5 ອັນຕະລາຍໃນເຮືອນທີ່ຄວນເອົາໃຈໃສ່

- advert banner 728 90 728x90 - 5 ອັນຕະລາຍໃນເຮືອນທີ່ຄວນເອົາໃຈໃສ່
  1. - 2202 300x225 - 5 ອັນຕະລາຍໃນເຮືອນທີ່ຄວນເອົາໃຈໃສ່ລະບົບໄຟຟ້າ ກວດເບິ່ງດີຫລືຍັງ : ເລື່ອງຟືນໄຟພາຍໃນເຮືອນເບິ່ງເປັນເລື່ອງທີ່ສັບຊ້ອນ ແລະ ຫຍຸ້ງຍາກພໍສົມຄວນ ຄົນ ສ່ວນຫລາຍບໍ່ຄ່ອຍກວດສອບລະບົບໄຟຟ້າພາຍໃນເຮືອນພໍປານໃດ ແລະ ນີ້ກໍເປັນຊ່ອງທາງອັນຕະລາຍກັບສະຫວັດດິພາບຂອງຄົນໃນເຮືອນຫລາຍ ເພາະຫາກເກີດຄວາມຜິດພາດໃນລະບົບໄຟຟ້າຂຶ້ນ ເຫດການໄຟຟ້າລັດວົງຈອນ ຫລື ໄຟຟ້າຊັອດກໍມີໂອກາດເກີດງ່າຍຂຶ້ນ. ສະນັ້ນຫາກມີໂອກາດກໍຄວນກວດສອບລະບົບໄຟຟ້າພາຍໃນເຮືອນໃຫ້ຮຽບຮ້ອຍ ແລະ ທາງທີ່ດີຄວນຕິດຕັ້ງລະບົບປ້ອງກັນໄຟຟ້າລັດວົງຈອນໄວ້ນຳ.
  2. ສານເຄມີຈາກສີທາເຮືອນສິ່ງນີ້ຕ້ອງລະວັງ : ສີທາເຮືອນຖືເປັນສານເຄມີຊະນິດໜຶ່ງ ເພາະສາມາດກໍ່ໃຫ້ເກີດແຊນມະເຮັງ ແລະ ພະຍາດກ່ຽວກັບລະບົບທໍ່ຫາຍໃຈໄດ້. ດັ່ງນັ້ນ ເພື່ອຄວາມປອດໄພຂອງທຸກຄົນໃນເຮືອນຄວນເລືອກໃຊ້ສີທາເຮືອນທີ່ປອດຈາກສານVOCs (Volatile Organic Chemicals) ຫລື ສານອິນຊີລະເຫີຍງ່າຍ.
  3. ຫ້ອງເກັບມ້ຽນເຄື່ອງ, ຂີ້ຝຸ່ນ ແລະອື່ນໆທີ່ຕ້ອງຫລີກເວັ້ນ : ເຖິງວ່າເຮົາຈະບໍ່ຄ່ອຍໄດ້ໃຊ້ວຽກ ຫລື ເປີດຫ້ອງເກັບມ້ຽນເຄື່ອງ, ແຕ່ກໍປະຕິເສດບໍ່ໄດ້ວ່າໃນນັ້ນເຕັມໄປດ້ວຍຂີ້ຝຸ່ນ, ຄວາມຊຸ່ມ, ເຊື້ອພະຍາດ ແລະ ເຜີໆອາດມີເຊື້ອລາໂຮມໂຕຢູ່ນຳອີກ ເຊິ່ງມີຄຸນສົມບັດເລື່ອງທຳລາຍສຸຂະພາບຫລາຍຂະໜາດນີ້ ແນ່ນອນວ່າຕ້ອງສົ່ງຜົນຮ້າຍຕໍ່ຮ່າງກາຍທາງໃດທາງໜຶ່ງ ແລະ ທ່ານກໍຕ້ອງໝັ່ນເຮັດຄວາມສະອາດ ແລະ ເປີດປ່ອງຢ້ຽມໃຫ້ອາກາດໄດ້ຖ່າຍເທແດ່ ເຊື້ອພະຍາດ ແລະ ຂີ້ຝຸ່ນຈະຫລຸດລົງໄດ້.
  4. ຕູ້ຢາສາມັນປະຈຳເຮືອນຕ້ອງກວດເບິ່ງໃຫ້ດີ : ແນ່ນອນວ່າເຮືອນໃດກໍຕ້ອງມີຕູ້ຢາ ຫລື ກ່ອງຢາປະຈຳເຮືອນ ເຜື່ອວ່າບໍ່ສະບາຍ ຫລື ເກີດເຫດສຸກເສີນຈຶ່ງຈະໄດ້ປະຖົມພະຍາບານເບື້ອງຕົ້ນໄດ້ທັນເວລາ, ແຕ່ຍອມຮັບວ່າຫລາຍທ່ານບໍ່ເຄີຍໄດ້ກວດເບິ່ງວັນເດືອນປີໝົດອາຍຸຂອງຢາຊະນິດຕ່າງໆທີ່ຢູ່ໃນຕູ້ຢາເລີຍ ເຊິ່ງມັນເທົ່າກັບເປັນການເປີດໂອກາດໃຫ້ຮ່າງກາຍສ່ຽງກັບຢາທີ່ໝົດອາຍຸໄດ້ງ່າຍໆ. ດັ່ງນັ້ນຢາຊະນິດໃດໝົດອາຍຸກໍກຳຈັດອອກໄປ ແລ້ວຫາຊື້ຢາທີ່ຂາດເຫລືອມາຕື່ມໃຫ້ພ້ອມ ແລະ ຢ່າລືມຈັດວາງບ່ອນມ້ຽນຢາໃຫ້ໄກຈາກມືເດັກນ້ອຍນຳ.
  5. ອ່າງ ແລະ ທໍ່ນ້ຳ ເອົາໃຈໃສ່ຕື່ມ : ຮູ້ຫລືບໍ່ວ່ານອກຈາກຄາບເປິເປື້ອນ, ເຊື້ອພະຍາດ, ແບັກທີເຣຍ ແລະ ຈຸລິນຊີທັງຫລາຍແລ້ວ ຍຸງລາຍກໍມັກໄປລີ້ວາງໄຂ່ໃນທໍ່ນ້ຳຄືກັນ ແລະ ໃນທີ່ສຸດກໍກາຍເປັນຍຸງລາຍບິນກິນເລືອດຄົນໃນເຮືອນ ທັງຍັງເປັນພາຫະນຳເຊື້ອພະຍາດໄຂ້ເລືອດອອກນຳອີກ. ດັ່ງນັ້ນເມື່ອຮູ້ແນວນີ້ແລ້ວກໍຄວນເຮັດຄວາມສະອາດຂ້າເຊື້ອພະຍາດໃນອ່າງລ້າງໜ້າ, ອ່າງລ້າງຈານ ແລະ ທໍ່ ນ້ຳຖິ້ມເລື້ອຍໆ ໂດຍການເທນ້ຳຮ້ອນລົງໄປຢ່າງໜ້ອຍ 3 – 4 ເທື່ອຕໍ່ອາທິດ.
- Wave100S AD to Website 2020 0 - 5 ອັນຕະລາຍໃນເຮືອນທີ່ຄວນເອົາໃຈໃສ່
- lattana 1 - 5 ອັນຕະລາຍໃນເຮືອນທີ່ຄວນເອົາໃຈໃສ່
error: Alert: Content is protected !!