາພັກເມືອງ ປະທານກວດກາພັກ-ລັດເມືອງຜູ້ຮັບສະໝັກນໍ້າເບີ 01, ທ່ານ ສົມຄິດ ຍາດຕິວົງ ຫົວໜ້າຂະແໜງຄົ້ນຄວ້າ ແລະສັງລວມ ພະແນກການຕ່າງປະເທດແຂວງ ຜູ້ສະໝັກນໍ້າເບີ 2, ທ່ານ ສຸລິວົງ ສີວໍລະວົງ ກຳມະການປະຈຳພັກເມືອງ ຮອງເຈົ້າເມືອງໄຊບູລີ ຜູ້ຮັບສະໝັກນໍ້າເບີ 3 ແລະທ່ານ ພູລົມ ສີຫາວົງ ກຳມະການພັກເມືອງ ຫົວໜ້າຫ້ອງການແຜນການ ແລະການລົງທຶນເມືອງໄຊບູລີ ຜູ້ສະໜັກນໍ້າເບີ 4.

ໃນພິທີ ຍັງໄດ້ຜ່ານລາຍຊື່ ແລະປະຫວັດການເຄື່ອນໄຫວໂດຍຫຍໍ້ຂອງບັນດາທ່ານຜູ້ທີ່ຮັບສະໝັກເລືອກຕັ້ງ ສສຊ ຊຸດທີ IX ປະຈຳເຂດເລືອກຕັ້ງທີ 13 ຈຳນວນ 25 ທ່ານ ແລະ ສສຂ ຊຸດທີ II ຈຳນວນ 4 ທ່ານ ພ້ອມທັງແນະນຳກ່ຽວກັບການປ່ອນບັດນອີກດ້ວຍ.

ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ - Wave100S AD to Website 2020 0 - ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ

ໃນວັນທີ 12 ກຸມພານີ້, ຜູ້ສະໝັກ ເປັນສະມາຊິກສະພາປະຊາຊົນແຂວງສະຫວັນນະເຂດ ຊຸດທີ II ປະຈໍາເຂດເລືອກຕັ້ງເມືອງພີນ ໄດ້ເລີ່ມລົງພົບປະຜູ້ມີສິດປ່ອນບັດເລືອກຕັ້ງເປັນມື້ທໍາອິດຢູ່ 2ຈຸດຄື: ທີ່ວັດ ບ້ານພີນ ແລະວັດບ້ານໂນນສະອາດ ນຳໂດຍທ່ານ ຄຳຮູ້ ສຸລິສິດ ຮອງເຈົ້າເມືອງໆພີນ ພ້ອມຄະນະກອງເລຂາການປ່ອນບັດເລືອກຕັ້ງ.

ສຳລັບຜູ້ລົງຮັບສະໝັກ ສສຂ ເຂດເລືອກຕັ້ງເມືອງພີນ ໃນນີ້ ນໍ້າເບີ 1 ແມ່ນທ່ານ  ແກ້ວວິໃສ ອິນທິລາດ ຮອງເລຂາພັກເມືອງ ປະທານກວດກາພັກ-ລັດເມືອງພີນ, ນໍ້າເບີ 2 ທ່ານ ນາງ ອ່ອນຕາ ບຸດຕະໂຄດ ຫົວໜ້າຂະແໜງ ເຕັກໂນໂລຊີການສື່ສານຂໍ້ມູນຂ່າວສານ, ນໍ້າເບີ 3 ທ່ານ ນາງ  ຄຳຫຼ້າ  ສະຫວັນໄຊ ກຳມະການພັກເມືອງ ປະທານສະຫະພັນແມ່ຍິງເມືອງພີນ,ນໍ້າເບີ 4 ທ່ານ ພັທ ເພັດ ໄຊສົງຄາມ  ຄະນະປະຈຳພັກເມືອງ ຫົວໜ້າກອງບັນຊາການປ້ອງກັນຄວາມສະຫງົບເມືອງພີນ ແລະນໍ້າເບີ 5 ແມ່ນທ່ານ ນາງ ຜາສຸກ ໂຄດສີເມືອງ ຮອງຫົວໜ້າຫ້ອງການສຶກສາທິການ ແລະກິລາເມືອງພີນ. ເຊິ່ງມີຄະນະພັກ-ອຳນາດການປົກຄອງບ້ານ, ກຸ່ມບ້ານ ແລະຜູ້ມີສິດປ່ອນບັດເລືອກຕັ້ງທັງ 2 ກຸ່ມບ້ານ ໃຫ້ການຕ້ອນຮັບຢ່າງອົບອຸ່ນ.

ໃນພິທີ, ຜູ້ທີ່ລົງຮັບສະໝັກເລືອກຕັ້ງ ສສຂ ຊຸດທີ II ປະຈຳເຂດເລືອກຕັ້ງເມືອງພີນ ກໍ່ໄດ້ຜັດປ່ຽນກັນນໍາສະເໜີລາຍຊື່ ແລະປະຫວັດການເຄື່ອນໄຫວຂອງຕົນເອງຕໍ່ຜູ້ມີສິດເລືອກຕັ້ງໄດ້ຮັບຮູ້ ພ້ອມທັງຮັບເອົາຂໍ້ສະ ເໜີບັນຫາຕ່າງໆຂອງປະຊາຊົນ ໄວ້ເພື່ອແກ້ໄຂໃນໄລຍະຕໍ່ໜ້າຕື່ມອີກດ້ວຍ.

ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ - WhatsApp Image 2020 05 27 at 5 - ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ
ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ - WhatsApp Image 2020 05 27 at 5 - ຜູ້ລົງຮັບສະໝັກ ສສຂ ເຂດເລືອກຕັ້ງນະຄອນ ໄກສອນ ພົມວິຫານ ລົງພົບປະຜູ້ມີສິດປ່ອນບັດ
error: Alert: ເນື້ອຫາຂ່າວມີລິຂະສິດ !!